1 Rey 18:43 - Kaqchiquel Bible

⁴³ Y ri Elías xubij chire ri rusamajel chi tijote-el pa ruwi' ri juyu', y titzu'un pa ruchojmilal ri palou. Y ri rusamajel keri' xuben, y toq xtzolej xubij chi man jun sutz' k'o. Y ri Elías wuqu' k'a mul xuteq ri rusamajel richin nibetzu'un kan.

1 Rey 18:43 ပူးပေါင်းရင်းမြစ်များ

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

San Lucas 18:1

K'ari' ri Jesús xutzijoj k'a jun k'ambel-tzij chike ri rutijoxela', richin chi nuk'ut chikiwech chi kan nik'atzin-wi chi jantape' yech'on rik'in ri Dios, y man keq'itej chubanik.

Wuj Richin Bix Chire ri Dios 5:3

Jehová, nimaq'a' yan xtawak'axaj ri nuch'abel, nimaq'a' yan xtinya' chawech ronojel ri nik'atzin chuwe y xtinwoyobej.

Wuj Richin ri Rutikeribel 32:26

y xeri' ri achin xubij: Taya-el q'ij chuwe richin yibe, roma niseqer yan pe, xcha'. Jak'a ri Jacob xubij chire: Man xkatinya' ta el k'a toq in awurtisan chik kan, xcha'.

1 Rey 18:42

Rokik ri Acab xwa-xuk'ya', ri Elías xjote-el pa ruwi' ri juyu' Carmelo, y xxuke-qa pan ulew richin xch'on rik'in ri Jehová, y ri rujolon xapon k'a chukojol ri ruch'ek.

1 Rey 18:44

Chupan ri ruwuq mul ri rusamajel xubij: Yin nintz'et jun ko'ol sutz' achi'el ruq'a' jun wineq ri jotol-pe pa ruwi' ri palou, xcha'. Y ri Elías xubij chire chi tibe richin niberubij chire ri Acab chi tuchojmirisaj ri ru-carruaje y titzolin chi'anin, roma man xa tuq'et-qa job pa bey.

Wuj Richin ri Josúe 6:4

Y wuqu' sacerdote xtikik'uaj jujun xupubel ri banon rik'in uk'a' richin karne'l. Rije' xkebe chuwech ri káxa ri k'o ri nujikibel-tzij chupan. Y chupan k'a ri ruwuq q'ij, wuqu' mul xtisutij-rij ri tinamit, rokik ri sacerdote xtikixupuj ri xupubel.

2 Rey 4:35

K'ari' ri Eliseo xyakatej k'a pe pa ruwi' ri ak'ual, xqaqa-pe chupan ri ch'at y xbiyaj chupan ri ti jay ri'. Chirij ri' xjote' chik q'anej pa ch'at rik'in ri ak'ual y xjupe' chik jun bey pa ruwi'. K'ari' ri ak'ual xat'ixem wuqu' mul, y xuna' ruwech.