1 Rey 19:4 - Kaqchiquel Bible

⁴ Y ri Elías xbe pa tz'iran ruwach'ulew ri k'o pa xokon, y jun q'ij k'a ri xbiyin. Y kan janila k'a kosineq, xbetz'uye' chuxe' jun ti che' achi'el q'echa' rubanik, y xpe ri ch'obonik rik'in chi más ta utz niken y roma ri' xubij: Jehová, yin man ninkoch' ta chik; más utz tawelesaj ri nuk'aslen, roma yin man más ta in utz chikiwech ri wati't-numama', xcha'.

1 Rey 19:4 ပူးပေါင်းရင်းမြစ်များ

Wuj Richin ri Jonás 4:3

Wakami k'a Jehová nink'utuj utzil chawe, chi tawelesaj k'a el ri nuk'aslen chuwech re ruwach'ulew, roma más utz wi yiken ke chuwech ri in k'es, xcha' ri Jonás.

Wuj Richin ri Q'axanri'il 11:15

Wi chaq chupan samaj kere' yinaya-wi, más utz tawelesaj ri nuk'aslen. Wi rat kan qitzij yinawajo', tabana' kere', richin chi man nintej ta chik poqon, xcha'.

Wuj Richin ri Jonás 4:8

Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.

Romanos 3:9

Y wakami, ¿nibij rix chi chuwech ri Dios ri qak'aslen roj kan más utz ke chuwech ri kik'aslen ri man e judío ta? Man keri' ta. Qonojel winaqi', chi judío y man judío ta, qonojel oj qajineq chuxe' ri mak.

San Juan 4:6

Ja ri chiri' k'o-wi ri pozo ri xuk'ot kan ri Jacob, ojer. Chiri' k'a xtz'uye-wi-qa ri Jesús, roma rija' kan janila k'a kosineq-pe roma ri binen kibanon-pe. Ri' pa nik'aj-q'ij la'eq ri'.

Wuj Richin ri Nahum 3:8

Ri Tebas jun tinamit ri kan k'o kuqubabel-k'u'x rik'in, ri xk'oje' pa runik'ajal ri raqen-ya' Nilo. Y ri raqen-ya' re' kan jari' xe'ok tz'aq richin rija'. ¿Y kan más ta k'a at utz rat chuwech ri q'asen tinamit ri'?

Am 6:2

Kixbiyin k'a pa tinamit Calné ri wulutajineq. Tiwetamaj kan jebel ri xbanatej rik'in ri tinamit Hamat. Kixxule-qa pa Gat chupan ri kiruwach'ulew ri aj-Filistea. ¿K'o kami más iwejqalen rix chikiwech rije'?

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

1 Rey 19:3

Toq ri Elías xrak'axaj keri', kan xuxibij-ri' y xanimej-el richin xukol-el ri ruk'aslen. Y toq xapon pa tinamit Beerseba ri k'o pa ruwach'ulew Judá, chiri' xuya-wi kan ri rusamajel.

1 Rey 13:14

Y xutzeqelibej k'a el ri achin richin ri Dios ri peteneq pa Judá y xberila' tz'uyul chuxe' jun paten-che', y xuk'utuj chire chi wi ja rija' ri achin richin ri Dios ri peteneq pa Judá. Y ri achin ri' xubij chi ja rija'.

San Mateo 6:26

Ke'itz'eta' ri aj-xik' taq chikopi'; rije' man yetikonej ta, y chuqa' maneq kitiko'n nikelesaj jun juna', ni maneq chuqa' kik'ujay richin kiyakon ta kijal. Man rik'in ri' rije' yewa', roma ja ri aj-chikajil qatata' ri niya'on kiway. ¿Man más ta k'a iwejqalen rix ke chikiwech ri aj-xik' taq chikopi' ri'?

1 Rey 19:5

Y xkotz'e-qa chuxe' ri che' y xbe-qa chi waran. Y xok'ulun-qa jun ángel rik'in, xuyikiya' y xubij chire chi tiyakatej richin nutej ruway.

Wuj Richin ri Achin Job 6:9

¡Jebel ta ri' xa ta ri Dios nrajo' chi yiruk'is-el jumul; nuyek ta ruq'a' chuwij richin yirelesaj-el jumul!

Wuj Richin ri Jeremías 20:9

Jak'a wi man ninq'alajirisaj ta ri ach'abel o man yich'on ta pan abi' rat, jari' toq ri wánima k'o jun achi'el q'aq' ri nik'at chupan y man yitikir ta ninchup y napon k'a pa nubaqil, stape' ninwajo' nik'oje' chiri', xa kan k'o chi ninq'alajirisaj.

Wuj Richin ri Achin Job 6:8

¡Jebel ta ri' xa ta ri Dios nuya' ta chuwe ri nink'utuj chire; jebel ta ri' xa ta kan nuya' chuwe ri woyoben-pe!