1 Rey 21:22 - Kaqchiquel Bible

²² Xtinben k'a chawe achi'el xinben chike ri aj pa rachoch ri Jeroboam ruk'ajol ri Nabat y ri Baasá ruk'ajol ri Ahías, roma rat kan xaben chuwe richin xyakatej woyowal, y roma chuqa' ja rat xabanon chire ri tinamit Israel richin xmakun chinuwech. Kere' rubin-pe ri Jehová Dios, xcha' ri Elías.

1 Rey 21:22 ပူးပေါင်းရင်းမြစ်များ

1 Rey 16:3

Roma ri' xtinwelesaj ri ak'aslen rat Baasá, y xkenk'is k'a konojel ri ek'o pan awachoch; y xtinben awik'in achi'el xinben kik'in ri aj pa rachoch ri Jeroboam ruk'ajol kan ri Nabat.

1 Rey 16:11

Y ri Zimrí kan xaxe toq xok kan rey y xapon pa rutz'uyubal richin nuq'et-tzij, jari' toq xerukamisaj ri aj pa rachoch ri Baasá; kan man jun chik achin xuk'asba' ta kan, ni ta ri e rach'alal, ni ta ri e rachibil.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 16:26

Kan xuben k'a achi'el xuben ri Jeroboam ri ruk'ajol ri Nabat, y rik'in ri mak ri' xuben chike richin xemakun konojel aj-Israel, y kan xuyek k'a royowal ri Jehová Dios koma ri ch'aqa' chik wachibel ri nikiya' kiq'ij.

1 Rey 15:34

Xmakun chuqa' chuwech ri Jehová, y xa xuben achi'el xuben ri Jeroboam, y roma ri mak ri' xemakun chuqa' ri winaqi' richin Israel.

1 Rey 12:30

Y jare' xbanon chike ri winaqi' richin xemakun roma nibekiya' kiq'ij ri dios k'a chiri'.

1 Rey 13:34

Y jare' ri xkimakuj ri Jeroboam y ri aj pa rachoch. Y roma ri' xetzaq y xek'is-el pa ruwi' re ruwach'ulew.

Wuj Richin Etamabel-Tzij 17:13

Ri wineq ri xa itzel ruk'exel nutzolij chire ri jun chik wineq ri k'o utz ri nuben chire; ri pa rachoch ri nibanon itzel, kan man jun bey xke'uxlan ta juba' pa ruq'a' ri etzelal.

2 Rey 9:9

Xtinbenbana' rik'in ri aj pa rachoch ri Acab achi'el xinben kik'in ri e rijatzul kan ri Jeroboam ruk'ajol kan ri Nabat, y kik'in ri e rijatzul kan ri Baasá ruk'ajol kan ri Ahías.

2 Rey 10:10

Tiwetamaj k'a chi ri xubij ri Jehová pa ruwi' ri rachoch ri Acab kan k'o chi xtibanatej ronojel. Wakami ri Jehová kan xuben-wi ri rubin chi nuben, ri xuq'alajirisaj chire ri Elías ri rusamajel, xcha'.