1 Rey 2:3 - Kaqchiquel Bible

³ Kan tataqej k'a ronojel ri pixabanik ri nuya' ri Jehová ri qa-Dios, y chuqa' tataqej ronojel ri pixa' ri ruya'on kan chire ri Moisés, richin keri' ronojel ri xtaben kan utz k'a xtel chawech xabakuchi xkabe-wi,

1 Rey 2:3 ပူးပေါင်းရင်းမြစ်များ

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

2 Sam 8:6

Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

1 Crón 29:19

Y keri' chuqa' tabana' chire ri nuk'ajol Salomón chi rik'in ta ronojel ránima xtutaqej ronojel ri pixa', richin xtupaba-q'anej ri awachoch, ri xinben yan kan ruchojmil, xcha'

Wuj Richin Bix Chire ri Dios 119:111

Yin kan nubanon chire ri apixa' chi jari' ri wichinan kan richin q'asen, roma kan nuya' kikoten pa wánima.

Wuj Richin Bix Chire ri Dios 119:138

Ri ach'abel ri achilaben kan, kan e choj-wi y kan yebanatej ri nubij.

Wuj Richin Bix Chire ri Dios 119:2

Jebel ruwa-kiq'ij ri kan nikitaqej ri ruk'utun kan ri Dios, ri kan rik'in ronojel kánima nikikanoj.

Wuj Richin Bix Chire ri Dios 19:7

Ri rupixa' ri Jehová kan tz'aqet y kan nuya' k'ak'a' qak'aslen; ri ruchojmilal ri xuya' ri Jehová, kan richin q'asen y nuben chire ri maneq retamabal chi nok aj-na'oj.

Wuj Richin ri Molojri'il 12:13

Wakami kan tawak'axaj y tawetamaj k'a ri achike nuk'atzinej-wi re jun wuj re': Kan tawetamaj k'a nik'oje' rukiy ri Dios chawech y tabana' ri nubij ri rupixa', roma kan jare' ri achike roma toq ri wineq k'o chuwech re ruwach'ulew.

Wuj Richin ri Chojmirisabelri'il 8:35

Kan chuchi' k'a ri rachoch ri Dios richin molojri'il xkek'oje-wi, wuqu' q'ij chi paq'ij chi chi'aq'a'. Y kan tikinimaj k'a ri xubij ri Dios richin chi man yeken ta, roma jare' ri pixa' ri xya'ox pa kiwi' rije', xcha' ri Moisés.

Wuj Richin ri Malaquías 4:4

Kan xtoqaqa ta k'a chi'ik'u'x ri nupixa' ri xinya' chire ri Moisés ri nusamajel chiri' pa juyu' Horeb. Ri pixa' ri' rachibilan ri ch'aqa' chik ruchojmilal ri xinya' chire richin tubij chiwe rix aj-Israel.

Deut 29:8

Y xqak'en kan ri kiruwach'ulew y xqaya' chike ri tzobaj richin ri Rubén, richin ri Gad y chike ri nik'aj tzobaj richin ri Manasés richin xkichinaj.

Deut 29:9

Kan titaqej k'a ri ruchojmilal y kan tibana' ri achike ri nubij, richin keri' kan ronojel k'a utz xtel chiwech ri xtiben.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 4:45

Ri pixa' richin ruchojmilal, ri pixa' ri ya'on chire ri tinamit, ri pixa' ri richin re q'ij re', y ri xubij ri Moisés chike ri israelita toq xe'el-pe pan Egipto.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

Deut 4:8

¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Wuj Richin ri Josúe 22:5

Xaxe k'a ninchilabej chiwe chi kan tibana' ri nubij ri pixa' ri xuya' kan ri Moisés ri rusamajel ri Jehová. Tiwajo' k'a ri Jehová ri qa-Dios, y kan kixbiyin chupan ri ruchojmilal. Tiyaka' ronojel ri nubij chupan ri pixa': Kan titzeqelibej rija'. Kan tiya' k'a ruq'ij rik'in ronojel iwánima y tisamajij rik'in ronojel ik'u'x, xcha-el chike.

Wuj Richin ri Josúe 23:6

Titija' k'a iq'ij richin nik'oje' pan iwánima y tibana' ronojel ri tz'ibatel kan chupan ri wuj richin ri pixa' kichin konojel winaqi' ri ruya'on kan ri Moisés. Man tich'er kan iwi' ni pan iwijkiq'a' ni pan iwajxokon,

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.

1 Sam 18:30

Ronojel mul toq ri e tata'al aj-Filistea yebe pan oyowal, ja ri David ri nich'akon chikij, roma ja rija' ri más nitikir chikiwech konojel e richin ri Saúl. Roma ri' kan xel janila jebel rutzijol.

1 Sam 18:5

Y ri David kan nibe xabakuchi nitaq-wi-el roma ri Saúl, y ronojel ri nibix-el chire nuben rik'in na'oj. Y xukusex aj-raqen richin jun tzobaj aj-labal. Y re' kan xqa' k'a chikiwech konojel winaqi' y keri' chuqa' ri aj-raqen ri ek'o rik'in ri Saúl.