1 Rey 2:2 - Kaqchiquel Bible

² Ri q'ij richin ri nukamik xa kan napon yan k'a, jak'a rat kan kow k'a kak'oje', y xkatok ta k'a jun kow laj achin.

1 Rey 2:2 ပူးပေါင်းရင်းမြစ်များ

2 Sam 10:12

Y xubij chik ri Joab: Man qojmayamo-qa; xa kan tiqatija' qaq'ij, koma ri qawinaq ri chuqa' e ruwinaq ri Dios. Y ja rija' xtibin ri achike ruk'amon chi niqaben, xcha'.

2 Sam 12:23

Jak'a re wakami xa xken. ¿Achike ta chik k'a roma man yiwa' ta? ¿Yitikir kami yin xtinben ta chire richin xtik'astej chik pe jun bey? Ja yin ri yibe rik'in rija', jak'a rija' man xtitzolin ta chik pe wik'in yin, xcha'.

1 Rey 3:7

Wakami k'a Jehová Dios wajaw yin, rat xinaya' pa ruk'exel kan ri nata' richin ninq'et-tzij, stape' k'a in ala' na y man jani k'o nuna'oj, y kan man jun wetamabal.

1 Crón 22:13

Kan xkabe k'a pa jotol wi rat xtaben ronojel ri achike nubij ri pixa' ri ya'on kan chire re tinamit ri xuya' ri Jehová chire ri Moisés. Kan tatija' k'a aq'ij: Kan kof k'a kak'oje': Man k'a kamayamo-qa: Y man taxibij-awi'.

1 Crón 22:16

rik'in q'anapueq, ri saqipueq, rik'in q'enq'oj-pueq y ri q'eqapueq. Ek'o e k'iy samajela' ri man yatikir ta nawajlaj. Kan kasamej k'a pa rachoch ri qa-Dios y ja rija' xkato'on, xcha' ri David.

1 Crón 28:10

Tawetamaj k'a chi ri Jehová ri xacha'on richin napaba-q'anej ri jay richin rija'. Roma ri' tatija' aq'ij y tabana' ri samaj, xcha' ri David chire.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

Wuj Richin ri Achin Job 16:22

Ri rajlabal ri nujuna' xa juba' chik ok, y yin xtinchop-el bey ri akuchi man xkitzolin ta chik pe.

Wuj Richin ri Achin Job 30:23

Roma yin wetaman chi jare' yatajin chinuk'uaxik k'a pa nukamik, yinak'uaj k'a ri akuchi ye'apon-wi konojel ri winaqi' ri xek'ase-el chuwech re ruwach'ulew.

Wuj Richin Bix Chire ri Dios 89:48

¿Achike ta k'a wineq ri nik'ase' y man nutz'et ta el ri kamik? ¿Achike ta k'a ri nikolotej chuwech ri jul muqbel kamineq?

Wuj Richin ri Molojri'il 12:13

Wakami kan tawak'axaj y tawetamaj k'a ri achike nuk'atzinej-wi re jun wuj re': Kan tawetamaj k'a nik'oje' rukiy ri Dios chawech y tabana' ri nubij ri rupixa', roma kan jare' ri achike roma toq ri wineq k'o chuwech re ruwach'ulew.

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

Efesios 6:10

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

2 Timoteo 2:1

Ninbij k'a chawe rat Timoteo, ri at achi'el nuk'ajol, chi kan tik'oje' k'a el awuchuq'a' rik'in ri utzil ri niqak'ul roma ri Cristo Jesús.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

Wuj Richin ri Josúe 23:14

Roma yin xa yiken yan, wakami k'a tiwetamaj kan jebel y tik'oje' kan pan iwánima, y tik'oje' kan chi'ik'u'x, chi ronojel ri rusujun ri Jehová ri qa-Dios chiqe, ronojel xbanatej y man jun xk'oje' ta kan chaq keri'.