1 Rey 20:22 - Kaqchiquel Bible

²² Chirij ri' ri q'alajirisey ruch'abel ri Dios xapon chik jun bey rik'in ri rey Acab y xubij chire: Ke'amolo' ch'aqa' chik kachibil ri aj-labal richin chi k'o kuchuq'a'. Y tatz'eta' achike ri naben roma pa jun apo juna' ri rey richin Siria xtipe chik richin norubana' oyowal awik'in, xcha'.

1 Rey 20:22 ပူးပေါင်းရင်းမြစ်များ

1 Rey 20:26

Y toq q'axineq chik k'a jun juna', ri rey Ben-hadad xerumol k'a konojel ri aj-labal aj-Siria ri ek'o rik'in, y k'ari' xbe-el pa tinamit Afec richin niberubana' oyowal kik'in ri aj-Israel.

2 Sam 11:1

Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

1 Rey 20:13

Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.

1 Crón 20:1

Xbanatej k'a chi pa nabey ik' chire ri juna', toq ri e rey yebe pa taq labal. Jari' toq ri Joab xeruk'uaj-el ri aj-labal pa kiruwach'ulew amonita y kan xekik'is. Xkisutij k'a rij ri tinamit Rabá y xkich'ek chuqa'. Jak'a ri David xa k'o kan pa Jerusalem.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Isaías 8:9

Kan tiwetamaj k'a rix tinamit ri ix e etzelanel qichin. Kixanpe k'a chi'anin re wawe' richin yixk'is. Kan tiwak'axaj k'a rix ruwach'ulew ri ixk'o nej; tichapa' ri ikamisabal richin no'ibana' oyowal qik'in. Kixanpe k'a chi'anin re wawe' richin yixk'is.

Wuj Richin Etamabel-Tzij 20:18

Kan tak'utuj k'a ana'oj chike ri winaqi', richin chi ronojel utz ye'el chawech; kan jebel k'a runuk'ik tabana' chire ri ach'obonik, k'ari' tanima-awi' ri pa labal chirij jun tinamit.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 27:14

Tawoyobej rik'in ri Jehová. Tatija' aq'ij y man tamalij ak'u'x; kan tawoyobej k'a pa ruq'a' ri Jehová.

2 Crón 25:11

Ri Amasías kan xk'oje' k'a el ruchuq'a' chikiwech ri ruwinaq y xebe k'a pa taq'aj ri nibix Atz'an chire, y xerukamisaj k'a kan e 10,000 achi'a' ri e rijatzul kan ri Seir.

2 Crón 25:8

Wi rije' xkebe iwik'in rix, ri Dios kan xtuben chiwe richin yixtzaq pa kiq'a' ri e etzelanel iwichin, stape' kan xtitej iq'ij rix; roma pa ruq'a' ri Dios k'o-wi ri uchuq'a' richin yixruto' o richin yixch'akatej, xcha'.

2 Rey 6:12

K'ari' jun chike rije' xubij chi man ja ta rije' ri ye'elesan rutzijol, xa kan ja ri Eliseo ri q'alajirisey ruch'abel ri Dios ri nitaqon rutzijol chire ri rey richin Israel, y kan nubij-el ronojel ri nubij ri rey aj-Siria pan ewel.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

1 Rey 20:38

K'ari' ri q'alajirisey ruch'abel ri Dios xbe y xbepa'e' chuchi' ri bey richin nroyobej ri rey. Rija' xumatzej k'a el ruwech rik'in jun tzieq richin man netamex ta ruwech.

1 Rey 19:10

Y ri Elías xubij chire: Jehová Dios k'iytisanel richin ronojel: Yin kan at nutzeqeliben k'a pe y man jun bey at nuya'on kan. Jak'a ri nuwinaq israelita xa xkich'er kan ki' chire ri ajikibel-tzij. Xekiwulaj-el ri porobel akuchi niya'ox-wi aq'ij rat, y rik'in espada xekikamisaj ri e q'alajirisey ach'abel. Xaxe chik k'a yin ri xikolotej kan, y wakami yinkikanoj richin nikelesaj chuqa' ri nuk'aslen yin, xcha'.

Efesios 6:10

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

1 Rey 20:21

Y ri Acab ri rey richin Israel xel chuqa-el y xberubana' oyowal kik'in ri aj-Siria y xeruch'ek, y xeruchop-pe ri kikiej y ri ki-carruaje.