1 Rey 20:31 - Kaqchiquel Bible

³¹ K'ari' ri aj-samaj richin ri Ben-hadad xkibij chire: Roj qak'axan-pe chi ri e rey re wawe' pan Israel janila e joyowanel. Qakusaj k'a el ri qatziaq richin bis y tiqaya' el jun kolo' chiqaqul, y jo' rik'in ri rey Acab, rik'in juba' xa yojrukol kan y man yojrukamisaj ta, xecha' chire.

1 Rey 20:31 ပူးပေါင်းရင်းမြစ်များ

2 Sam 3:31

Chirij ri' ri David xubij chire ri Joab y ri ruwinaq, chi richin nibekimuqu' kan ri Abner, rije' k'o chi nikiretz ri kitziaq chikij, tikikusaj tzieq richin bis, y ke'ik'o-el chuwech ri kamineq. Y ri rey David chirij k'a ri kamineq xbe-wi.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

1 Rey 20:23

Y chiri' pa ruwach'ulew Siria, ri e aj-samaj richin ri rey Ben-hadad xkibij chire chi ri ki-Dios ri aj-Israel e dios richin juyu', y jari' ri xbanon chi rije' más kuchuq'a' chikiwech ri winaqi' richin Siria. Jak'a wi ri aj-Siria nikiben ta oyowal kik'in ri aj-Israel pa jun taq'aj, kan jujik-wi chi ja ri aj-Siria ri xkech'akon.

Apocalipsis 11:3

Y yin xkenteq k'a el ri e ka'i' nusamajela', richin nikiq'alajirisaj ri nuch'abel chupan ri 42 ik' ri'.*f2* Y rije' kikusan tzieq richin bis, xcha'.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

Wuj Richin ri Isaías 37:1

Kere' k'a xbanatej, toq ri rey Ezequías xrak'axaj ri ch'abel ri': Kan xuretz k'a ri rutziaq chirij, y xukusaj tzieq richin bis, y keri' xok-apo pa rachoch ri Jehová.

Wuj Richin ri Isaías 22:12

Chupan ri q'ij ri' ri Jehová k'iytisanel richin ronojel xkixroyoj rix richin xkixoq', y richin xkixk'oje' pa bis. K'o chi xtik'uq-el ri rusumal-iwi', y xtikusaj-el tzieq richin bis.

Wuj Richin ri Isaías 16:5

toq xtipe jun rey ri k'o joyowanik rik'in. Rija' jun chike ri rijatzul kan ri David, y kan xtiberuq'ata-tzij rik'in chojmilal. Kan chi'anin xtuq'et-tzij pa ruchojmilal.

Wuj Richin Etamabel-Tzij 20:28

Ri kow nichapo richin ri rey, ja toq kan jebel runa'oj y kan k'o ri qitzijri'il pa ruk'aslen. Jari' ri nibanon chi man jun nisilon y nelesan-el ri pa rutz'uyubal.

Wuj Richin ri Achin Job 2:4

Xeri' ri Satanás xubij chire ri Jehová: Rija' nukoch' ronojel roma man jun yabil aya'on chire, jak'a wi naya' ta jun yabil pa ruch'akul, kan yaruya' kan.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

2 Rey 7:4

Wi ta roj niqatej qaq'ij richin chi yojok-apo pa tinamit, xa xqojken chiri' roma wayjal. Y wi ta yojkanej kan wawe', chuqa' xa xqojken. Wakami k'a, jo' y qojq'ax-apo akuchi ek'o-wi-qa ri aj-labal ri aj-Siria. Wi rije' nikijoyowaj qawech, man xqojkikamisaj ta; y wi man keri' ta, kan xqojken k'ari', xecha'.

2 Rey 5:13

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

1 Rey 20:32

Y ri e aj-samaj richin ri rey xkikusaj k'a el ri kitziaq richin bis y xkiya' k'a el kolo' chikiqul y xebe k'a rik'in ri Acab ri rey richin Israel y xkibij chire: Ri asamajel Ben-hadad nubij-pe chi takuyu' rumak y taya' kan ruk'aslen, xecha'. Y ri Acab xuk'utuj wi k'a k'es na rija', y xubij chi ri Ben-hadad xa kan achi'el jun rach'alal.

Wuj Richin Bix Chire ri Dios 69:11

Toq ninkusaj ri nutziaq richin bis, konojel rije' nikiben chuwe chi yinok yakol kitze'en.