1 Rey 20:34 - Kaqchiquel Bible

³⁴ Jari' toq ri Ben-hadad xubij chire ri Acab chi xkerutzolij ri tinamit ri e rumajon kan ri rutata' rija' chire ri rutata' ri Acab. Y ri Ben-hadad xuya' q'ij chire ri Acab chi kerubana' jay richin k'ayij pa tinamit Damasco achi'el xuben ri rutata' rija' ri chiri' pa Samaria. Y ri Acab xubij chire chi wi keri', rija' kan xtuya' k'a el q'ij chire richin nitzolej pa Damasco. Y keri' ri Acab xuben k'a jun jikibel-tzij rik'in ri Ben-hadad, y xuya-el q'ij chire richin xbe.

1 Rey 20:34 ပူးပေါင်းရင်းမြစ်များ

1 Rey 15:20

Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-bet-maacá, ri ruwach'ulew Quinéret y chuqa' chijun ruwach'ulew richin ri Neftalí.

Wuj Richin ri Isaías 26:10

Stape' rat nak'ut ri ajowabel chikiwech ri winaqi' ri itzel kik'aslen, rije' kan man xtiketamaj ta xkebiyin pa ruchojmilal. Stape' kan pa ruchojmilal xtiban kik'in, rije' xa kan nikiben etzelal, y xa kan pa rubanik nikiben chi man nikitz'et ta chi rat Jehová kan k'o-wi aq'ij.

1 Rey 20:42

Y ri achin ri' xubij chire ri Acab: Kere' nubij ri Jehová: Rat kan xaya-el q'ij chire ri Ben-hadad richin xbe, stape' yin kan nubin chik chi kan k'o chi nikamisex. Wakami k'a, kan ja ri ak'aslen rat xtaya' pa ruk'exel ri ruk'aslen rija', y ri atinamit pa ruk'exel ri rutinamit rija', nicha' ri Jehová, xcha'.

Wuj Richin ri Isaías 8:12

Toq k'o jun nik'uluwachitej, ri awinaq nikibij chi ja ri e etzelanel awichin yebano. Jak'a rat man tach'ob keri'. Man tak'en rukiy achi'el kik'amon rukiy rije'.

2 Crón 18:30

Ri rey richin Siria kan rubin wi k'a el chike ri e juwineq kablajuj aj-raqen ri ye'uk'uan ri carruaje chi man nikiben ta oyowal kik'in xabachike; xa kan xaxe rik'in ri rey richin Israel.

2 Crón 16:4

Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-maim y chuqa' ronojel ri tinamit richin ri Neftalí ri akuchi e yakel-wi ronojel ruwech ri yek'atzin.

1 Rey 22:31

Ri rey richin Siria kan rubin wi k'a el chike ri e juwineq kablajuj aj-raqen ri ye'uk'uan ri carruaje chi man nikiben ta oyowal kik'in xabachike; xa kan xaxe rik'in ri rey richin Israel.

1 Sam 11:1

Chirij ri', toq xik'o yan la'eq jun ik', jari' toq ri Nahas rey kichin ri amonita xuchop nuben labal kik'in ri aj-Jabés richin ri Galaad, y konojel ri aj-Jabés xkibij chire ri Nahas chi tijunamatej-kiwech kik'in y xke'ok rusamajela'.

1 Rey 20:33

Y ri achi'a' ri' toq xkak'axaj ri ch'abel ri xubij ri Acab, kan jun utzilej retal xkak'axaj rije' y roma ri' xkibij chire: Ja', jari' ri Ben-hadad ri awach'alal y k'a k'es na, xecha'. Y ri Acab xubij chike chi tibekik'ama' ri Ben-hadad. Y toq xapon rik'in ri Acab, kan xujotoba-q'anej rik'in chupan ri ru-carruaje.

Deut 7:2

Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

1 Sam 15:8

Y xkichop k'a el ri Agag rey kichin ri amalecita, jak'a konojel winaqi' richin ri tinamit ri' xekikamisaj kan chi espada.

1 Sam 15:9

Y ri Saúl y ri aj-labal xa xkijoyowaj ruwech ri Agag, y man xkikamisaj ta. Chuqa' man xekikamisaj ta ri jebelej, nima'q y kokoj taq awej. Chuqa' ronojel ri k'o kejqalen man xkineq ta, jak'a ri xa man yek'atzin ta y maneq rejqalen, jari' xekik'is kan jumul.