1 Rey 19:3 - Kaqchiquel Bible

³ Toq ri Elías xrak'axaj keri', kan xuxibij-ri' y xanimej-el richin xukol-el ri ruk'aslen. Y toq xapon pa tinamit Beerseba ri k'o pa ruwach'ulew Judá, chiri' xuya-wi kan ri rusamajel.

1 Rey 19:3 ပူးပေါင်းရင်းမြစ်များ

Wuj Richin ri Rutikeribel 21:14

Y nimaq'a' yan ri ruka'n q'ij ri Abraham xyakatej, xberuk'ama-pe kaxlan-wey, y jun tz'um nojineq rik'in ya' y xuya-el chuwi-rutele'n ri Agar, y chuqa' xujech-el ri ala' chire richin tel-el. K'ari' rije' xkichop-el bey y xebe-kela' xebe-kela' xkiben chupan ri tz'iran ruwach'ulew richin Beerseba.

Wuj Richin ri Rutikeribel 21:31

Y roma ri' xbix Beerseba*f19* chire ri tinamit ri' roma chiri' xkijikiba-wi ri kitzij chi e ka'i'.

1 Rey 4:25

Chijun ruk'aslen ri rey Salomón, ri winaqi' aj-Judá, y ri aj-Israel kan kuqul k'a kik'u'x xek'oje' k'a pa taq kachoch, roma man jun chik xnaqon kichin. Y kan keri' k'a xkiben chijun ruwach'ulew, nitiker-pe pa Dan y napon k'a pa Beerseba.

Ex 2:15

Toq ri rey xretamaj ri xuben ri Moisés, jari' toq xuteq rukanoxik richin chi tikamisex; jak'a ri Moisés xa xanimej-el chuwech ri rey y xbe k'a pa ruwach'ulew rubini'an Madián, y toq xapon xbetz'uye' k'a chuchi' jun pozo.

Wuj Richin ri Jeremías 20:9

Jak'a wi man ninq'alajirisaj ta ri ach'abel o man yich'on ta pan abi' rat, jari' toq ri wánima k'o jun achi'el q'aq' ri nik'at chupan y man yitikir ta ninchup y napon k'a pa nubaqil, stape' ninwajo' nik'oje' chiri', xa kan k'o chi ninq'alajirisaj.

San Mateo 26:56

Jak'a ronojel re nibanatej wakami, xa kan richin k'a chi nibanatej ri tz'ibatel kan chupan ri ruch'abel ri Dios koma ri xeq'alajirisan ruch'abel, xcha'. Y kan jari' k'a toq ri e rutijoxela' ri Jesús xkiya' kan ruyon y xe'animej.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

1 Sam 8:2

Ri nabey ruk'ajol rubini'an Joel y ri ruka'n rubini'an Abías. Ja rije' ri xe'ok to'onela' chiri' pa tinamit Beerseba.