1 Rey 19:16 - Kaqchiquel Bible

¹⁶ Y chuqa' naqasaj aceite pa ruwi' ri jun achin rubini'an Jehú rumam ri Nimsí richin nok kan rey pa ruwi' ri Israel. Y ri jun achin rubini'an Eliseo ruk'ajol ri Safat aj-Abel-meholá, xtaqasaj aceite pa ruwi' richin nok kan q'alajirisey nuch'abel pan ak'exel rat.

1 Rey 19:16 ပူးပေါင်းရင်းမြစ်များ

2 Rey 2:15

Y toq k'o chik chiri', ri tzobaj e q'alajirisey ruch'abel ri Dios ri aj-Jericó, xkibij-qa: Ri Eliseo xk'oje' kan pa ruk'exel ri Elías, xecha'. Y xbekik'ulu' y xexuke-qa chuwech.

2 Rey 2:9

Toq xeq'ax yan k'a, ri Elías xubij chire ri Eliseo: Tak'utuj ri achike nawajo' chi ninben awik'in, rokik k'a ink'o awik'in, xcha'. Y ri Eliseo xuk'utuj utzil chire chi tuya' kan chire ka'i' mul ri uchuq'a' ri chiri' chikiwech konojel ri ch'aqa' chik ri xetzeqeliben richin ri Elías, richin chi rija' nok kan aj-raqen.

San Lucas 4:27

Kan keri' chuqa' xk'uluwachitej kik'in ri yawa'i' pa ruq'ijul ri Eliseo, ri q'alajirisey ruch'abel ri Dios. Roma pa ruq'ijul rija' kan e k'iy k'a yawa'i' rik'in ri jun yabil ri nutaluj-ri'. Jak'a man jun chike ri qawinaq ri xk'achojirisex ta, xaxe k'a ri Naamán ri xk'achojirisex, y rija' jun achin aj pa ruwach'ulew Siria, xcha'.

1 Rey 4:12

Ri Baaná ruk'ajol ri Ahilud ja rija' ri k'o pa ruwi' ri ruwach'ulew ri nitiker-pe pa relebel-q'ij rik'in ri tinamit Bet-seán, Saretán y ri Abel-meholá, chijun ri taq'aj richin Jezreel chukojol ri tinamit Meguido y Taanac, y napon k'a pa tinamit Jocmeam ri k'o pa qajbel-q'ij.

Wuj Kichin ri To'onela' 7:22

Y ri oxi' tzobaj achi'a' kan nikixupula' ri kixupubal; y ri Jehová xuben k'a chike ri aj-Madián chi kiyon rije' xkikamisala-qa-ki' chikiwech chi espada, chiri' ri akuchi ek'o-wi-qa. Y ri ch'aqa' aj-labal kichin ri aj-Madián, xe'animej y ek'o xe'apon k'a pa Bet-sitá, ch'aqa' chik xe'apon k'a pa tinamit Sererá, y ri ch'aqa' chik xe'apon chunaqaj ri tinamit Abel-meholá chuwech-apo ri Tabat.

1 Sam 18:19

Y xapon k'a ri q'ij chi ri Merab, rumi'al ri Saúl k'o chi niya'ox-el chire ri David richin nok rixjayil y pa ruk'exel xya'ox-el chire rija', xa xya'ox chik el chire ri jun achin rubini'an Adriel ri aj-Meholá.

2 Sam 21:8

Y ri David xerujech k'a el e ka'i' ruk'ajol ri Saúl rik'in ri Rispá rumi'al ri Aiá. Re e ka'i' re' kibini'an Armoní y jun chik Mefi-bóset. Xerujech chuqa' e wo'o' ral ri Merab rumi'al kan ri Saúl, ri rixjayil ri Adriel ruk'ajol ri Barzilai meholatita.

1 Rey 1:34

Y toq ixk'o chik chiri', ja ri Sadoc y ri Natán ri xkeqasan aceite pa ruwi' ri Salomón, richin nok kan rey pa ruwi' chijun ruwach'ulew Israel. Y kan xtixupux k'a ri uk'a' y xtibij: ¡Tiqaya' ruq'ij ri rey Salomón!, xkixcha'.

2 Rey 2:1

Chirij k'a ronojel re', ri Elías rachibilan ri Eliseo e peteneq chupan ri bey ri nipe pa tinamit Guilgal. Y kan xnaqajub yan k'a pe ri q'ij toq ri Jehová xtuk'uaj-el ri Elías chila' chikaj, pa jun surkum.*f1*