1 Rey 22:40 - Kaqchiquel Bible

⁴⁰ Toq xmuq yan ri Acab, ri xk'oje' kan pa ruk'exel ja ri ruk'ajol ri rubini'an Ocozías.

1 Rey 22:40 ပူးပေါင်းရင်းမြစ်များ

2 Crón 20:35

Chirij ronojel re banobel re', ri Josafat rey richin Judá xjunamatej-ruwech rik'in ri Ocozías, rey richin Israel, ri kan itzel rubanobal chuwech ri Dios.

2 Rey 1:17

Keri' xken ri Ocozías achi'el xbix chire ri Elías roma ri Jehová. Y ri Ocozías kan man jun k'a ralk'ual xk'oje', y roma ri' ja ri Joram ri rach'alal ri xk'oje' kan pa ruk'exel richin xq'aton kan tzij pa ruwi' ri ruwach'ulew Israel. Ronojel re' xbanatej chupan ri ruka'n juna' toq ri jun chik Joram, ri ruk'ajol ri Josafat niq'aton-tzij pa Jerusalem pa ruwi' ri ruwach'ulew Judá.

2 Rey 1:2

Y ri Ocozías, rey richin ri ruwach'ulew Israel, xbetzaq-pe pa ventana ri k'o-q'anej pa ruka'n wiq y janila xkajtej. Y roma ri' xeroyoj ri rusamajela', y xubij-el chike chi tibekik'ulubej ri Baal-zebub, ri dios kichin ri winaqi' aj-Ecrón, y tikik'utuj chire wi nik'achoj-q'anej chire ri kajtajik.

1 Rey 22:51

Toq ri Josafat k'a k'es na, y chupan ri juna' wuqlajuj richin ri ruq'atbal-tzij pa ruwi' ri Judá, jari' toq xok kan rey ri Ocozías ruk'ajol ri Acab, ri chiri' pan Israel pa tinamit Samaria. Y xa ka'i' k'a juna' xuq'et-tzij pa ruwi' ri Israel.

1 Rey 14:31

Xuxlan k'a ri Roboam y xmuq akuchi e muqul-wi ri rute-rutata' pa rutinamit kan ri rey David, y ri rute' ri Roboam rubini'an Naamá aj-Amón. Y ri xk'oje' kan pa ruk'exel ja ri ruk'ajol ri rubini'an Abiam.

1 Rey 11:21

Y toq q'axineq chik k'iy juna', jari' toq ri Hadad xrak'axaj chiri' pan Egipto chi ri David xuxlan yan el, y chuqa' xken ri Joab aj-raqen kichin ri aj-labal. Jari' toq ri Hadad xubij chire ri rey richin Egipto: Yin ninrayibej chi yitzolin ta pa nuruwach'ulew Edom. Tabana' utzil taya-el q'ij chuwe richin yitzolin k'a chila', xcha'.

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

1 Rey 22:39

Y ronojel ri ch'aqa' chik ri xebanatej chupan ri q'atbel-tzij richin ri Acab e tz'ibatel kan ronojel chupan ri Wuj Ri Cholan Nich'on pa kiwi' ri rey richin ri Israel. Chiri' chuqa' e tz'ibatel-wi kan ronojel ri samaj richin ri jay ri xuben, ri xuya' ruwiqobal ri e banon rik'in rey tix, y chuqa' ri tz'aq ri xeruben richin xerusutij-kij ri tinamit.

1 Rey 22:41

Toq ri Acab k'a k'es na, y chupan ri rukaj juna' richin ri ruq'atbal-tzij pa ruwi' ri Israel, jari' toq xok kan rey ri Josafat, ri chiri' pa Judá.

1 Rey 11:43

Y toq ri Salomón xuxlan-el, xkimuq k'a chupan ri rutinamit kan ri David ri rutata'. Y ri xq'aton kan tzij pa ruk'exel, ja ri Roboam ri ruk'ajol.

1 Rey 22:52

Xa man utz ta k'a xuben chuwech ri Jehová; xa xuben achi'el xkiben ri rute-rutata', y chuqa' xuben achi'el ri Jeroboam, ri ruk'ajol ri Nabat, ri xbanon chi xemakun ri tinamit Israel,