1 Rey 22:17 - Kaqchiquel Bible

¹⁷ K'ari' rija' xubij chire ri Acab: Yin nintz'et chi konojel ri winaqi' israelita kitalun-ki' pa ruwi' taq juyu', achi'el taq karne'l ri maneq kiyuq'unel. Y ri Jehová nubij k'a chi konojel re winaqi' re' xa maneq kajaw. Roma ri' taya' q'ij chike chi chikijujunal ketzolin chi taq kachoch rik'in uxlanibel-k'u'x, xcha' ri Micaías.

1 Rey 22:17 ပူးပေါင်းရင်းမြစ်များ

San Mateo 9:36

Y toq xerutz'et ri janila chi winaqi', kan xujoyowaj k'a kiwech, roma kan kiyon ek'o y kitalun-ki'; achi'el nikiben ri karne'l toq xa maneq ri niyuq'un kichin.

Wuj Richin ri Q'axanri'il 27:17

ri kan nitikir yeruk'uaj y yeruk'en-pe; ri kan nok jun uk'uey kichin, richin keri' man xtikiben ta achi'el jun tzobaj karne'l ri maneq kiyuq'unel, xcha'.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Wuj Richin ri Jeremías 50:6

Rix nutinamit xa ix achi'el karne'l ri ix sachineq, roma ri aj-raqen xa xixkitaluj kan achi'el nuben jun yuq'unel ri yerutaluj kan ri rukarne'l. Rije' xkiya' q'ij chiwe chi xixsach kan pa taq juyu'. Xixel-el pa juyu' y kan ximestaj kan ri iqejoj.

Wuj Richin ri Zacarías 10:2

Ri nikikuquba' kik'u'x kik'in wachibel xa kiyon rije' nikiq'ol-qa-ki'. Y ri nikibananej chi ketaman ri peteneq chiwech xa kan ruyon tz'ukun taq tzij ri yekibij. Nikibij chi k'o xk'utumej chikiwech, jak'a ri achik' ri' xa man jun nik'atzin-wi. Ri kich'abel richin kuqubabel-k'u'x xa man jun rejqalen. Roma ri' ri nuwinaq xkitalula-ki', achi'el nikiben ri tzobaj karne'l ri maneq niyuq'un kichin.

1 Sam 9:9

Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

Ez 1:4

Kan jari' xintz'et k'a chi pa xaman peteneq jun nimalej kaq'iq' ri ruk'amon-pe jun nimalej sutz' ri kan nirepelun y jun achi'el q'aq' ri nuk'aqala-el koyopa' y pa runik'ajal ri q'aq' ri' nirepelun achi'el ri q'enq'oj-pueq.

Marcos 6:34

Toq ri Jesús xqaqa kan chupan ri barco, xutz'et k'a chi janila e k'iy ri winaqi' ri e oyobeyon richin ri chiri'. Rija' xujoyowaj k'a kiwech, roma ri kibanon achi'el xa ja ri karne'l toq man jun niyuq'un kichin. K'ari' rija' k'iy xuk'ut chikiwech chirij ri ruch'abel ri Dios.

1 Rey 22:16

Y ri Acab xubij chik chire: ¡Janipe' mul nubin chik chawe chi toq rat yach'on wik'in pa rubi' ri Jehová, kan tabij k'a ri qitzij chuwe!, xcha'.

Wuj Richin ri Isaías 13:14

Chupan ri q'ij ri', ri winaqi' xa xke'animej-el, achi'el nuben ri masat toq k'o oqotayon. Chikijujunal k'a xtikitaluj-el-ki' y xketzolin pa taq kiruwach'ulew, achi'el ri taq karne'l toq man jun niyuq'un kichin.

Wuj Richin ri Jeremías 28:8

Ri e q'alajirisey ri ruch'abel ri Dios ri xek'oje' ojer kan, k'a toq man jani qojalex roj, rije' xkiq'alajirisaj chi xtibanatej labal pa kiwi' nima'q taq ruwach'ulew y chi xtipe yabil y wayjal pa kiwi' ri nima'q taq q'atbel-tzij.

Wuj Richin ri Nahum 3:18

Rat rey richin Asiria, ri e aj-raqen ri ek'o awik'in xa xewer-qa. Chuqa' ri achi'a' ri k'o kiq'ij xa xe'uxlan-qa. Ri awinaq xa xkitaluj-ki' pa taq q'ayis achi'el nikiben ri taq karne'l. Y man jun yuq'unel k'o richin nimolon kichin.

Wuj Richin ri Q'axanri'il 24:3

Yin Balaam ri ruk'ajol ri Beor ri ninq'alajirisaj ruch'abel ri Dios. Yin ninbij ri qitzij.

Wuj Richin ri Q'axanri'il 24:4

Yin kan noqaqa-wi ri ruch'abel ri Dios pa nuxikin: Kan nintzu-wi jebel toq kan ninch'ob rij ri Dios. Kan nintzu-wi jebel toq nik'utumej chinuwech ri k'o ronojel uchuq'a' pa ruq'a'.