1 Rey 2:45 - Kaqchiquel Bible

⁴⁵ Jak'a yin kan janila urtisanik xtiya'ox pa nuwi', y ri Jehová xuben yan chi ri q'atbel-tzij richin ri David ri nata' kan xtik'oje' kan richin q'asen, xcha' ri rey chire ri Simí.

1 Rey 2:45 ပူးပေါင်းရင်းမြစ်များ

Wuj Richin Etamabel-Tzij 25:5

Keri' chuqa' toq ri itzel taq samajela' richin ri rey, ye'oqotex-pe, kan más kow y más choj xtok ri ruq'atoj-tzij rija'.

Wuj Richin Bix Chire ri Dios 72:17

Ri rubi' ri rey xtik'oje' jantape'; ri utzilej rutzijol kan man xtik'is ta, achi'el ri q'ij man nik'is ta. Konojel tzobaj winaqi' richin re ruwach'ulew xtikik'ul urtisanik pa ruq'a' rija', konojel xtikibij chi rija' kan jebel ruwa-ruq'ij.

Wuj Richin Bix Chire ri Dios 21:6

Kan jantape' k'a anojisan rik'in urtisanik. Kan janila nikikot, roma kan atk'o rik'in.

1 Rey 2:24

Y ri Salomón chuqa' xubij: Ja ri Dios ri xya'on q'ij richin ja yin xik'oje' kan pa ruk'exel ri David ri nata', y chuqa' rija' kan xutaqej ri rubin chi kan ja ri wijatzul yin ri xkek'oje' chupan ri ajawaren, y roma ri' chuwech ri Jehová, ninbij chi kan k'atzinel chi nikamisex ri Adonías, xcha'.

2 Sam 7:13

Kan k'a ja rija' ri xtipaban-q'anej jun wachoch. Y pa ruq'a' rija' xtinjikiba-wi kan jumul ri q'atbel-tzij.

1 Crón 17:27

Wakami k'a, xqa' chawech richin xaya' urtisanik pa nuwi' y pa kiwi' ri wijatzul richin chi kan xtik'oje' jantape' chawech. Kere' xtibanatej roma rat kan xaya' urtisanik, y re urtisanik re' kan richin q'asen, xcha' ri David.

Wuj Richin Bix Chire ri Dios 21:4

Xuk'utuj ruk'aslen chawe y kan xaya' chire; xaya' k'a k'iy q'ij ruk'aslen chuwech re ruwach'ulew.