1 Rey 2:29 - Kaqchiquel Bible

²⁹ Y xbekibij k'a chire ri rey Salomón chi ri Joab xberewaj-ri' chirij ri porobel ri k'o chuwa-jay chire ri rachoch ri Jehová. K'ari' ri rey xuteq-el ri Benaías, ruk'ajol ri Joiadá, richin niberukamisaj kan.

1 Rey 2:29 ပူးပေါင်းရင်းမြစ်များ

1 Rey 2:25

K'ari' ri rey Salomón chi'anin k'a xuteq rubixik chire ri Benaías ruk'ajol ri Joiadá, richin tukamisaj ri Adonías. Y ri Benaías xunimaj k'a tzij, y xbe chukamisaxik ri Adonías.

Ex 21:14

Wi k'o jun wineq nukamisaj jun rachpochel roma keri' xpe pa ránima roma kan janila royowal chirij y k'ari' niberewaj-ri' chirij ri nuporobal, kan tibewelesaj-pe ri chiri' y tikamisaj.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?

Ez 9:6

Xubij chi kekikamisaj k'a chi rijita'q, chi xtani', chi alaboni', chi ixoqi', chi ak'uala'; jak'a man jun tikiben kan chike ri winaqi' ri k'o ketal. Rije' xkichop k'a kikamisaxik ri achi'a' ri k'o kiq'ij ri ek'o chupan ri rachoch ri Jehová.

1 Rey 2:46

Chirij re' ri rey xuya-el q'ij chire ri Benaías richin tukamisaj kan ri Simí, y kan keri' k'a xbanatej toq ri q'atbel-tzij xjike' kan pa ruq'a' ri Salomón.

1 Rey 2:31

K'ari' ri rey xubij: Tabana' k'a achi'el xubij rija' chawe. Takamisaj k'a y tamuqu' kan. Rik'in keri' man ja ta chik roj ri oj aj pa rachoch kan ri David, ri nata' ri xqojejqalen ri kikamik ri e ka'i' achi'a' ri xa maneq kimak, ri xerukamisaj ri Joab.

2 Sam 8:18

Ri Benaías ruk'ajol ri Joiadá, ja rija' ri k'o pa kiwi' ri achi'a' ri yechajin ri David. Y ri e ralk'ual ri David, chuqa' e sacerdote.

1 Rey 2:30

Y ri Benaías xbe akuchi rewan-wi ri' ri Joab, y xubij chire: Ri rey nubij chi katel-pe chiri', xcha'. Jak'a ri Joab xubij-pe: Ni, yin wawe' xkiken-wi, xcha'. K'ari' ri Benaías xberubij chire ri rey achi'el xbix-el chire roma ri Joab.

Wuj Richin Etamabel-Tzij 28:17

Ri wineq ri k'o kamik rubanon chikikojol ri ruwinaq, stape' nanimajilan y nrewala-ri' chupan chijun ruk'aslen keri' niken-el; kan man jun k'a xtiq'aton richin.