1 Rey 22:19 - Kaqchiquel Bible

¹⁹ Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

1 Rey 22:19 ပူးပေါင်းရင်းမြစ်များ

Wuj Richin ri Achin Job 2:1

Pa jun chik q'ij ri aj-chikajil rusamajela' ri Dios xbekimolo' chik ki' chuwech ri Jehová. Chikikojol rije' beneq chik k'a jun bey ri Satanás.

Wuj Richin ri Achin Job 1:6

Jun q'ij ri aj-chikajil rusamajela' ri Dios xbekimolo-ki' chuwech roma ri kisamaj, y chikikojol rije' beneq k'a chuqa' ri Satanás, ri sujunel.

San Mateo 18:10

Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Hebreos 1:7

Chikij ri ángel xaxe nubij:*f2* Ri nu-ángel ninben chike chi e achi'el ri kaq'iq', chi e achi'el ri ruxaq-q'aq', nicha'.

Ez 13:2

Rat Ezequiel, kach'on k'a pa nubi' yin kik'in ri nikibananej chi nikiq'alajirisaj ri nuch'abel ri ek'o chiri' pa ruwach'ulew Israel y tabij chike chi tikak'axaj k'a ri nuch'abel, roma xa kiyon k'a rije' nikitz'uk-q'anej ri nikibij.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Wuj Richin ri Isaías 28:14

Roma ri' kan tiwak'axaj k'a ri ruch'abel ri Jehová, rix aj-raqen pa ruwi' ri tinamit, ri kan inimirisan-iwi'.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

Apocalipsis 5:11

Chirij ri' xintz'et k'a chi e janila k'iy ángel ri kisutin-rij ri jun ri tz'uyul chupan ri tz'uyubel richin q'atbel-tzij, ri e kaji' ri k'o kik'aslen y ri achi'a' ri k'o kiq'ij. Y ri ángel ri ek'o kan janila e k'iy, ri kan man ajlatel ta.

San Mateo 25:31

Y toq yin ri xiqaqa-pe achi'el wineq chi'ikojol xkipe chik k'a, kan rik'in chik k'a nuq'ij-nuk'ojlen; y chuqa' kan konojel k'a ri ángel xkepe wik'in. Y jari' k'a toq yin xkitz'uye' pa nutz'uyubal richin ri nuruwaq'ijaj.

Wuj Richin ri Zacarías 1:10

Jari' toq ri achin ri' xubij chi rije' e taqon-pe roma ri Jehová richin nokinik'oj chijun re ruwach'ulew.

Am 7:16

Roma ri' tawak'axaj k'a ri ruch'abel ri Jehová. Rat Amasías xabij chuwe chi man jun tinq'alajirisaj chirij ri achike xtibek'uluwachitej wawe' pan Israel, ni man jun tinbij chiwij rix.

Wuj Richin ri Jeremías 42:15

roma ri' tiwak'axaj k'a ri ruch'abel ri Jehová, rix nuwinaq aj-Judá. Kere' nubij ri Jehová k'iytisanel richin ronojel, ri qa-Dios: Wi rix niwajo' yixbek'ase' pan Egipto,

Wuj Richin ri Jeremías 29:20

Roma ri' tiwak'axaj k'a ri nuch'abel iwonojel rix ri xixinwelesaj-el wawe' pa Jerusalem y xixinteq-el pa Babilonia.

Wuj Richin ri Jeremías 2:4

Tiwak'axaj k'a ri nuch'abel yin Jehová, rix ri ix rijatzul kan ri Jacob.

1 Sam 16:14

Ri Espíritu richin ri Jehová xel k'a el rik'in ri Saúl, y ri Jehová xuteq chik k'a pe jun itzel espíritu rik'in, y jari' ri nich'ujirisan richin.

1 Rey 22:20

Y ri Jehová xuk'utuj chike ri ángel: ¿Achike ta chiwe rix nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan?, xcha'. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

Ex 24:9

Xeri' xejote-q'anej pa ruwi' ri juyu' Sinaí; ri Moisés, ri Aarón, ri Nadab, ri Abihú, y ri e oxk'al lajuj rijita'q taq achi'a' ri k'o kiq'ij richin ri Israel.

Ex 24:10

Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Wuj Richin ri Q'axanri'il 24:3

Yin Balaam ri ruk'ajol ri Beor ri ninq'alajirisaj ruch'abel ri Dios. Yin ninbij ri qitzij.

Wuj Richin Bix Chire ri Dios 81:9

Man k'a kek'oje' chi'ikojol rix ch'aqa' chik dios, ni man k'a kixxuke' chikiwech rije'.

Ez 16:35

Rat Jerusalem abanon achi'el jun ixoq itzel ruk'aslen y roma ri' k'o chi xtawak'axaj ri nuq'atbel-tzij ri xtinya' pan awi'.