1 Rey 19:5 - Kaqchiquel Bible

⁵ Y xkotz'e-qa chuxe' ri che' y xbe-qa chi waran. Y xok'ulun-qa jun ángel rik'in, xuyikiya' y xubij chire chi tiyakatej richin nutej ruway.

1 Rey 19:5 ပူးပေါင်းရင်းမြစ်များ

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Hechos 12:7

Ri chiri' pa cárcel xapon k'a jun ángel richin ri ajaw, y xsaqir k'a ri chiri'. Ri ángel ri' xuyikiya' ri Pedro richin xuk'asoj, xubij chire chi tiyakatej; y ri cadena ri kiximben-wi ri ruq'a' ri Pedro, xetzaq kan.

Dn 9:21

Rokik yinajin chire ri ch'owen ri', jari' toq ri Gabriel, ri nutz'eton chik chupan ri achi'el achik', peteneq k'a pa kaq'iq' y xoqaqa wik'in, chupan ri ramaj toq nisuj ri kamelabel richin tiqaq'ij pa Jerusalem.

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Wuj Richin Bix Chire ri Dios 34:10

Ri alaji' taq koj kan k'o ri nik'atzin chike, y kan yenum. Jak'a ri nikikanoj ri Jehová, kan man jun achike ta xtikajo'.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.

1 Rey 19:4

Y ri Elías xbe pa tz'iran ruwach'ulew ri k'o pa xokon, y jun q'ij k'a ri xbiyin. Y kan janila k'a kosineq, xbetz'uye' chuxe' jun ti che' achi'el q'echa' rubanik, y xpe ri ch'obonik rik'in chi más ta utz niken y roma ri' xubij: Jehová, yin man ninkoch' ta chik; más utz tawelesaj ri nuk'aslen, roma yin man más ta in utz chikiwech ri wati't-numama', xcha'.

1 Rey 19:6

K'ari' rija' k'ulan xtzu'un y jari' toq xutz'et chi chunaqaj ri ruch'akat-ruwi', k'o kan jun kaxlan-wey ponon ri k'o kan pa ruwi' ri racheq-q'aq' y jun xára ya'. K'ari' xwa-xuk'ya' y xwer chik qa jun bey.

Wuj Richin ri Zacarías 4:1

K'ari' ri ángel ri ch'owineq-pe wik'in xtzolej chik pe, y kan achi'el xa ta xiruk'asoj chire jun waran.