1 Rey 2:40 - Kaqchiquel Bible

⁴⁰ Toq rija' xunabej re', k'ari' xuchojmirisaj-el ri rubur richin xbe pa Gat, rik'in ri rey Áquis, y chiri' xerukanoj k'a pe ri rusamajela' y xeruk'en-pe rik'in.

1 Rey 2:40 ပူးပေါင်းရင်းမြစ်များ

1 Timoteo 6:10

Roma, ri ruxe' ronojel ruwech etzelal ja ri nibe awánima chirij ri méro. Y kan ek'o k'a qach'alal ri xkiya' kan ri Dios roma xbe kan kánima chirij ri méro, y ri' xa k'o q'axo'n xuk'en-pe chike.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

Wuj Richin Etamabel-Tzij 15:27

Kan nuk'en-wi-pe ruk'ayewal pa jay, toq jun wineq man utz ta ri akuchi nipe-wi ri ruch'akoj; jak'a ri wineq ri kan man nrajo' ta chi nipuaqix, kan kikoten xtik'ase'.

Wuj Richin ri Rutikeribel 22:3

Y pa ruka'n q'ij ri Abraham xyakatej nimaq'a' yan, xuchojmirisaj ri rubur, y xuch'er-el ri si' richin nuporoj ri kamelabel. Y xberuk'ama-pe ri Isaac, ri ruk'ajol y chuqa' e ka'i' chike ri rusamajela' ri e yuqul pa samaj rik'in. K'ari' xkichop-el bey akuchi xbix-wi-el chire roma ri Dios.

1 Rey 2:39

Jak'a toq xq'ax yan ri oxi' juna', jari' toq e ka'i' samajela' ri e yuqul pa samaj rik'in ri Simí xe'animej-el, y xebek'oje' pa tinamit Gat rik'in ri rey Áquis ri ruk'ajol ri Maacá. Y xretamaj k'a ri Simí chi ri e ka'i' rusamajela' xa ek'o pa tinamit Gat.

1 Rey 2:41

Chirij ri', xbeya'ox rutzijol chire ri rey Salomón chi ri Simí xbe pa Gat, jak'a xa xtzolin yan pe.