1 Rey 20:1 - Kaqchiquel Bible

¹ K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

1 Rey 20:1 ပူးပေါင်းရင်းမြစ်များ

1 Rey 15:18

K'ari' ri Asá xberuk'ama-pe ronojel saqipueq y q'anapueq ri k'a k'o na kan chupan ri beyomel richin ri rachoch ri Jehová y ri k'o chuqa' chupan ri rubeyomel ri rachoch rija'. Xeruteq-el ri rusamajela' rik'in ri Ben-hadad ri rey richin ri ruwach'ulew Siria. Rija' ruk'ajol ri Tabrimón y rumam kan ri Hezión. Y ri Ben-hadad niq'aton-tzij chiri' pa tinamit Damasco.

1 Rey 22:31

Ri rey richin Siria kan rubin wi k'a el chike ri e juwineq kablajuj aj-raqen ri ye'uk'uan ri carruaje chi man nikiben ta oyowal kik'in xabachike; xa kan xaxe rik'in ri rey richin Israel.

1 Rey 15:20

Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-bet-maacá, ri ruwach'ulew Quinéret y chuqa' chijun ruwach'ulew richin ri Neftalí.

Am 1:4

Roma ri' xtinya' ruq'aq'al ri rachoch ri rey Hazael, y ri q'aq' ri' xtuk'is k'a chuqa' ri jay richin tobel ri richin ri rey Ben-hadad.

Dn 2:37

Rat rey kan más k'a nimalej aq'ij chikiwech konojel rey, roma ri Dios ri niq'aton-tzij chila' chikaj ruya'on ri ajawaren pan aq'a', ruya'on ruwaq'ijaj, uchuq'a' y nimirinen chawe.

Ez 26:7

Roma ri' kere' ninbij yin: Xtink'en k'a pe jun rey chiwij rix aj-Tiro y rija' ik'owineq chik ruwi' ri uchuq'a' ri k'o rik'in chikiwech ri ch'aqa' chik rey. Rija' xtipe kere' pa xaman y rubini'an Nabucodonosor, rey pa ruwi' ri ruwach'ulew Babilonia. Y rik'in rija' xkepe aj-labal, achi'a' yech'oke' chirij kiej y carruaje richin oyowal.

Wuj Richin ri Jeremías 49:27

Kan xtinbenya' ruq'aq'al ri tz'aq ri k'o chirij ri itinamit y re' kan xtuk'is chuqa' ri rachoch ri rey Ben-hadad ri akuchi niq'aton-wi-tzij, xcha' ri Dios.

Wuj Richin ri Isaías 37:24

Xe'akusaj ri ataqonela' richin xaqasaj nuq'ij yin, Jehová. Rat xanimirisaj-awi' toq xabij chi rik'in ri janila a-carruaje xajote-el pa ruwi' la juyu', y chuwi' taq juyu' richin Líbano. Xabij chi rat kan ayon xe'aqasaj ri nima'q taq tiox-che', y ri nima'q taq jebelej k'isis. Xabij chi rat kan ayon xatapon-el pa ruwi' ri k'echelaj ri ek'o más nej, y kan xatapon chupan ri jebelej taq k'echelaj.

Wuj Richin ri Isaías 10:8

Roma rija' runimirisan-ri' y nubij: Chikijujunal ri e aj-raqen pa kiwi' ri aj-labal ri e wichin yin, chuqa' rije' kan e rey.

Wuj Richin ri Esdras 7:12

Yin, Artajerjes, rey kichin ri e rey, ninteq rubixik re' chawe Esdras sacerdote y tz'ibanel ri k'o awetamabal rik'in ri pixa' ri xuya' ri Dios ri rajaw ri kaj. K'o ta uxlanibel-k'u'x awik'in.

1 Rey 20:24

Y xkibij chuqa': Kan ke'awelesaj k'a el konojel ri rey ri yeto'on awichin, y pa kik'exel rije' ke'aya' kan achi'a' aj-raqen kichin ri aj-labal.

