1 Rey 22:3 - Kaqchiquel Bible

³ Chupan ri q'ij ri', ri Acab xubij chike ri e aj-samaj richin rija': ¿Iwetaman chi ri Ramot ri k'o pa Galaad kan qichin roj, jak'a roj kan man jun qabanon richin qelesan ta kan pa ruq'a' ri rey richin Siria?, xcha'.

1 Rey 22:3 ပူးပေါင်းရင်းမြစ်များ

2 Sam 19:10

Man rik'in ri', ri Absalón ri xqaben chire chi xok qa-rey, xa xken kan pan oyowal. Wakami k'a ¿Achike roma man niqaben chire ri rey David chi nitzolej chik pe qik'in?, xecha'.

1 Rey 22:29

Y keri' ri Acab rey richin Israel junan rik'in ri Josafat rey richin Judá xebe pan oyowal chiri' pa Ramot ri k'o pa Galaad.

1 Rey 4:13

Ri Ben-guéber ja rija' ri k'o pa ruwi' ri ruwach'ulew akuchi k'o-wi ri tinamit Ramot richin Galaad y ri kokoj taq kitinamit ri xek'oje' pa ruq'a' ri Jaír ruk'ajol kan ri Manasés. Chuqa' pa ruq'a' rija' k'o-wi ri ruwach'ulew Argob ri k'o pa ruwach'ulew Basán, akuchi ek'o-wi oxk'al e nima'q taq tinamit ri ya'on tz'aq chikij y ya'on rutz'apebal-ruchi' y e ya'on ch'ich' chirij ri banon rik'in q'enq'oj-pueq.

2 Rey 8:28

Y ri Ocozías xbe k'a rik'in ri Joram rey richin Israel richin nibekibana' oyowal rik'in ri Hazael rey richin Siria, ri chiri' pa tinamit Ramot richin ri ruwach'ulew Galaad. Jak'a ri aj-Siria kan xkisok-el ri Joram.

2 Rey 9:14

Keri' ri Jehú ruk'ajol ri Josafat y rumam kan ri Nimsí, xuchop xupaba-ri' chuwech ri Joram. Ri Joram xk'oje-el pa tinamit Ramot ri k'o pa Galaad kik'in konojel ri aj-Israel richin xuchajij, roma ri Hazael rey richin Siria kan nrajo' nuben oyowal kik'in.

Deut 4:43

Richin ri rutzobaj kan ri Rubén, k'o ri tinamit Béser ri k'o pa taq'aj richin ri tz'iran ruwach'ulew. Richin ri rutzobaj kan ri Gad, k'o ri Ramot pa Galaad. Y richin ri nik'aj tzobaj richin ri Manasés k'o ri Golán pa Basán.

Wuj Richin ri Josúe 20:8

Y ri juk'an chik ruchi' ri raqen-ya' Jordán, chuwech-apo ri tinamit Jericó, xkicha' k'a ri tinamit Béser, ri k'o pa tz'iran ruwach'ulew, y re' k'o pa taq'aj chupan ri kiruwach'ulew ri tzobaj richin ri Rubén; y chupan ri ruwach'ulew Galaad xkicha' ri tinamit Ramot ri kichin ri tzobaj richin ri Gad; y chupan ri ruwach'ulew Basán xkicha' ri tinamit Golán, y re' kichin ri tzobaj richin ri Manasés.

Wuj Richin ri Josúe 21:38

Ri tzobaj richin ri Gad xujech kan ri tinamit Mahanaim, Hesbón, Jazer y ri Ramot richin ri Galaad. Y ri Ramot ri' tinamit richin tobel kichin ri winaqi' ri chaq k'ate' nikiben jun kamik. Re' e kaji' tinamit rik'in ri kisoq'olbal.

Wuj Kichin ri To'onela' 16:2

Y xya'ox k'a rutzijol chike ri aj-Gaza y xbix chike chi ri Sansón k'o chupan ri kitinamit. Y rije' xkisutij-rij ri jay chijun aq'a', y xkichajij ri ruchi' ri tinamit y xkiya' chikiwech chi k'a toq xtiseqer na pe, k'ari' xtikikamisaj.

Wuj Kichin ri To'onela' 18:9

Jo' qojyakatej chikij, roma roj xqabenik'oj yan kan jebel ri ruwach'ulew, y kan xqatz'et kan chi kan janila jebel. Y rix ¿Achike roma kan man jun niben? Man tiq'oraj yixbe richin yojbe'ok chupan ri ruwach'ulew ri xtok qichin.