1 Rey 19:11 - Kaqchiquel Bible

¹¹ Ri Jehová xubij chire chi rija' xtiq'ax-el chiri' y chi ri Elías tel-pe chupan ri jul y tipa'e' chuchi'. Y ri Jehová xuchop niq'ax chiri' y xuteq-pe jun nimalej kaq'iq' y ri kaq'iq' ri' xerusiloj ri juyu' y kan xepax ri abej chuwech ri Jehová, jak'a ri Jehová man beneq ta chupan ri kaq'iq' ri'. Y chirij ri kaq'iq' xpe jun nimalej silonel, jak'a ri Jehová maneq chupan ri silonel ri'.

1 Rey 19:11 ပူးပေါင်းရင်းမြစ်များ

Ez 1:4

Kan jari' xintz'et k'a chi pa xaman peteneq jun nimalej kaq'iq' ri ruk'amon-pe jun nimalej sutz' ri kan nirepelun y jun achi'el q'aq' ri nuk'aqala-el koyopa' y pa runik'ajal ri q'aq' ri' nirepelun achi'el ri q'enq'oj-pueq.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

Wuj Richin ri Achin Job 38:1

K'ari' ri Jehová xch'on-pe rik'in ri Job chupan jun surkum y xubij chire:

Hebreos 12:26

Ri ojer kan toq ri Dios xch'on pa ruwi' ri juyu', ri juyu' ri' xsilon. Jak'a re wakami nubij: Xtapon k'a jun q'ij toq man xaxe ta chik ri ruwach'ulew xtinsiloj, xa kan xtinyikiya' chuqa' ri kaj, xcha'.

Ez 37:7

Yin xinbij k'a chike ri baq ri' achi'el xubij-pe ri Jehová chuwe. Y rokik k'a yich'on kik'in, jari' toq xinwak'axaj chi ri baq yeq'ajan richin xkitunula-ki'.

Wuj Richin Bix Chire ri Dios 68:8

ri ruwach'ulew kan xsilon y kan xqaqa k'a pe ri job chila' chikaj; roma rat atk'o chiri', ri juyu' Sinaí kan xsilon, xsilon k'a chawech rat ri at qa-Dios roj israelita.

Ex 34:2

Tachojmirisaj k'a awi' richin chi chua'q nimaq'a' yan, xkajote' k'a el pa ruwi' ri juyu' Sinaí, richin yatapon-q'anej chinuwech.

Ex 19:20

Ri Jehová xqaqa k'a pe pa rutum ri juyu' Sinaí, y k'a chiri' xroyoj-wi-pe ri Moisés, y ri Moisés xjote-q'anej k'a rik'in.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Apocalipsis 16:18

Y kan xaxe k'a xubij keri', kan ja ri' xepe koqolajay, koyopa'. Y xuben k'a jun nimalej silonel ri man jun bey banatajineq janipe' ri ek'o-pe winaqi' chuwech ri ruwach'ulew.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

Ex 24:18

K'ari' ri Moisés xok-apo pa runik'ajal ri sutz' y xjote-el k'a pa rutza'n-q'anej ri juyu' y chiri' k'a xk'oje-wi kawineq q'ij y kawineq aq'a'.

Ex 24:12

Chirij ri' ri Jehová xch'on chik rik'in ri Moisés y xubij: Kajote-pe wawe' wik'in pa ruwi' re juyu' y xkak'oje' wik'in. Y yin xtinya' k'a ri tz'alem taq abej chawe, ri uk'uayon ri pixa' ri ninwajo' chi niben. Ri xintz'ibaj kan richin chi rat nak'ut chikiwech ri winaqi'.

San Mateo 28:2

Jari' toq xuben jun nimalej silonel roma jun ángel richin ri Dios ri peteneq chila' chikaj, xqaqa-pe y xusiloj ri abej, ri tz'apebel ruchi' ri jul.

