1 Rey 20:26 - Kaqchiquel Bible

²⁶ Y toq q'axineq chik k'a jun juna', ri rey Ben-hadad xerumol k'a konojel ri aj-labal aj-Siria ri ek'o rik'in, y k'ari' xbe-el pa tinamit Afec richin niberubana' oyowal kik'in ri aj-Israel.

1 Rey 20:26 ပူးပေါင်းရင်းမြစ်များ

2 Rey 13:17

Y xubij chire chi tujaqa' ri ventana ri nitzu'un pa relebel-q'ij. Y toq xujeq, xubij chik chire chi tuk'aqa' ri ch'ab ri'. Y ri Joás kan xuk'eq. K'ari' ri Eliseo xubij chire: Ja ko'ol raqen ch'ab re' ri nuk'exewachuj ri kolotajik ri xtuya-pe ri Jehová. Y jare' ri xkech'ako ri aj-Siria chiri' pa tinamit Afec, y kan xkek'is, xcha'.

1 Rey 20:22

Chirij ri' ri q'alajirisey ruch'abel ri Dios xapon chik jun bey rik'in ri rey Acab y xubij chire: Ke'amolo' ch'aqa' chik kachibil ri aj-labal richin chi k'o kuchuq'a'. Y tatz'eta' achike ri naben roma pa jun apo juna' ri rey richin Siria xtipe chik richin norubana' oyowal awik'in, xcha'.

1 Rey 20:30

Jak'a ri ch'aqa' chik aj-labal aj-Siria xe'animej y xebe k'a pa tinamit Afec. Y ri chiri' xa xbewuluwu-pe chikij ri tz'aq ri rusutin-rij ri tinamit, y xeken k'a ri e 27,000 aj-labal ri kikolon-el ki'. Ri rey Ben-hadad chuqa' xanimej-el y xapon chupan ri tinamit ri', y xok pa jun jay y xberewaj-ri' chiri'.

1 Sam 29:1

Ri aj-Filistea xekimol konojel ri tzobaj aj-labal chiri' chupan ri tinamit Afec, y ri aj-Israel xek'oje-qa chiri' chunaqaj ri ralaxbel-ya' ri k'o pa Jezreel.

1 Sam 4:1

Y k'o k'a jun q'ij ri aj-Filistea xbekibana' oyowal kik'in ri israelita y xkimol-ki' chunaqaj ri tinamit Afec. Jak'a ri israelita kimolon-ki' pa tinamit Eben-ézer.

Wuj Kichin ri To'onela' 1:31

Ri tzobaj richin ri Aser keri' chuqa' ri xkiben: Man xekoqotaj ta pe ri winaqi' ri ek'o pa tinamit Aco, pa Sidón, pan Ahlab, pan Aczib, pan Helbá, pan Afec y ni ri ek'o pa Rehob.

Wuj Richin ri Josúe 19:30

Umá, Afec, Rehob; ronojel re' e juwineq ka'i' tinamit rik'in kokoj kitinamit.

Wuj Richin ri Josúe 13:4

ri k'o pa xokon chire ri kiruwach'ulew ri aj-Canaán; nitiker-el rik'in ri tinamit Mehara ri kichin ri aj-Sidón, y napon k'a pa tinamit Afec, ri akuchi k'o-wi ri ruk'ulba't ri ruwach'ulew kichin ri amorreo.

2 Sam 11:1

Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

1 Rey 20:25

Y rat ke'amolo' chik ch'aqa' aj-labal, ri kik'exel janipe' ri xetzaq kan pan oyowal. Chuqa' ke'amolo' ch'aqa' chik kiej y carruaje, kik'exel ri kiej y ri carruaje ri xechap kan pan oyowal, y keri' kan xqojtikir kik'in ri aj-Israel pa jun taq'aj. Tatz'eta' na pe chi kan jujik-wi chi ja roj ri xqojch'akon, xecha'. Y ri Ben-hadad kan xuben k'a achi'el ri xbix chire.