1 Rey 18:31 - Kaqchiquel Bible

³¹ Xrukusaj k'a kablajuj abej achi'el ri kajlabal ri tzobaj ri e ruk'ajol kan ri Jacob, ri chuqa' rubini'an Israel roma ri Jehová xujel ri rubi'.

1 Rey 18:31 ပူးပေါင်းရင်းမြစ်များ

2 Rey 17:34

Re wakami, k'a nikiben na achi'el xkiben rubanon kan: Ni man nikiya' ta rejqalen ri Jehová, ni man nikitaqej ta ronojel ri pixa' ri xuya' ri Jehová ojer kan chike ri e ruk'ajol kan ri Jacob ri xubini'aj chuqa' Israel.

Wuj Richin ri Rutikeribel 35:10

y xubij chire: Rat, Jacob ri abini'an-pe, jak'a re wakami man chik xtabini'aj ta Jacob, kan xtabini'aj k'a Israel, xcha'. Y kan Israel k'a ri rubi' xuya'.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

Wuj Richin ri Josúe 4:20

Toq ek'o pa Guilgal, ri Josué xubij chi tikinuk'u-q'anej ri kablajuj abej ri kik'amon-pe pa Jordán.

Apocalipsis 21:12

Re tinamit re' rusutin-rij chi tz'aq ri nej jotol chikaj. Ruk'uan k'a kablajuj okibel rik'in ri kibi' ri jujun chike ri kablajuj tzobaj ri e rijatzul kan ri Israel y pa ronojel okibel yechajin jujun ángel.

Efesios 2:20

Rix chuqa' ix achi'el jun jay ri paban-q'anej pa ruwi' ri ruxe' ri k'iya'on kan ri e taqon roma ri Cristo, y ri e q'alajirisey ruch'abel ri Dios. Y ri abej ri niya'on ruchuq'a' ri jay ri' ja ri Jesucristo.

Ez 47:13

Chirij re' ri Jehová xubij: Toq rix israelita xtich'er ri ruwach'ulew richin niwichinaj, k'o chi nich'er chiwech ri ruwach'ulew pa kablajuj tzobaj, achi'el ri kajlabal ri e rijatzul kan ri Israel. Y ri e rijatzul kan ri José, xtikichinaj kan ka'i' mul chikiwech ri ch'aqa' kach'alal. Y yin xtinbij chiwe ri akuchi ek'o-wi ri kik'ulba't.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Wuj Richin ri Esdras 6:17

Y chupan ri nimaq'ij ri' toq xk'achoj ri rachoch ri Dios, xkisuj k'a wok'al nima-alaji' achija' taq wákix, 200 achija' taq karne'l y 400 alaji' achija' taq karne'l. Y richin kuyubel-mak, xkisuj kablajuj achija' taq tzuntzun richin chikijujunal ri tzobaj richin ri tinamit Israel.

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.

Wuj Richin ri Rutikeribel 32:29

K'ari' ri Jacob xuk'utuj y xubij chire: Taq'alajirisaj ri abi' chinuwech, xcha'. Y ri achin xubij: ¿Achike roma nak'utuj nubi'?, xcha'. Xeri' ri achin xrurtisaj kan ri Jacob ri chiri'.