Wuj Richin ri Zacarías 4:6

Y ri ángel xubij: re wuqu' candil re', nuk'exewachuj ri runaq' taq ruwech ri Jehová, ri yetzu'un chuwech chijun re ruwach'ulew, xcha' ri ángel. K'ari' yin xink'utuj chik chire ri achike nuk'exewachuj ri ka'i' ruche'el olivo ri ek'o pa rijkiq'a' y pa rajxokon ri candelabro. Chuqa' xink'utuj chik k'a ri nuk'exewachuj ri ka'i' ruq'a' olivo ri ek'o chunaqaj ri ka'i' achi'el tubo banon rik'in q'anapueq ri akuchi niq'ax-wi ri aceite richin napon chupan ri taq candil. Y ri ángel xubij chuwe ¿Man awetaman ta ri nuk'exewachuj? Y yin xinbij chire chi ni. K'ari' xubij chik chuwe: Jare' ri e ka'i' ri e ch'aron richin nikisamajij ri rajaw chijun ri ruwach'ulew, xcha'. Ri ángel kan k'a xch'on na k'a wik'in y xubij: Ri Jehová xuteq-pe re jun rutzijol re' chire ri Zorobabel y nubij: Man takuquba' ak'u'x kik'in ri aj-labal, ni rik'in ri uchuq'a', xa kan takuquba' ak'u'x rik'in ri nu-espíritu nicha' ri Jehová k'iytisanel richin ronojel. ¿Y rat juyu' achike ta k'a aq'ij? ¡Rat xa kan xkatok k'a qa taq'aj chuwech ri Zorobabel! Ja rija' k'a ri xtik'amo-pe ri abej ri más k'atzinel y ri winaqi' xkesik'in rik'in kikoten y xtikibij chi janila jebel ok. Chirij ri', ri Jehová xuya' chik jun rutzijol chuwe richin ninbij chire ri Zorobabel y xubij: Ja ri Zorobabel ri xya'on-qa ri ruxe' ri wachoch, y ja rija' ri xtik'ison pa ruwi'. Rik'in ri' xtiwetamaj chi ja ri Jehová ri xitaqon-pe. Y ri jujun ri man xkinimaj ta toq xchapatej-qa ri samaj, y man jun rejqalen xkiben chire xa kan xkekikot k'a toq xtikitz'et chi ri Zorobabel xtik'achoj-q'anej chire ri samaj.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Ex 34:6

Y jari' toq ri Jehová xq'ax k'a el chuwech ri Moisés y xubij: ¡Ja yin Jehová! ¡Jehová jari' ri nubi'! Ri kan in joyowanel y koch'onel y man chi'anin ta k'a nipe woyowal y kan janila nim ri nujoyowanik y kan ninben ri ninbij.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

San Mateo 24:7

Roma jun ajawaren xtiyakatej k'a el chirij jun chik ajawaren. Ek'o chuqa' rey xkeyakatej-el chikij ch'aqa' chik rey. Xkepe k'a yabilal, wayjal y chuqa' xtuben silonel xabakuchi chire re ruwach'ulew.

Wuj Richin ri Zacarías 14:5

Ri aj-Jerusalem kan xke'el-el chiri' pa kitinamit, y xke'animej chupan ri taq'aj ri', y xke'apon k'a pan Asal. Kan xke'animej k'a achi'el xe'animej ri winaqi' ri ojer toq xuben ri nimalej silonel pa ruq'ijul kan ri rey Uzías. Jari' toq xtipe ri Jehová e rachibilan-pe ri choj kik'aslen.

1 Sam 14:15

Y xpe k'a jun nimalej xibinri'il chike konojel ri achi'a' aj-Filistea ri ek'o chiri', ri ek'o pa juyu', ri chajinela' y konojel ri e beneq pan eleq'. Chuqa' kan xuben k'a jun nimalej silonel chiri'. Y ronojel re' kan ja ri Dios ri xtaqon-pe pa kiwi' rije'.

Ex 19:16

Y xk'uluwachitej k'a chi toq xapon ri rox q'ij nimaq'a' yan, xpe k'a koqolajay y koyopa' y xqaqa k'a jun pimilej-sutz' pa ruwi' ri juyu'. Y xebeq'ajan k'a pe rik'in janila uchuq'a' ri xupubel ri e banon rik'in uk'a'. Y ri winaqi' ri ek'o pa taq kachoch ri banon rik'in tzieq kan janila k'a xkik'en rukiy.

Wuj Richin Bix Chire ri Dios 68:9

Nimalej Dios, rat xaben chi xpe janila chi job; ri atinamit ri nimayamo' yan qa xaben chire chi xk'oje' chik el ruchuq'a'.