1 Rey 21:13 - Kaqchiquel Bible

¹³ Xepe k'a ri e ka'i' achi'a' ri e banoy taq etzelal y xetz'uye' k'a chuwech ri Nabot y xkibij chi ri Nabot xuyoq' rubi' ri Dios y xuyoq' ri rey. Y keri' ri winaqi' xkelesaj-el ri Nabot chiri' pa tinamit, y xkik'eq k'a chi abej richin xken.

1 Rey 21:13 ပူးပေါင်းရင်းမြစ်များ

2 Rey 9:26

Yin kan xintz'et ri rukik'el ri Nabot, y ri kikik'el ri e ralk'ual ri xbiyin. Roma ri' xtinbenya' ruk'exel chawe chupan re ulew re', xcha' kan ri Jehová chire. Wakami k'a tak'uaj, y tabek'aqa' kan pa rulew kan ri Nabot, achi'el rubin ri Jehová, xcha' ri Jehú.

Hechos 24:5

Roma re jun achin re', kan qetaman chi jun itzel achin. Ja rija' ri nibanon chi ri judío yeyakatej pa ronojel tinamit. Ja rija' ri aj-raqen chikikojol ri juley winaqi' ri yenatan rubi' ri Jesús aj-Nazaret.

Hechos 6:11

Roma ri' xekitoj ch'aqa' winaqi' richin keri' tikibij chi xkak'axaj chi ri Esteban itzel xch'on chirij ri pixa' richin ri Moisés y chirij chuqa' ri Dios.

San Juan 19:12

Kan jari' k'a toq ri Pilato xutej ruq'ij richin nukol ta el. Jak'a ri winaqi' xech'on k'a rik'in ronojel kuchuq'a', y xkibij: Wi xtakol-el, man k'a junan ta chik awech rik'in ri rey richin Roma. Roma xabachike k'a ri nibin chi rija' jun rey, kan nretzelaj k'a ri César ri', xecha'.

San Lucas 23:2

Ri chiri' chuwech ri q'atoy-tzij, nikisujula' k'a apo y nikibij: Roj qetaman chi re Jesús k'iy rumak. Rija' nuya' kina'oj ri winaqi'. Rija' nubila' chuqa' chike chi man tikitoj ri k'o chi nitoj chire ri César. Chuqa' nubila' chi ja rija' ri Cristo, y re' kan nuq'alajirisaj k'a chi ja rija' ri rey, xecha'.

San Mateo 9:3

Y kan ek'o k'a jujun chike ri etamanela' chirij ri pixa' ri chiri'. Rije' xkibij-qa pa taq kánima chi ri Jesús kan nujunamaj-ri' rik'in ri Dios.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Am 7:10

Ri Amasías jari' ri sacerdote chiri' pa Betel. Y rija' xuteq rubixik chire ri Jeroboam rey richin Israel, y xubij chi yin yibiyaj chikikojol ri qawinaq israelita richin yich'on itzel chirij ri rey. Y xubij chuqa' chi ri winaqi' kan xik'o yan kik'u'x richin yinkak'axaj,

Wuj Richin ri Isaías 8:21

Janila xkewayjan, janila xkebison, y roma ri' xkebe-kela', xkebe-kela' xtikibanala' chuwech re ruwach'ulew. Y roma ri wayjal ri' xtiyakatej koyowal. K'ari' xtikiyek-el ri runaq' taq kiwech chila' chikaj y xtibekiqasaj ruq'ij ri ki-rey y ri Dios.

Wuj Richin ri Molojri'il 10:20

Man jun bey k'a kach'on itzel chirij ri rey, kan man tapon ri' pan ach'obonik. Man itzel kach'on chirij ri beyom, stape' ta ayon atk'o pa jay ri akuchi yawer-wi, roma ri tzij ri nabij xa nel-el achi'el nubij ri tzij: Xa ek'o taq aj-xik' chikopi' ri ye'uk'uan-el ri yebix.

Wuj Richin ri Molojri'il 4:1

Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi.

Wuj Richin Etamabel-Tzij 25:18

Ri wineq xa nok k'a achi'el jun nimalej bajibel, y achi'el espada y achi'el ch'ab, toq xa tz'ukun taq tzij ri yeruyek-q'anej chirij ri rachpochel.

Wuj Richin Etamabel-Tzij 19:9

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin Etamabel-Tzij 6:19

ri tz'ukuj-tzij ri yebanatej pa q'atbel taq tzij, y ri wineq ri nitz'uku oyowal chikikojol rach'alal.

Wuj Richin Bix Chire ri Dios 35:11

Xeyakatej winaqi' chuwij ri nikitz'uk-tzij chuwij. y nikik'utuj chuwe ri xa man wetaman ta.

