1 Rey 21:4 - Kaqchiquel Bible

⁴ Y keri' ri Acab xbe chirachoch; janila nibison y yakatajineq janila royowal, roma ri ruch'abel ri Nabot toq xubij chi man nuya' ta kan ri ulew ri', roma ri ulew ri' xa jari' ri richinan kan pa kiq'a' ri rute-rutata'. Xkotz'e-qa pa ruch'at y xtzu'un-apo chuwa-xan y man xrajo' ta xwa'.

1 Rey 21:4 ပူးပေါင်းရင်းမြစ်များ

1 Rey 20:43

K'ari' ri Acab rey richin Israel xbe pa rachoch ri chiri' pa Samaria, rik'in janila bis y yakatajineq royowal.

Santiago 1:14

Roma ri itzel taq rayibel ri ek'o rik'in ri wineq jari' ri yebanon chire chi niqaqa pa mak.

Efesios 4:27

Man tiya' q'ij chi yixtzaq pa ruq'a' ri Itzel-Wineq.

Wuj Richin ri Jonás 4:9

Jak'a ri Dios xubij chire ri Jonás: ¿Kan ruk'amon kami chi nipe awoyowal roma re ti che' xken-qa?, xcha'. Y ri Jonás xubij: Ja', kan ruk'amon chi nipe woyowal, roma ri' ninrayij yiken, xcha'.

Wuj Richin ri Jonás 4:1

Y toq ri Jehová man xuteq ta pe ri ruk'ayewal pa kiwi' ri aj-Nínive, jari' toq ri Jonás xpe janila royowal.

Wuj Richin ri Molojri'il 6:9

Más utz yakikot rik'in ri natzu' chi kan awichin, ke chuwech yaken chirij ri xaxe pan ach'obonik k'o-wi, roma re' chuqa' xa q'axel y xa man tikirel ta nawil ri nawajo'.

Wuj Richin ri Achin Job 5:2

Kan qitzij na wi chi ri chi'anin niyakatej royowal jari' ri nikamisan-el richin, y ri k'o rayinik rik'in jari' chuqa' ri nikamisan-el richin.

1 Rey 21:3

Y ri Nabot xubij chire ri Acab: Man ta xtrajo' ri Jehová chi ninya' kan re ulew re' chawe, roma kan jare' ri wichinan kan pa kiq'a' ri nte-nata', xcha'.

2 Sam 13:4

Y ri Jonadab xuk'utuj chire ri Amnón ri achike roma q'ij-q'ij más yawa' nitzu'un, stape' kan ruk'ajol ri rey. Y xubij chire chi tuq'alajirisaj chuwech. K'ari' ri Amnón xubij chi keri' rubanon roma janila nrajo' ri Tamar ri rana' ri Absalón.

2 Sam 13:2

Ri Amnón kan man nril ta k'a achike nuben richin nik'oje' rik'in, roma man niya'ox ta q'ij chi jun xten nik'oje' chikikojol alaboni' y ri achi'a'. Y roma ri' ri Amnón sachineq ruk'u'x y kan xuyabij.

1 Sam 28:23

Jak'a ri Saúl xubij chi man niwa' ta. Jak'a ri e rusamajela' ri e beneq rik'in y ri ixoq, xkitej kiq'ij chirij, k'ari' rija' xunimaj kitzij. K'ari' xyakatej-q'anej pan ulew y xtz'uye' pa ch'at.

1 Rey 21:1

Chirij k'a ronojel re', k'o chik k'a jun ri xbanatej pa ruwi' jun ulew ri tikon uva chuwech ri richin ri Nabot aj-Jezreel. Ri ulew ri' k'o k'a pa tinamit Jezreel chuxikin-apo ri jun chik rachoch ri rey Acab ri k'o pa Samaria.

1 Rey 21:5

Y ri Jezabel ri rixjayil xapon k'a rik'in y xuk'utuj chire achike roma janila niq'axon ri ránima y man nrajo' ta niwa'.

Ester 5:13

Jak'a stape' re kere' niban chuwe, chinuwech yin xa man jun rejqalen roma jantape' nintz'et ri Mardoqueo, ri judío, chuchi' ri rachoch ri rey, xcha'.

Wuj Richin ri Jonás 4:4

Jak'a ri Jehová xubij chire: ¿Kan ruk'amon kami chi nipe awoyowal roma re'?, xcha'.

Wuj Richin ri Jonás 4:8

Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.