1 Rey 20:16

Y rije' xe'el k'a el pa tinamit Samaria pa nik'aj-q'ij; y ri Ben-hadad y ri e juwineq kablajuj rey ri e peteneq rik'in xa xeq'aber-qa chiri' akuchi ek'o-wi-qa.

1 Rey 16:24

Y k'o k'a jun juyu' chiri' ri rubini'an Samaria, y ri rajaw ri juyu' ri' rubini'an Sémer. Y ri Omrí xuloq' k'a kan ri juyu' ri'. Xutoj jubama jun quintal rik'in nik'aj saqipueq, y chiri' xupaba-wi-q'anej jun tinamit ri xubini'aj Samaria, roma ri nabey rajaw xubini'aj Sémer.

1 Sam 13:5

Jak'a ri aj-Filistea xkimol-ki' chuqa', richin nibekibana' oyowal kik'in ri israelita. Rije' e kik'uan e 30,000 carruaje richin oyowal,6,000 achi'a' ri e beneq chirij kiej y janila e k'iy aj-labal ri e beneq chikij: Kan man e ajlatel ta k'a. Xejote-q'anej y xek'oje-qa chiri' pa Micmás, ri k'o pa relebel-q'ij chire ri Bet-avén.

Wuj Kichin ri To'onela' 4:3

K'ari' ri israelita xesik'in-q'anej rik'in ri Jehová, roma ri Jabín janila yerutz'ila', y keri' rubanon-pe chike juwineq juna' y chuqa' re achin re' ek'o e 900 ru-carruaje e banon rik'in ch'ich'.

Wuj Kichin ri To'onela' 1:7

Y ri Adonisédec xubij: Nabey yin xintzak'ij ri nima'q rupan ruwi-kiq'a' y ri nima'q rupan ruwi-kaqen ri oxk'al lajuj rey, y k'ari' xinqasaj kiq'ij y xinben chike chi xkimol ri ruk'aj kaxlan-wey chuxe' ri nu-mesa. Jak'a re wakami, kan achi'el k'a ri xinben yin, keri' xuben chuwe ri i-Dios, xcha'. Y rija' chiri' k'a pa Jerusalem xuk'uex-wi y chiri' xken-wi.

Deut 28:52

Xtikisutij-rij ri tinamit richin iruwach'ulew y xtikiben oyowal k'a toq xketzaq na qa ri tz'aq ri más e nima'q y nej e jotol chikaj ri achoq ik'in ikuquban-wi-ik'u'x rix. Kan xkekich'ek k'a ronojel ri tinamit ri ek'o chupan ri ruwach'ulew ri xtiberuya' ri Jehová ri qa-Dios chiwe.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Ex 14:7

Xeruk'uaj k'a el e 600 carruaje ri janila e anineq, chikij re' xebe ri ch'aqa' chik carruaje, ri man kan ta e anineq ri ek'o chiri' pan Egipto, y chupan re carruaje re' e beneq-wi ri e aj-raqen pa kiwi' konojel.

1 Rey 20:2

Y ri Ben-hadad xeruteq k'a uk'uey rutzijol pa tinamit, rik'in ri Acab rey richin Israel, y xubij-el chire:

2 Rey 6:8

Ri rey richin Siria kan jantape' k'a nikiben labal kik'in ri israelita. Y k'o k'a jun q'ij re rey re' xeruk'ulubej ri aj-raqen pa kiwi' ri aj-labal y xubij chike ri akuchi yek'oje-wi-qa ri aq'a' ri'.

2 Rey 8:5

Rokik ri Guehazí nutzijoj achike rubanik xuben ri Eliseo toq xuk'asba' ri ral ri ixoq aj-Sunem; jari' toq xapon ri ixoq ri', richin xberuk'utuj ri rachoch y ri rulew ri ruya'on kan. Y ri Guehazí xubij chire ri rey: Ja ixoq re' ri nintzijoj chawe, y ja ak'ual re' ri xya'ox chik jun bey ruk'aslen, xcha'.