Wuj Richin Bix Chire ri Dios 27:12

Tabana' utzil man taya' q'ij richin nikiben ri kirayibel rije'. Roma kan kitz'ukun-tzij chuwij, y kan xaxe k'a ri etzelal ri nikajo' nikiben chuwe.

Wuj Richin ri Achin Job 2:9

K'ari' ri rixjayil xubij chire: ¿Achike roma kan k'a janila at choj naben chuwech ri Dios? Más utz tayoq'o' ri Dios richin yaken, xcha'.

Wuj Richin ri Achin Job 1:11

Tawelesaj na pe ronojel ri rubeyomel, y q'alaj k'a ri' wi man chawech ta xkaruyoq' kan, xcha'.

Wuj Richin ri Achin Job 1:5

Y toq chikijujunal rije' kibanon chik k'a ri kinimaq'ij, ri Job yeroyoj k'a ri ralk'ual richin nusuj kamelabel chuwech ri Dios koma chikijujunal rije', richin yech'ajch'ojir. Y kan nimaq'a' yan k'a niyakatej richin nusuj ri kamelabel ri', richin nuk'utuj rukuyubel kimak ri ralk'ual, roma rija' kan nuch'ob chi rik'in juba' xemakun rik'in ri kich'obonik o rik'in juba' e ch'owineq itzel pa taq kánima chirij ri Dios.

Deut 22:24

jari' xke'uk'uex-el chi e ka'i' chuchi' ri tinamit akuchi xkek'aq chi abej y xkeken chi e ka'i'; ri xten roma man xuraqaqej ta ruchi' richin ta xto'ox, y ri achin roma xuqasaj ruq'ij ri xten ri xok ta rixjayil ri rachpochel; keri' xtik'is-el re etzelal re' chi'ikojol rix.

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

Deut 21:21

Jari' toq ri winaqi' richin ri tinamit nikikamisaj chi abej ri alk'ualaxel ri' y keri' nik'is-el ri etzelal ri k'o pan iruwach'ulew. Y toq xtikak'axaj k'a konojel ri qawinaq, xtikik'en rukiy.

Deut 13:10

Kan tik'aqa' k'a chi abej y keri' niken, roma xrajo' xixruch'er kan rik'in ri Jehová ri qa-Dios ri xojelesan-pe pan Egipto ri akuchi xixxime' pa samaj.

Deut 5:20

Man tibananej chi kan ja ri qitzij niq'alajirisaj chirij ri iwachpochel y xa man keri' ta.

Ex 20:16

Man tiyek tzij chirij jun chik iwinaq.

Hebreos 11:37

Ek'o ch'aqa' xekamisex chi abej, xequpix pa ka'i' rik'in ch'ich', xekamisex chi espada, xebe-kela' xebe-kela' xkiben y xaxe kisale'y karne'l y tzuntzun ri xkikusaj richin kitziaq. Xkiq'axaj tijoj-poqonal y janila k'iy itzel ri xban chike.

1 Rey 21:14

K'ari' xkiteq rutzijol rik'in ri Jezabel y xkibij chi ri Nabot xk'aq yan chi abej y xken yan.

2 Rey 6:32

Rokik ri', ri Eliseo tz'uyul pa rachoch, y e rachibilan ri achi'a' ri k'o kiq'ij richin ri tinamit. Y ri rey xuteq jun achin nabey rik'in ri Eliseo y rija' xambey kan. Y man jani k'a tapon ri achin ri' rik'in, jari' toq ri Eliseo xubij chike ri achi'a' ri k'o kiq'ij ri ek'o rik'in: ¿Iwetaman chik chi ri rey, ri achin kamisanel, wakami rutaqon-pe rutzak'ixik ri nujolon? Tiwak'axaj na pe; jari' xpe ri achin ri taqon-pe. Wakami k'a titz'apej ri ruchi-jay chuwech, y man tiya' q'ij chire richin nok-pe. Roma chirij rija' peteneq ri rajaw, xcha'.

2 Crón 24:21

Jak'a ri winaqi' xa xeyakatej chirij, y ri rey xubij chike chi tikik'aqa' chi abej chiri' chuwa-jay chire ri rachoch ri Jehová.

Wuj Richin ri Achin Job 31:39

kan ronojel k'a ri xel chuwech ri wulew, man choj ta keri' xebe'el-pe, kan xentoj ri nusamajela' achi'el ri ruk'amon chi nikich'ek, richin chi man yeken roma wayjal.

Wuj Richin Etamabel-Tzij 19:28

Ri wineq ri kan nubananej chi nitikir nuq'alajirisaj ri qitzij, xa nitze'en chirij ri q'atbel-tzij, roma ri wineq ri' xa janila niqa' chuwech nuben etzelal chire jun chik wineq.