1 Rey 21:9 - Kaqchiquel Bible

⁹ Y ri wuj ri xeruteq kere' nubij: Titaluj rutzijol chike konojel ri winaqi' chi k'o jun q'ij richin man yixwa' ta, y tibij chike chi chupan ri q'ij ri', niben jun molojri'il y niya' ri Nabot chikiwech ri winaqi'.

1 Rey 21:9 ပူးပေါင်းရင်းမြစ်များ

San Juan 18:28

Nimaq'a' yan xkelesaj-el ri Jesús ri chiri' pa rachoch ri Caifás, richin chi nibejach pa ruq'a' ri Pilato ri k'o chiri' pa jay richin q'atbel-tzij. Jak'a ri e uk'uayon-apo richin ri Jesús man k'a xe'ok ta apo ri pa jay, roma chike rije' xa xajan y man xkajo' ta ye'ok man e ch'ajch'oj ta. Roma wi man e ch'ajch'oj ta man yetikir ta nikinimaq'ijuj ri Solbelri'il.

San Lucas 20:47

Y re achi'a' re' yekimajla' kan ri kachoch ri malkani' taq ixoqi'. Y xaxe richin kenimex chi rije' e utz taq winaqi', kan yeyaloj richin yech'on rik'in ri Dios. Jak'a rije' kan xtiqaqa-wi rutojbalil-mak pa kiwi', roma ri kimak janila, xcha' ri Jesús.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

San Mateo 2:8

Chirij ri' xeruteq-el pa Belén y xubij-el chike: Kixbiyin chupan ri tinamit ri', tikanoj ri ak'ual, y toq iwilon chik kan, titaqa-pe rutzijol chuwe, richin chi yin yibe chuqa' chuya'ik ruq'ij, xcha'.

Wuj Richin ri Isaías 58:4

Ri q'ij toq yixmewayin, xa niq'axaj rik'in oyowalen y ch'ayonik. Y kan yixsokon rik'in ri iq'a'. Rix man ruk'amon ta chi chaq keri' niben chupan ri q'ij richin meway, y niwoyobej chi yin yixinwak'axaj.

1 Rey 21:8

Y ri Jezabel xerutz'ibala' k'a wuj pa rubi' ri Acab y xuya-el retal rik'in ri rulipq'a' ri Acab, y xerutaqala-el chike ri achi'a' ri k'o kiq'ij chupan ri tinamit Jezreel.

1 Rey 21:10

Y ke'iya-apo chuwech ri Nabot e ka'i' achi'a' e banoy taq etzelal richin chi nikibij chi rija' xch'on itzel chirij ri Dios, y chirij ri rey. Chirij ri' tiwelesaj-el ri Nabot, y k'ari' tik'aqa' chi abej richin niken, xcha-el chupan ri wuj.