1 Rey 21:7 - Kaqchiquel Bible

⁷ Ri Jezabel xubij chire: ¿Rat ri at rey richin Israel y man yatikir ta nachojmirisaj re'? Kayakatej k'a, kawa' y kakikot, roma kan ja yin xkijacho chawe ri rulew ri Nabot ri aj-Jezreel, xcha'.

1 Rey 21:7 ပူးပေါင်းရင်းမြစ်များ

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Wuj Richin ri Molojri'il 8:4

Roma ri ruch'abel ri rey kan ruch'abel-wi jun ri k'o q'atbel-tzij pa ruq'a' pa ruwi' ronojel, y man jun ri xtitikir ta xtik'utun chire, ¿achike roma kere' naben?

Wuj Richin ri Molojri'il 4:1

Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi.

Wuj Richin Etamabel-Tzij 30:31

Ri ruka'n chikop, ja ri mama', ri ruyuqun ri ruqul y nuk'ut ri ruwa-ruk'u'x nibiyaj; ri rox chikop, ja ri achij tzuntzun; y ri rukaj, ja ri rey, ri nabeyajineq-el chuwech ri rutinamit.

2 Sam 13:4

Y ri Jonadab xuk'utuj chire ri Amnón ri achike roma q'ij-q'ij más yawa' nitzu'un, stape' kan ruk'ajol ri rey. Y xubij chire chi tuq'alajirisaj chuwech. K'ari' ri Amnón xubij chi keri' rubanon roma janila nrajo' ri Tamar ri rana' ri Absalón.

1 Sam 8:14

Keri' chuqa' xtuk'en kan ri más jebel chire ri iwulew y chire ri itiko'n richin uva y ri itiko'n richin olivo y xtuya' chike ri e rusamajela' rija'.

1 Sam 8:4

Roma ri' xkimol k'a ki' konojel ri e aj-raqen chikikojol ri e rijatzul ri Israel, y xebe pa Ramá richin yebech'on rik'in ri Samuel,

Wuj Kichin ri To'onela' 19:6

Y xetz'uye' k'a junan rik'in ri rujinan richin xewa-xe'uk'ya'. K'ari' ri rujinan xubij chire ri ruji': Yin nink'utuj jun utzil chawe richin naq'axaj ta re jun chik aq'a' re' wawe' y xtikikot k'a ri awánima, xcha'.

Wuj Richin ri Rut 3:7

Toq ri Booz xwa-xuk'ya' yan, kan janila k'a nikikot y k'ari' xbe-apo chuxikin ri cebada y chiri' xkotz'e-wi-qa y xuchop k'a waran. K'ari' ri Rut man niq'ajan ta xjel-apo ri akuchi kotz'ol-wi ri Booz, xupek-q'anej ri ruq'u' ri chiraqen-qa y xkotz'e-qa chiri'.

1 Rey 21:6

Rija' xubij: Yin xich'on rik'in ri Nabot aj-Jezreel, richin xinbij chire chi tuk'ayij chuwe ri rulew ri rutikon uva chuwech, o wi niqa' chuwech, yin ninya' chire jun ulew ri tikon uva chuwech pa ruk'exel. Man rik'in ri', rija' xubij chi man nuya' ta chuwe, xcha' ri Acab.

Am 6:12

¿Yetikir kami ri kiej ye'anin chuwech jun nimalej abej? ¿Yetikir kami yesamej ri bóyix pa ruwi' ri palou? ¡Man rik'in ri', rix xa xiben chire ri ruchojmilal achi'el aq'om ri nikamisan; ri utzilej ruchojmilal xa xiben chire chi xok achi'el ri xaqixaq.