1 Rey 2:32 - Kaqchiquel Bible

³² Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

1 Rey 2:32 ပူးပေါင်းရင်းမြစ်များ

Wuj Kichin ri To'onela' 9:24

Kere' xbanatej richin rutojbalil ri kikamik ri e ralk'ual ri Jerubaal; ri kikik'el ri xbiyin kan xqaqa pa ruwi' ri Abimélec ri xkamisan kichin, y pa kiwi' chuqa' ri aj-Siquem ri xeya'on ruchuq'a' ri Abimélec.

Wuj Richin Bix Chire ri Dios 7:16

Ri rumak xa pa ruwi' k'a rija' xtiqaqa-wi; kan pa ruwi' k'a rija' xtapon-wi ri itzel taq rubanobal.

2 Crón 21:13

Xa ja ri itzel taq kibanobal ri rey e richin Israel, ri ek'o pa xaman, ri xatzeqelibej; y ja rat xabanon chi ri winaqi' richin ri Judá y ri Jerusalem xkich'er kan ki' chire ri ruchojmilal ri nuya'on yin. Xa kan xaben chi xkiben achi'el ri itzel taq kibanobal ri aj pa rachoch kan ri Acab. Y pa ruwi' ri', chuqa' xe'akamisaj ri awach'alal ri xa kan más e utz chawech rat.

Wuj Kichin ri To'onela' 9:57

Chuqa' ronojel ri etzelal ri xkiben ri aj-Siquem, ri Dios xuben chike chi xkitoj na, y kan xqaqa k'a pa kiwi' rije' ri itzel oyonik ri xubij ri Jotam ri ruk'ajol kan ri Jerubaal.

1 Rey 2:5

Rat awetaman chik ri xuben ri Joab chuwe ri ral ri Seruiá. Ri richin chi xuben ruk'exel chike ri kamik ri xkiben ri Abner ruk'ajol ri Ner, y ri Amasá ruk'ajol ri Jéter, ri e aj-raqen pa kiwi' ri aj-labal, kan xerukamisaj. Y re' xuben ri Joab stape' k'o uxlanibel-k'u'x. Y roma ri' man xaxe ta k'a rija' xutz'ilobisaj-ri' rik'in kik', xa kan xuben chuqa' chi xel itzel nutzijol.

Ester 1:19

Roma ri', wi rat rey niqa' chawech, tatz'ibaj k'a jun wuj ri akuchi nubij-wi chi ri Vasti man reina ta chik. Y tikanox chik k'a jun ruk'exel ri más nimey-tzij chuwech rija'. Y re wuj re' kan xtik'oje' jantape' chukojol ri pixa' qichin roj ri oj richin ri ruwach'ulew Medo-Persia.

1 Rey 2:44

Chuqa' xubij chire ri Simí: Rat jebel awetaman chi ri xaben chire ri David ri nata' kan man utz ta, y roma ri itzel ri xaben, ri Jehová kan xtuya' rutojbalil pan awi' wakami.

2 Sam 17:25

Pa ruk'exel ri Joab, ri Absalón xuya' kan ri Amasá aj-raqen pa kiwi' ri aj-labal. Ri Amasá ruk'ajol kan jun ismaelita rubini'an Itrá. Y ri rute' ja ri Abigail ri rumi'al ri Nahas, y rach'alal ri Seruiá ri rute' ri Joab.

2 Sam 4:11

Jak'a iwik'in rix itzel taq achi'a' kan más k'a xtik'o ruwi' ri xtinben chiwe roma xikamisaj jun achin chiri' pa rachoch toq niwer pa ruch'at, ri xa man jun rumak. Wakami k'a ninben ruk'exel chiwe y xkixinwelesaj k'a el jumul chuwech re ruwach'ulew. xcha' chike.

2 Sam 3:37

Keri' chupan ri q'ij ri', konojel ri winaqi' aj chiri' y ri ch'aqa' chik israelita xq'ax chikiwech chi man ja ta ri rey xbin chi tikamisex ri Abner.

1 Sam 15:28

K'ari' ri Samuel xubij: Ri Jehová xtrelesaj-el ri q'atbel-tzij pan aq'a' achi'el xretzetej ri nutziaq yin, y xtuya' k'a chire jun chik qawinaq ri más utz chawech rat.

Wuj Richin ri Rutikeribel 4:11

Wakami k'a xtinben chawe chi kan xtiqaqa ri itzel pan awi', roma xaben chire ri ruwach'ulew chi xuk'ul ri rukik'el ri achaq' ri xakamisaj. Y man jun bey chik xtasamajij ri ulew.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

Wuj Richin ri Rutikeribel 42:22

K'ari' xch'on-apo ri Rubén y xubij chike: Yin xinbij chiwe chi man jun itzel tiben chire ri ala' ri' y man xinimaj ta nutzij y k'a wakami yojtajin rutojik ri rukamik ri qachaq', xcha'.

2 Sam 1:16

Y toq niken yan qa, jari' toq ri David xubij chire: Ja rat k'o amak roma kan xaya' chawij chi ja rat xakamisan ri rey ri rucha'on ri Jehová, xcha'.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

2 Crón 21:14

Roma ri' yin Jehová ninbenya' jun nimalej ruk'ayewal pa ruwi' ri atinamit, pa kiwi' ri awalk'ual, ri awixjayilal y pa kiwi' konojel ri ek'o awik'in.

Wuj Richin ri Q'axanri'il 32:23

Jak'a wi man xtiben ta keri', tiwetamaj k'a richin xixmakun chuwech ri Jehová y k'o jun q'ij xtiqaqa ri ruk'ayewal pan iwi' roma ri imak.

2 Sam 3:29

Y xubij chuqa': Ri Joab y ri e aj pa rachoch kan xtikejqalej k'a re mak re'. Kan jantape' ta k'a xtikiq'axaj yabil, sokotajik ri jantape' xtipujan, ruyabilal ri ch'akulaj, q'ajtajik, kamik rik'in espada o wayjal, xcha'.

1 Rey 8:32

rat Ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij, rat xtaq'et-tzij pa kiwi'.

Wuj Richin Bix Chire ri Dios 7:17

Jak'a yin kan xtinya' ruq'ij ri Jehová, roma rija' kan pa ruchojmilal nuq'et-tzij, Kan xtinbixaj k'a ri rubi' ri nimalej Jehová.

Ez 17:19

Y roma ri' yin Jehová ninbij chi xtinya' rutojbalil-mak pa ruwi' roma xa man xuya' ta rejqalen y man xutaqej ta ri jikibel-tzij ri xuben wik'in.