1 Rey 20:20 - Kaqchiquel Bible

²⁰ Y rije' kan xekikamisaj k'a ri etzelanel kichin, y ri ch'aqa' chik aj-Siria xe'animej k'a y xetzeqelibex-el koma ri aj-Israel. Jak'a ri rey Ben-hadad xanimej-el chirij jun kiej e rachibilan-el ka'i-oxi' aj-labal ri yech'oke' chirij kiej.

1 Rey 20:20 ပူးပေါင်းရင်းမြစ်များ

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin Bix Chire ri Dios 46:6

Ri nima'q taq tinamit kixibin-ki' y man nikil ta achike nikiben ri q'atoy taq tzij. Roma toq ri Dios nich'on kan nik'is-qa ri ruwach'ulew.

Wuj Richin Bix Chire ri Dios 33:16

Ri rey man ronojel ta mul yech'akon, stape' ek'o e k'iy aj-labal kik'in. Jun aj-labal man nich'akon ta xa roma janila ruchuq'a'.

2 Rey 19:36

Jari' toq ri Senaquerib rey richin Asiria xa xuchop-el bey richin xtzolin-el, y xbek'oje' pa tinamit Nínive.

2 Sam 2:16

Chikijujunal k'a rije' xkichop-ki' chi kiwi', y k'ari' xkijula' ri espada pa taq kik'alk'a'x, y ri alaboni' ri' xekamiyaj-qa konojel. Y roma ri' ri chiri' xubini'aj Helcat-hasurim,*f2* ri k'o chiri' pa Gabaón.

Wuj Richin ri Chojmirisabelri'il 26:8

Ri e wok'al etzelanel iwichin xke'animej chikiwech e wo'o' iwinaq. Y ri e 10,000 xke'animej chikiwech e wok'al iwinaq. Konojel ri etzelanel iwichin xkeken k'a chiwech.

1 Rey 15:18

K'ari' ri Asá xberuk'ama-pe ronojel saqipueq y q'anapueq ri k'a k'o na kan chupan ri beyomel richin ri rachoch ri Jehová y ri k'o chuqa' chupan ri rubeyomel ri rachoch rija'. Xeruteq-el ri rusamajela' rik'in ri Ben-hadad ri rey richin ri ruwach'ulew Siria. Rija' ruk'ajol ri Tabrimón y rumam kan ri Hezión. Y ri Ben-hadad niq'aton-tzij chiri' pa tinamit Damasco.

1 Rey 20:19

Y toq ri to'onela' kichin ri e tata'al xe'ik'o-el richin yebe pan oyowal, k'a chikij chik rije' xe'el-el ri aj-labal aj-Israel.

1 Rey 20:21

Y ri Acab ri rey richin Israel xel chuqa-el y xberubana' oyowal kik'in ri aj-Siria y xeruch'ek, y xeruchop-pe ri kikiej y ri ki-carruaje.

Wuj Richin ri Jeremías 41:15

Jak'a ri Ismael y waqxaqi' chike ri rachibil xa xe'animej-el chuwech ri Johanán y xbekewaj-ki' pa ruruwach'ulew kan ri Amón.

Wuj Kichin ri To'onela' 7:23

Y ri tzobaj richin ri Neftalí, Aser, y Manasés, xkimol-ki' richin xekoqotaj-el ri aj-Madián.