1 Rey 18:26 - Kaqchiquel Bible

²⁶ Ri achi'a' ri' xkikamisaj k'a ri kiwákix y xkichojmirisaj pa ruwi' ri porobel, y k'ari' xkichop nikik'utuj to'onik chike ri Baal. Xkichop k'a ri ch'owen ri' nimaq'a' yan, y nikibila' k'a: ¡Baal kach'on-pe chiqe! Yecha'. Jak'a man jun nich'on-pe chike. Y rije' kan yeropilan k'a chirij ri porobel ri kibanon-q'anej. Y keri' nikiben xapon ri nik'aj-q'ij.

1 Rey 18:26 ပူးပေါင်းရင်းမြစ်များ

Wuj Richin ri Jeremías 10:5

Rije' e achi'el poy pa jun qejoj ri tikon pepino chuwech. Rije' man yech'on ta; k'o chi ye'uk'uex na, roma man yetikir ta yebiyin. Roma ri' man tixibij-iwi' chikiwech, roma rije' man jun achoq chire nikiben-wi, utz ni itzel, xcha' ri Jehová.

1 Corintios 12:2

Rix iwetaman ri achike rubanik ri k'aslen ri xik'uaj toq man jani iwetaman ruwech ri Dios. Rix utz k'a chiwe chi xixuk'uex richin chi xiya' kiq'ij wachibel, stape' ri wachibel ri' xa man jun xuben iwoma rix o xch'on ta pe chiwe.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

San Mateo 6:7

Rix kan man k'a ke'ibila' ch'abel ri xa maneq kejqalen, achi'el nikiben ri winaqi' ri man ketaman ta ruwech ri Dios. Roma rije' xaxe roma nikich'ob chi yekibila' janila chi ch'abel, roma ri' kan ye'ak'axex-pe.

Wuj Richin ri Sofonías 1:9

Xtinya' rutojbalil-mak pa kiwi' ri winaqi' ri nikiya' kiq'ij ch'aqa' chik dios; Chuqa' pa kiwi' ri winaqi' ri nikinojisaj rachoch ri kajaw rik'in ri keleq' y q'oloj.

Wuj Richin ri Habacuc 2:18

¿Achike ta k'a nik'atzin-wi ri ruwachibel jun dios?, roma xa jun relik wineq xbanon. ¿Achike k'a roma naben jun wachibel?, roma xaxe richin yaruq'ol. Rat xaben kiwachibel mem, y k'ari' nakuquba' ak'u'x kik'in ri xa ja rat at banayon.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Isaías 44:17

Y chire ri juba' chik che' ri k'o kan, xa xuben jun dios. K'ari' nixuke-apo chuwech y nuya' ruq'ij. Nich'on rik'in, y nuk'utuj utzil chire chi tukolo', roma jari' ri ru-dios.

Wuj Richin ri Isaías 37:38

Y kere' k'a xbanatej: Rokik ri rey nuya' ruq'ij ri ru-dios rubini'an Nisroc, chiri' chupan ri rachoch ri dios ri', jari' toq ri e ruk'ajol kibini'an Adramélec, y ri Sarézer xkikamisaj kan chi espada. Chirij re' rije' xe'animej-el, y xebe pa ruwach'ulew Ararat. Y ri xq'aton kan tzij pa ruk'exel ja ri Esarhadón, jun chik chike ri ruk'ajol.

1 Rey 18:24

K'ari' rije' ri yesamajin kichin ri Baal xtikik'utuj to'onik chike ri ki-dios, y yin chuqa' xtink'utuj to'onik chire ri Jehová. Y ri Dios ri xtitaqon-pe q'aq' pa ruwi' ri porobel, jari' ri qitzij Dios, xcha' ri Elías. Y konojel ri winaqi' xkibij chi kan utz ri xubij.

1 Rey 18:25

K'ari' ri Elías xubij chike ri achi'a' ri yesamajin kichin ri Baal chi tikichapa' jun kiwákix, y tikichojmirisaj rije' nabey, roma ja rije' ri más e k'iy; y tikik'utuj k'a to'onik chike ri ki-dios, jak'a man nikiya' ta ruq'aq'al.

1 Rey 18:27

Jari' toq ri Elías niyojoben-apo chikij y xubij chike: Kixsik'in kow, roma rija' kan dios-wi, rik'in juba' xa xbechulun kan, o k'o jun rusamaj nuben, o xa xbebiyaj, o rik'in juba' xa niwer y k'o chi nik'asoj, xcha' ri Elías chike.

Wuj Richin ri Jonás 1:5

Roma ri' ri samajela' richin ri barco xkixibij-ki', y chikijujunal rik'in uchuq'a' xech'on rik'in ri ki-dios richin xkik'utuj to'onik. Y ronojel k'a ri ejqa'n xkitorila' kan chupan ri ya' richin chi nitzoyotzo-qa ri barco. Jak'a ri Jonás kan k'a chukojol k'a qa ri ejqa'n k'o-wi y chiri' kamineq chi waran.

Wuj Richin ri Habacuc 2:19

Kan toq'ex awech rat ri yach'on rik'in jun che', y nabij chire chi karak'axaj; y nabij chire ri wachibel ri banon rik'in abej chi tik'astej-el. ¿Xtitikir ta k'a re wachibel re' chi xkarupixabaj? Stape' kan nojisan-rij chi q'anapueq y saqipueq xa maneq ruk'aslen.

Ex 8:14

y ri winaqi' xekimol k'a pa taq tzubaj y chijun ri ruwach'ulew xchuwir koma ri kaminaqi' taq xkalet.

1 Sam 5:3

Toq xseqer ri jun chik q'ij, jari' toq ri aj-Asdod xkitz'et chi ri ruwachibel ri Dagón jupul pan ulew chuwech ri káxa. K'ari' rije' xkiyek-el ri wachibel ri' xkipaba' kan y xkiya' kan pa ruk'ojelibal.

Wuj Richin ri Isaías 46:7

K'ari' nikiya-el chuwi-kitele'n richin nikik'uaj. Kan nikiya' k'a pa ruwi' jun k'ojelibel. Y kan chiri' k'a nik'oje-wi, y man nitikir ta nisilon-el juba'. Stape' k'o ta jun nich'on rik'in, ri wachibel ri' man nich'on ta pe, ni man nitikir ta nukol chupan jun q'axo'n.