1 Rey 18:3 - Kaqchiquel Bible

^3-4 Y ri chiri' pa Samaria k'o k'a jun achin aj-raqen pa kiwi' konojel ri yesamej pa rachoch ri rey, y ri achin ri' rubini'an Abdías, y rija' kan nuya' k'a ruq'ij ri Jehová. Rokik ri Jezabel ruchapon kikamisaxik konojel q'alajirisey ruch'abel ri Jehová, ri Abdías xerumol k'a e wok'al chike rije', y xerewaj kan pa ka'i' jul, kawineq lajuj pa jujun tzobaj ri xuben chike, y xerutzuq k'a konojel. Y ri rey Acab xroyoj k'a ri Abdías,

1 Rey 18:3 ပူးပေါင်းရင်းမြစ်များ

Wuj Richin ri Nehemías 7:2

Wawe' pa Jerusalem k'o k'a jun achin rubini'an Hananías, y rija' kan qitzij k'o rukiy ri Dios chuwech. Y rija' ri aj-raqen pa ruwi' ri jay ri akuchi ek'o-wi ri aj-labal richin ri Jerusalem. Y xinbij k'a chi ja rija' y ri wach'alal Hananí ri yepa'e' chuwech ri tinamit.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

Hechos 10:35

Xabachike ta ri qatinamit chiri', ri Dios kan utz yojrutz'et qonojel ri kan niqaxibij-qi' chi yojmakun chuwech y e choj ri qabanobal.

Hechos 10:2

Ri Cornelio y ri e aj pa rachoch e ya'ol k'a ruq'ij ri Dios, y nikixibij k'a ki' yemakun chuwech. Y rija' kan jantape' k'a nich'on rik'in ri Dios, y kan k'iy k'a yerutola-wi ri winaqi' ri man jun k'o kik'in.

Wuj Richin ri Malaquías 3:16

Y toq xkak'axaj ronojel re', ri winaqi' ri k'o rukiy ri Dios chikiwech kan xech'on chikiwech ri chi kachibil-ki'. Y ri Dios kan xuya' ruxikin chike y xerak'axaj k'a. K'ari' ri Jehová xutz'ibaj kibi' chupan jun wuj richin natabel kichin ri k'o rukiy chikiwech, y ri nikinimirisaj ri rubi'.

Wuj Richin Etamabel-Tzij 14:26

Ri wineq ri kan k'o rukiy ri Dios chuwech, kan xtril-wi ruchuq'a'; y ri ralk'ual rija' kan xtikil-wi ri chajinik richin ri Dios.

Wuj Richin ri Nehemías 5:15

Jak'a ri e nabey aj-raqen chinuwech yin xekiya' kan pa k'ayew ri tinamit, roma kan q'ij-q'ij xkik'utuj waqlajuj onza saqipueq, y pa ruwi' ri' xkik'utuj kiway y ki-vino. Keri' chuqa' ri kisamajela' kan k'ayew xkiben chike ri qawinaq. Jak'a yin man keri' ta xinben, roma chinuwech yin, ri nu-Dios kan yalan-wi nim y janila rejqalen.

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

1 Rey 18:12

Rik'in juba' xa xtik'uluwachitej chi toq yin yibe, ri ru-espíritu ri Jehová xa xkaruk'uaj chik el juk'an, akuchi ri man wetaman ta yin. Y wi yin ninbenya' rutzijol chire ri Acab y rija' xa man yaril ta chik re wawe', jari' k'a toq rija' xkirukamisaj yin, y kan man ruk'amon ta k'a chi keri' nibanatej wik'in roma yin xa kan k'a in ala' na toq nuya'on-pe ruq'ij ri Jehová.

Wuj Richin ri Rutikeribel 42:18

y pa rox q'ij ri José xubij chike: Yin tikirel ta yixinkamisaj y roma ninxibij-wi' chuwech ri Dios man ninben ta keri'; roma ri' kan xkixk'ase', xaxe tibana' ri xtinbij chiwe.

Wuj Richin ri Rutikeribel 41:40

Wakami k'a, ja rat ri xkaq'aton-tzij chupan re jay richin re nuq'atbel-tzij y konojel nutinamit xtikinimaj atzij. Xaxe yin más k'a nuq'ij chawech rat, roma ja yin ri in rey, xcha'.

Wuj Richin ri Rutikeribel 39:9

Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

Wuj Richin ri Rutikeribel 24:10

Y ri samajel xeberuk'ama' k'a pe e lajuj camello y xerucha' k'a el ri sipanik ri más e jebel chukojol ri rubeyomel ri Abraham; y xyakatej na wi el y xbe k'a pa rutinamit kan ri Nacor ri k'o pa ruwach'ulew Mesopotamia.

Wuj Richin ri Rutikeribel 24:2

Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

Wuj Richin ri Rutikeribel 22:12

Y xubij chire: Man takamisaj la ak'ajol y man jun taben chire, y roma man xapoqonaj ta xaya' ri juney ak'ajol pa kamik chuwe, wakami q'alaj chik chinuwech chi rat kan k'o-wi rukiy ri Dios chawech, xcha'.

1 Rey 18:2

K'ari' ri Elías xbe richin niberuk'utu-ri' chuwech ri Acab. Y ri wayjal ri chiri' pa Samaria kan janila k'ayew rubanon.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Wuj Richin Bix Chire ri Dios 112:1

Tinimirisex ruq'ij ri Jehová. Jebel ruwa-ruq'ij ri wineq ri k'o rukiy ri Jehová chuwech, ri kan rik'in ri rupixa' rija' nikikot-wi jantape'.

San Mateo 25:17

Y keri' chuqa' xuben ri jun chik samajel ri xuk'ul kan ka'i' k'ojelibel rik'in q'anapueq; rija' kan xuch'ek k'a ka'i' chik.