1 Rey 22:30 - Kaqchiquel Bible

³⁰ Y ri Acab xubij chire ri Josafat: Yin xtinjel-el nuwech y xkinok-apo chupan ri oyowal, jak'a rat takusaj ri atziaq richin rey, xcha'. Y keri' ri Acab kan xujel k'a el ruwech y xbe pan oyowal.

1 Rey 22:30 ပူးပေါင်းရင်းမြစ်များ

2 Crón 35:22

Jak'a ri Josías man xunimaj ta; xa kan xujel-el ruwech richin xberubana' oyowal rik'in ri Necao. Kan man xunimaj ta rutzij ri Necao stape' xubij ri rubin ri Dios chire. Y rija' kan xbe pan oyowal chiri' pa taq'aj kojol juyu' pa Meguido.

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

1 Sam 28:8

K'ari' ri Saúl xujel k'a el ri rutziaq richin rey, richin man netamex ta ruwech, y xebe k'a e rachibilan-el e ka'i' achi'a'. Y toq xe'apon rik'in ri ixoq, rija' xubij chire: Tabana' utzil kach'on kik'in ri kaminaqi' y tawoyoj ri xtinbij chawe yin, xcha'.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

2 Crón 18:29

Y ri Acab xubij chire ri Josafat: Yin xtinjel-el nuwech y xkinok-apo chupan ri oyowal, jak'a rat takusaj ri atziaq richin rey, xcha'. Y keri' ri Acab kan xujel k'a el ruwech y xbe pan oyowal.

1 Rey 22:10

Y ri Acab y ri Josafat rey richin Judá e tz'uyul chiri' pa kich'akat y kikusan ri kitziaq richin rey, chiri' pa jun era ri k'o-apo chuwech ri ruchi' ri tinamit Samaria, y konojel k'a ri q'alajirisey ruch'abel ri ki-dios ri ek'o kik'in ye'ajin nikik'ul ri achi'el achik'.

1 Rey 20:38

K'ari' ri q'alajirisey ruch'abel ri Dios xbe y xbepa'e' chuchi' ri bey richin nroyobej ri rey. Rija' xumatzej k'a el ruwech rik'in jun tzieq richin man netamex ta ruwech.

1 Rey 14:2

Y ri Jeroboam xubij chire ri rixjayil: Yin ninwajo' chi rat yabe k'a pa tinamit Siló, y yabe k'a rik'in ri Ahías ri q'alajirisey ruch'abel ri Dios, ri xbin chuwe chi ja yin xkinok rey pa ruwi' re tinamit re'. Jak'a richin man netamex ta awech chi at wixjayil yin, tajala-el awech.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.