1 Rey 22:11 - Kaqchiquel Bible

¹¹ Y jun k'a chike rije' ri rubini'an Sedequías, ruk'ajol ri Quenaaná, e rubanon ka'i-oxi' ruwachibel uk'a' rik'in q'eqapueq, y rija' xuq'alajirisaj k'a: Kere' nubij ri Jehová: Rik'in k'a re uk'a' re' xke'ikoq'ila-wi ri aj-Siria achi'el nitoq'on jun wákix, k'a toq xkek'is na pan iq'a', xcha' chike.

1 Rey 22:11 ပူးပေါင်းရင်းမြစ်များ

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.

2 Timoteo 3:8

Rije' xa kitzeqelben ri itzel kibanobal ri ka'i' aj-itza' ri xek'oje' ojer ri xkibini'aj Janes y Jambrés, ri xkipaba-ki' chuwech ri Moisés, kan keri' chuqa' nikiben ri achi'a' ri' wakami ri nikipaba-ki' chuwech ri qitzij. Xa yojtajineq chik ri kich'obonik roma ri etzelal, nikibij chi kiniman chik ri Dios, y xa man qitzij ta.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Wuj Richin ri Jeremías 29:21

Yin Jehová k'iytisanel richin ronojel ri yibin. Jare' ri ninbij pa kiwi' ri Acab ruk'ajol ri Colaías*f10* y ri Sedequías ruk'ajol ri Maaseías, roma rije' kan nikiben richin nikiq'alajirisaj pa nubi' yin, ri man qitzij ta. Roma ri' wakami xkenjech-el pa ruq'a' ri Nabucodonosor y rija' kan chiwech k'a rix, xkerukamisaj-wi.

Wuj Richin ri Jeremías 27:2

Y xubij chuwe: Tabana' jun yugo y taxima' chi'aqul rik'in jun kolo'. K'ari' tataqa-el re rutzijol re' chire ri rey richin Edom, ri rey richin Moab, ri rey richin Amón, ri rey richin Tiro y chire ri rey richin Sidón, re rutzijol re' xtateq-el chikij ri e ya'ol rutzijol ri e peteneq pa Jerusalem, richin nokitz'eta' kan ri k'ak'a' rey rubini'an Sedequías.

Wuj Richin ri Jeremías 23:31

Kan in yakatajineq chikij ri nikibananej chi nikiq'alajirisaj rik'in ri kich'abel y nikibij: Re' kan ja ri Jehová nibin, yecha'.

Wuj Richin ri Jeremías 23:25

Kan wak'axan k'a ri tz'ukun taq tzij ri nikibij y nikibananej chi e q'alajirisey nuch'abel. Kan yech'on pa nubi' yin y nikibij chi k'o jun ri xtik'utumej chikiwech.

Wuj Richin ri Jeremías 23:17

Y toq ye'apon ri e etzelanel wichin, nikibij: Ri Jehová nubij chi xtik'oje' uxlanenri'il, yecha'. Y toq ye'apon ri winaqi' ri nikirayij ruyon itzel taq banobel, nikibij chike: Man jun itzel ruk'ayewal ri xtipe chiwij, yecha'.

Hechos 21:11

Toq rija' xapon k'a chiqatz'etik, xberuk'ama-pe jun ximibel-rupan ri Pablo, y rik'in ri' xuximila' ruq'a-raqen ruyon-qa rija', y k'ari' xubij: Ri Loq'olej Espíritu rubin k'a chuwe chi ri rajaw re ximibel re', kere' xtibeban chire koma ri qawinaq judío toq xtapon ri pa Jerusalem, y k'ari' xtikijech pa kiq'a' winaqi' ri xa man e qawinaq ta, xcha'.

1 Rey 22:12

Y ri ch'aqa' chik e q'alajirisey ruch'abel ri ki-dios junan ri kich'abel y nikibij chi kan utz-wi chi yebe pa Ramot richin nibekibana' oyowal, y kan ja ri Acab ri xtich'akon, roma ri Jehová kan xkerujech pa ruq'a' rija' ri aj-Siria.

1 Rey 22:24

K'ari' xjel-apo ri Sedequías ruk'ajol ri Quenaaná rik'in ri Micaías y xuya' jun q'a' chupalej, y xubij chire: ¿Achi'el toq xel-el ri espíritu richin ri Jehová wik'in yin, y xa awik'in chik rat nich'on-wi?, xcha'.

Dn 8:4

Y xintz'et chi ri karne'l ri' nuben chi nitoq'on ri keri' pa qajbel-q'ij, pa xaman y pa xokon, y kan man jun k'a chikop ri nitikir ta nupaba-ri' y nukol ta el ri' chuwech roma ri ruchuq'a'. Kan nuben k'a ronojel ri achike ri niqa' chuwech y ri karne'l ri' kan janila k'a xnimer.

Wuj Richin ri Jeremías 23:16

Y chuqa' yin Jehová k'iytisanel richin ronojel ninbij chiwe rix winaqi' aj-Israel, man tinimaj ri nikiq'alajirisaj rije', roma ri nikibij xa kan ruyon tz'ukun taq tzij. Ri xa kan kiyon rije' nikitz'uk-q'anej y man ja ta yin ri yibin chike.