1 Rey 20:7 - Kaqchiquel Bible

⁷ K'ari' ri rey Acab xerumol konojel ri achi'a' ri k'o kiq'ij richin chijun ruwach'ulew Israel, y xubij chike: Rix nitz'et chi re achin re' xa kan xaxe k'a ri etzelal ri nrajo' nuben chuwe, stape' yin xinbij yan chire richin yenya' el ri wixjayilal, ri walk'ual y ri nubeyomel chire, xcha' chike.

1 Rey 20:7 ပူးပေါင်းရင်းမြစ်များ

2 Rey 5:7

Toq ri rey richin Israel xusik'ij re wuj re', kan xuretz k'a ri rutziaq chirij, y xubij: ¡Yin, man in Dios ta richin ninya' ruk'aslen re achin re', ni richin ninwelesaj ruk'aslen. ¿Achike k'a roma wik'in yin xuteq-pe richin chi nink'ach'ojirisaj-el chire ri ruyabil? Titz'eta' na pe, ri rey richin Siria kere' xuben xaxe roma nrajo' chi niyakatej-pe chiqij, xcha'.

Dn 11:27

Ri e ka'i' rey ri' junan yewa' pa mesa richin nik'oje' ta uxlanibel-k'u'x kik'in, jak'a ri pa kánima xa kan xaxe ri ch'upun-k'u'x k'o. Ri nikibij chikiwech xa man qitzij ta, jak'a xa man jun chike chi e ka'i' ri xtich'akon ta. Ronojel re' xtibanatej roma xa man jani tapon ri q'ij richin uxlanibel-k'u'x.

Wuj Richin Etamabel-Tzij 24:2

Roma rije' xa ruyon etzelal ri yekich'obola' pa taq kánima; y ri kich'abel kan ruyon richin yekibila' ri achike etzelal ri nikajo' nikiben chire jun chik.

Wuj Richin Etamabel-Tzij 11:27

Ri wineq ri kan ja ri utz ri nukanoj, kan nril ri utzil; jak'a ri jun ri xa ja ri etzelal nukanoj, kan jari' ri itzel ri xtiberuk'ulu-pe.

Wuj Richin Etamabel-Tzij 11:14

Ri tinamit k'a ri akuchi xa e maneq utzilej uk'uey bey, xa nitzaq, jak'a xa nikolotej ri tinamit ri akuchi kan ek'o winaqi' ri k'o utzilej taq na'oj kik'in,

Wuj Richin Etamabel-Tzij 6:14

xaxe ri etzelal ri nrajo' nuben chike ri winaqi', xaxe ri etzelal ri yeruch'obola' chikij ri winaqi', y xaxe ri etzelal nutikila' chikikojol ri winaqi'.

Wuj Richin Bix Chire ri Dios 140:2

Re winaqi' re', xa kan xaxe ri etzelal ri nikich'ob pa taq kánima. Ronojel q'ij nikinojij achike chi etzelal nikiben.

Wuj Richin Bix Chire ri Dios 62:3

Jak'a rix ri ix etzelanel wichin, ¿k'a janipe' k'a xkixtane' richin chaq yiniyoq'oya'? ¿Kan jantape' ta k'a xtiwajo' yinitzeq, achi'el jun qejoj o jun tz'aq ri xa niwuluwu' yan qa?

Wuj Richin Bix Chire ri Dios 36:4

Toq yekotz'e-qa pa kich'at, kan chaq nikiquqa' ri etzelal. Kan e beneq k'a chupan ri bey richin ri mak, y man niketzelaj ta kan ri itzel taq banobel.

Wuj Richin Bix Chire ri Dios 7:14

Ri aj-mak kan xaxe k'a q'axo'n ri nutik, y pa ruk'isibel nibeq'alajin-pe ronojel ri q'oloj yeruben.

Wuj Richin ri Achin Job 15:35

Xkiben k'a ch'a'oj y re' xuk'en-pe etzelal chike. Kan pa kánima rije' xalex-wi-pe richin nikiben q'oloj chike ri winaqi'.

1 Crón 28:1

Ri David xerumol k'a chiri' pa Jerusalem konojel ri k'o más kejqalen ri ek'o chiri' pan Israel: Ri e aj-raqen kichin ri tzobaj, ri aj-samaj richin ri rey, ri e aj-raqen pa kiwi' ri aj-labal, ri samajela' ri ek'o pa kiwi' ronojel ri e richin ri rey, ri ek'o pa kiwi' ri e ralk'ual y ri achi'a' ri maneq xibinri'il chikiwech.

1 Crón 13:1

Ri David xeruk'ulubej konojel ri achi'a' ri e aj-raqen richin jun tzobaj kichin 1,000 y wok'al aj-labal.

1 Rey 8:1

K'ari' ri rey Salomón xuteq k'a koyoxik konojel ri achi'a' ri k'o kiq'ij ri ek'o pa ruwi' ri ruwach'ulew Israel, konojel ri aj-raqen ri ek'o pa kiwi' ri tzobaj y ri e tata'al kichin ri aj pa jay. Y ri winaqi' nikimol-ki' chiri' pa Jerusalem richin nikelesaj-pe ri káxa richin ri rujikibel-tzij ri Jehová pa rutinamit kan ri David ri nibix Sión chire, y nikiq'axaj chupan ri k'ak'a' rachoch ri Jehová.

1 Rey 20:6

Ri ke taq wa chua'q xkenteq-el ri nusamajela'. Y rije' xtibekinik'oj ri awachoch, y ri kachoch ri aj-raqen ri ek'o awik'in. Xtikichop k'a pe ronojel ri k'o rejqalen y xtikik'en-pe, xcha-el.

1 Rey 20:8

Konojel k'a ri achi'a' ri' y konojel ri winaqi' xkibij chire chi man tiniman chire, ni man keruya-el chire ri xeruk'utuj.

1 Rey 21:8

Y ri Jezabel xerutz'ibala' k'a wuj pa rubi' ri Acab y xuya-el retal rik'in ri rulipq'a' ri Acab, y xerutaqala-el chike ri achi'a' ri k'o kiq'ij chupan ri tinamit Jezreel.