1 Rey 18:40 - Kaqchiquel Bible

⁴⁰ K'ari' ri Elías xubij chike: Ke'ichapa' ri achi'a' ri yesamajin kichin ri Baal, y man jun chike rije' tanimej chiwech. Y ri winaqi' xekichop k'a ri achi'a' ri', y xkitzeqelibej ri Elías k'a chuchi' ri ch'uti'n raqen-ya' Quisón, y chiri' xuqupij ri kiqul y xeken.

1 Rey 18:40 ပူးပေါင်းရင်းမြစ်များ

Wuj Kichin ri To'onela' 4:7

y yin Jehová kan xtinben k'a chire ri Sísara y ri aj-labal ri e richin ri rey Jabín richin xkepe chuchi' ri raqen-jul rubini'an Quisón, y yin xkenjech pan aq'a' ri achi'a' ri', y chuqa' ri ki-carruaje. Kere' nubij ri Jehová, xcha' ri Débora.

Deut 18:20

Jak'a wi k'o jun niyakatej-pe y nuben chi nuq'alajirisaj ri nuch'abel y nubij ch'abel ri xa man nubin ta yin chire, o wi nich'on pa kibi' ch'aqa' chik dios, re wineq re' kan nikamisex, xcha' ri Jehová chuwe.

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Wuj Kichin ri To'onela' 5:21

Chupan ri rubey-ya' Quisón xapon jun nimalej raqen-ya', y kan xeruk'uaj-el. Kan xeruk'uaj-wi ri raqen-ya' ri' ri xapon chiri' pa Quisón.

Apocalipsis 20:10

Y ri Itzel-Wineq ri xq'olon kichin konojel ri winaqi' ri', xk'aq chupan ri achi'el choy ri k'o q'aq' xolon rik'in chuwilej-abej chupan, ri akuchi xk'aq-wi ri keq rij chikop ri xq'aton-tzij rachibilan ri jun achin ri xbin chi q'alajirisey ri ruch'abel ri Dios y xa man qitzij ta. Y chiri' chupan ri q'aq' xtikitej poqon chi paq'ij chi chaq'a' y kan richin tibe-q'ij tibe-seq.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Wuj Richin ri Jeremías 48:10

Itzel ruwa-kiq'ij ri man xkixkik'is ta rix achi'el xinbij yin. Itzel ruwa-kiq'ij wi man xtikajo' ta xtikiyoj-ki' richin xkixkikamisaj.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

1 Rey 18:41

K'ari' ri Elías xubij chire ri Acab: Kabiyin richin yabewa-yatuk'ya', roma kan niq'ajan chik ruch'abel jun nimalej job, xcha'.

1 Rey 19:1

Ri Acab xutzijoj k'a chire ri Jezabel ri rixjayil, ronojel ri xuben ri Elías chike konojel ri achi'a' ri xesamajin kichin ri Baal toq xerukamisaj chi espada.

2 Rey 11:18

K'ari' konojel ri winaqi' xe'ok-apo chupan ri rachoch ri Baal, y xkiwulaj-el. Keri' chuqa' xkiwulaj-el jumul ri porobel y ri wachibel. Y xkikamisaj ri Matán sacerdote richin ri Baal chuwech-pe ri porobel. Y ri Joiadá xeruya' chajinela' chupan ri rachoch ri Jehová.

2 Crón 23:17

Chirij ri', konojel xebe pa rachoch ri Baal, xkiwulaj k'a kan ri jay ri' y xkiwulaj kan ri porobel y ri wachibel ri ek'o chiri'. Keri' chuqa' xkiqupij kan ruqul ri Matán ri nisamajin richin ri Baal, chiri' chuwech ri porobel.

Deut 13:6

Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.

Wuj Kichin ri To'onela' 4:13

Roma ri' ri Sísara kan jari' xerumol k'a ri e 900 ru-carruaje ri e banon rik'in ch'ich', y chuqa' konojel ri aj-labal ri ek'o rik'in. Xe'el-pe pa tinamit Haróset-goím y xe'apon k'a akuchi k'o-wi ri raqen-jul Quisón.

2 Crón 23:15

Xkichop k'a y xkikusaj-apo akuchi ye'el-ye'ok-wi ri kiej chiri' pa rachoch ri rey y chiri' xkikamisaj-wi kan.