1 Rey 2:5 - Kaqchiquel Bible

⁵ Rat awetaman chik ri xuben ri Joab chuwe ri ral ri Seruiá. Ri richin chi xuben ruk'exel chike ri kamik ri xkiben ri Abner ruk'ajol ri Ner, y ri Amasá ruk'ajol ri Jéter, ri e aj-raqen pa kiwi' ri aj-labal, kan xerukamisaj. Y re' xuben ri Joab stape' k'o uxlanibel-k'u'x. Y roma ri' man xaxe ta k'a rija' xutz'ilobisaj-ri' rik'in kik', xa kan xuben chuqa' chi xel itzel nutzijol.

1 Rey 2:5 ပူးပေါင်းရင်းမြစ်များ

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

2 Sam 20:10

Jak'a ri Amasá man xutz'et ta ri kamisabel ri ruk'uan ri Joab pa rajxokon. Y jari' toq ri Joab xuchuq'ij pa rupan, y kan xel-pe ri rixkolob, y xtzaq-el k'a pan ulew. Y man xk'atzin ta chi xuchuq'ij chik jun bey roma xa niken yan qa. K'ari' ri Joab y ri rach'alal Abisai xebe richin xkitzeqelibej ri Sebá.

2 Sam 18:12

Jak'a ri achin ri' xa xubij chire ri Joab: Stape' ta rat yinatoj rik'in ka'i' quintal saqipueq, yin kan man xtinjeluj ta nuq'a' chirij ri ruk'ajol ri rey, roma roj xqak'axaj-pe toq rija' xubij-pe chawe rat y chike ri Abisai y ri Itai chi man jun telesan ruk'aslen ri ruk'ajol.

2 Sam 18:5

Y xuchilabej k'a el chike ri Joab, ri Abisai, y ri Itai, chi roma ri ajowabel ri k'o kik'in chire rija', kan tikijoyowaj ruwech ri Absalón. Y kan konojel k'a ri aj-labal xk'oje-el chikik'u'x ri xubij-el ri rey chike pa ruwi' ri Absalón.

2 Sam 18:14

Jari' toq ri Joab xubij: Kela' naben rat la', xcha'. Y xuk'uaj k'a el oxi' ch'ab pa ruq'a', xapon rik'in ri Absalón, ri kan k'a k'es na y tzeqel chire ri che', y xuch'ik ri ch'ab ri' pa ránima ri Absalón.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

Wuj Richin ri Jeremías 6:15

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

1 Rey 2:32

Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

1 Rey 1:7

Xkiya' k'a chikiwech rik'in ri Joab, jun chike ri ral ri Seruiá ri rana' ri David, y rik'in ri sacerdote Abiatar; y ri e ka'i' ri' kan janila-wi xkito' ri Adonías.

2 Sam 17:25

Pa ruk'exel ri Joab, ri Absalón xuya' kan ri Amasá aj-raqen pa kiwi' ri aj-labal. Ri Amasá ruk'ajol kan jun ismaelita rubini'an Itrá. Y ri rute' ja ri Abigail ri rumi'al ri Nahas, y rach'alal ri Seruiá ri rute' ri Joab.

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

San Mateo 3:4

Ri rutziaq ri Juan banon rik'in rusumal camello, y jun tz'um ri ximibel-rupan. Y ri ruway ja ri sak' y ri kab ri richin pa juyu'.

2 Sam 2:13

Y k'o k'a jun achin rubini'an Joab ral ri jun ixoq rubini'an Seruiá. Y rija' xerachibilaj-el ri aj-labal ri ek'o rik'in ri David. Xe'el k'a pe pan Hebrón richin xbekik'ulu-ki' kik'in ri achi'a' e richin ri Israel ri chiri' chuchi' ri yakbel-ya' ri k'o chiri' pa Gabaón. Y ri aj-Judá xetz'uye' k'a re juk'an pe ruchi'. Y ri aj-Israel xetz'uye' ri juk'an chik apo.