1 Rey 18:29 - Kaqchiquel Bible

²⁹ Xq'ax k'a ri nik'aj-q'ij y rije' chaq k'a janila yesik'in richin yech'on pa kibi' ri ki-dios, y keri' nikiben, k'a xapon na ri tiqaq'ij toq nisuj ri kamelabel chiri' pa rachoch ri Jehová, y man xk'ulubex ta pe ri kich'abel, kan man jun xch'on-pe kik'in, y ni man xe'ak'axex ta.

1 Rey 18:29 ပူးပေါင်းရင်းမြစ်များ

Gálatas 4:8

Y toq rubanon kan, toq k'a man jani tiwetamaj ruwech ri Dios, rix xa ja ri ch'aqa' chik dios ri xe'isamajij, ri xa man e qitzij dios ta.

1 Rey 22:12

Y ri ch'aqa' chik e q'alajirisey ruch'abel ri ki-dios junan ri kich'abel y nikibij chi kan utz-wi chi yebe pa Ramot richin nibekibana' oyowal, y kan ja ri Acab ri xtich'akon, roma ri Jehová kan xkerujech pa ruq'a' rija' ri aj-Siria.

1 Rey 22:10

Y ri Acab y ri Josafat rey richin Judá e tz'uyul chiri' pa kich'akat y kikusan ri kitziaq richin rey, chiri' pa jun era ri k'o-apo chuwech ri ruchi' ri tinamit Samaria, y konojel k'a ri q'alajirisey ruch'abel ri ki-dios ri ek'o kik'in ye'ajin nikik'ul ri achi'el achik'.

1 Rey 18:26

Ri achi'a' ri' xkikamisaj k'a ri kiwákix y xkichojmirisaj pa ruwi' ri porobel, y k'ari' xkichop nikik'utuj to'onik chike ri Baal. Xkichop k'a ri ch'owen ri' nimaq'a' yan, y nikibila' k'a: ¡Baal kach'on-pe chiqe! Yecha'. Jak'a man jun nich'on-pe chike. Y rije' kan yeropilan k'a chirij ri porobel ri kibanon-q'anej. Y keri' nikiben xapon ri nik'aj-q'ij.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

Ex 29:41

Y toq xtiqaq'ij-qa, xtisuj k'a ri jun chik karne'l y niben chire achi'el ri xisuj ri nimaq'a' y niya' ri k'ej y ri vino chirij. Y re' kan jare' ri sipanik poron y jubul ruxla' chinuwech yin Jehová.

Ex 29:39

Ri jun karne'l xtiporoj ri nimaq'a' y ri jun chik xtiporoj toq xqaqa yan qa ri q'ij.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

Wuj Richin Bix Chire ri Dios 141:2

Ri nuch'owen, kan nijubulin ta napon chawech achi'el ri jubulej pom. Ri nuq'a' ri nuyakon chawech, kan xtiqa' ta k'a chawech, achi'el ri kamelabel ri nisuj chawe tiqaq'ij.

Wuj Richin ri Isaías 16:12

Stape' ri aj-Moab yebe akuchi ek'o-wi ri wachibel ri nikiya' kiq'ij, y stape' kan janila yekos richin yejote-el chiri' richin yech'on kik'in ri ki-dios, stape' ronojel re' kan man jun xtuq'ajuj. Keri' xubij ri Jehová chuwe.

Ex 8:14

y ri winaqi' xekimol k'a pa taq tzubaj y chijun ri ruwach'ulew xchuwir koma ri kaminaqi' taq xkalet.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

Wuj Richin Bix Chire ri Dios 115:4

Jak'a ri ki-dios rije' xa rik'in saqipueq y q'anapueq kibanon-wi. Xa kisamaj k'a ri winaqi'.

Wuj Richin ri Isaías 46:7

K'ari' nikiya-el chuwi-kitele'n richin nikik'uaj. Kan nikiya' k'a pa ruwi' jun k'ojelibel. Y kan chiri' k'a nik'oje-wi, y man nitikir ta nisilon-el juba'. Stape' k'o ta jun nich'on rik'in, ri wachibel ri' man nich'on ta pe, ni man nitikir ta nukol chupan jun q'axo'n.

Dn 9:21

Rokik yinajin chire ri ch'owen ri', jari' toq ri Gabriel, ri nutz'eton chik chupan ri achi'el achik', peteneq k'a pa kaq'iq' y xoqaqa wik'in, chupan ri ramaj toq nisuj ri kamelabel richin tiqaq'ij pa Jerusalem.