1 Rey 21:2 - Kaqchiquel Bible

² Ri Acab xch'on k'a rik'in ri Nabot y xubij chire: Taya' la aqejoj chuwe richin nintik-qa juba' wichaj chuwech, roma naqaj k'o chire ri wachoch yin. Yin xtinya' pa ruk'exel chawe, jun ulew ri más utz ri chuqa' tikon uva chuwech. O wi niqa' chawech, ninloq' y yin xtinya' ri rajel, xcha' chire.

1 Rey 21:2 ပူးပေါင်းရင်းမြစ်များ

1 Sam 8:14

Keri' chuqa' xtuk'en kan ri más jebel chire ri iwulew y chire ri itiko'n richin uva y ri itiko'n richin olivo y xtuya' chike ri e rusamajela' rija'.

1 Timoteo 6:9

Jak'a ri winaqi' ri nikirayij ye'ok beyoma', man k'ayew ta chi yeq'olotej, y yetzaq pa pikbel. Rije' xa e nakaneq y ri itzel taq rayibel xa yeruk'uaj pa tijoj-poqonal.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Wuj Richin ri Nimalej Bix 4:15

Kan qitzij na wi, rat yinach'uch'urisaj, achi'el jun alaxibel-ya' ri k'o pa qejoj, ó jun alaxibel-ya' ri kan nibulbu'x ri nibe-qa k'a pa Líbano.

Wuj Richin ri Molojri'il 2:5

xenbanala-qa nutiko'n chupan ri nuqejoj y xinben chuqa' kutzil ri akuchi xentik-qa kotz'i'j. Y chupan k'a re' xentikila' ronojel ruwech che' ri yewachin.

2 Rey 9:27

Toq ri Ocozías rey richin Judá xutz'et ronojel re', xanimej-el y xbe chupan ri bey ri nibe pa tinamit Bet-hagan. Jak'a ri Jehú xutzeqelibej-el y xubij chi tikamisex chuqa' ri Ocozías chupan la ru-carruaje. Y xkisok k'a chiri' chuwa taq juyu' richin ri tinamit Gur, ri k'o chunaqaj ri tinamit Ibleam. Jak'a ri Ocozías k'a xanimej na y xapon pa Meguido, y k'a chiri' xken-wi.

1 Sam 29:6

K'ari' ri rey Áquis xroyoj ri David y xubij chire: Kan qitzij ninbij chawe chi rat kan at choj-wi, kan janila at qajineq chinuwech y ninrayij chi yabe ta wik'in pan oyowal. Roma kan ja ri q'ij toq xatoqaqa qik'in y k'a re wakami man jun itzel nutz'eton chawij, jak'a ri aj-raqen kan man yaqa' ta chikiwech.

1 Sam 8:6

Jak'a ri Samuel man xqa' ta chuwech toq xrak'axaj ri xkibij chire chi tukanoj jun ki-rey y roma ri' rija' xch'on rik'in ri Jehová.

Deut 11:10

Ri ruwach'ulew ri xtiwichinaj man achi'el ta ri ruwach'ulew Egipto, akuchi xojel-wi-pe. Chiri' kan xeqatik na y xeqaya'aj na ronojel tiko'n achi'el niban chike ri tiko'n ri ek'o pa taq qejoj.

Deut 5:21

Man tirayij chi iwik'in ta rix k'o-wi ri k'o kik'in ri iwachpochel; man tirayij kiwech ri kixjayilal, ni ri kisamajela' ri e yuqul pa samaj kik'in, ni ri kaj-ik'a', ni ri kibóyix, ni ri kibur, ni man jun chike ri e kichin ri iwachpochel tirayij, xcha' ri Jehová.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Wuj Richin ri Rutikeribel 16:6

Y ri Abram xubij chire ri Sarai: Pan aq'a' rat k'o-wi la asamajel. Tabana' achike ri nawajo' naben rik'in, xcha' chire. Y ri Sarai xuben chire ri Agar richin janila xutej poqon, y roma ri' xanimej-el chuwech.

Wuj Richin ri Rutikeribel 3:6

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

1 Rey 21:3

Y ri Nabot xubij chire ri Acab: Man ta xtrajo' ri Jehová chi ninya' kan re ulew re' chawe, roma kan jare' ri wichinan kan pa kiq'a' ri nte-nata', xcha'.

1 Rey 21:6

Rija' xubij: Yin xich'on rik'in ri Nabot aj-Jezreel, richin xinbij chire chi tuk'ayij chuwe ri rulew ri rutikon uva chuwech, o wi niqa' chuwech, yin ninya' chire jun ulew ri tikon uva chuwech pa ruk'exel. Man rik'in ri', rija' xubij chi man nuya' ta chuwe, xcha' ri Acab.