1 Rey 18:24 - Kaqchiquel Bible

²⁴ K'ari' rije' ri yesamajin kichin ri Baal xtikik'utuj to'onik chike ri ki-dios, y yin chuqa' xtink'utuj to'onik chire ri Jehová. Y ri Dios ri xtitaqon-pe q'aq' pa ruwi' ri porobel, jari' ri qitzij Dios, xcha' ri Elías. Y konojel ri winaqi' xkibij chi kan utz ri xubij.

1 Rey 18:24 ပူးပေါင်းရင်းမြစ်များ

1 Rey 18:38

Y kan jari' ri q'aq' richin ri Jehová xqaqa-pe chila' chikaj, y ri q'aq' ri' xuk'is ri chikop y ri si', ri abej, ri ulew ri akuchi k'o-wi ri porobel, y kan xuk'is ronojel ri ya' ri k'o chupan ri jul.

1 Crón 21:26

Y ri David xupaba-q'anej jun porobel richin ri Jehová, y xerusuj chikopi' ri yeporox chijun, y xusuj sipanik richin nuq'alajirisaj chi junan ruwech rik'in ri Dios. Xeri' xch'on rik'in ri Jehová, y ri Dios xuk'uluba-pe ri ruch'abel rik'in q'aq'. Y ri q'aq' ri' peteneq chila' chikaj, y xqaqa pa ruwi' ri porobel.

2 Crón 7:3

Toq xkitz'et konojel ri israelita ri q'aq' y ri ruq'ij-ruk'ojlen ri Jehová ri xqaqa-pe chupan ri rachoch, xexuke-qa y xkiqasaj-ki' k'a pan ulew, y kere' nikibij: Tiya' ruq'ij ri Jehová, roma rija' kan janila utz, ri rujoyowanik kan richin q'asen, xecha'.

2 Crón 7:1

Toq ri Salomón xtane-qa chire ri ruch'owen rik'in ri Jehová, xbeqaqa-pe q'aq' chila' chikaj y xuk'is ri kamelabel y konojel ri chikopi' ri e ya'on pa ruwi' ri porobel, y ri ruq'ij-ruk'ojlen ri Jehová xunojisaj ri rachoch,

Wuj Richin ri Chojmirisabelri'il 9:24

Y toq xoq'alajin-qa ri ruk'ojlemal ri Jehová kan xorepero' jun q'aq' y xuk'is ri kamelabel ri k'a nik'at na; kan xuk'is k'a ri kiq'anal ri chikopi' ri k'o pa ruwi' ri porobel. Y jari' toq konojel ri winaqi' xkitz'et ri xbanatej, xkireq kichi' roma kikoten y xkiqasaj-ki' k'a pan ulew.

Wuj Kichin ri To'onela' 6:21

Ri ángel xuya-apo ri rutza'n ri ruch'ame'y pa ruwi' ri ti'ij y ri kaxlan-wey. Y ri abej ri' kan xel k'a pe q'aq' pa ruwi' y xuk'is ronojel. Chirij ri' ri Gedeón kan man xutz'et ta chik ri ángel.

Wuj Richin ri Isaías 39:8

Y toq xrak'axaj re', ri Ezequías kan xuch'ob-qa chi xa rik'in ta k'o uxlanibel-k'u'x rokik rija' k'es. Y roma ri' xubij chire ri Isaías chi ri ruch'abel ri Jehová kan janila utz.

2 Sam 14:19

Ri rey xuk'utuj k'a wi ja ri Joab ri biyon-el ronojel re' chire. Y ri ixoq xubij: Kan qitzij na wi chi kan man jun ri ewatel ta chawech rat wajaw, roma kan ja na wi ri Joab ri asamajel, ri xitaqon-pe. Y xubij k'a pe chuwe ronojel re ch'abel re xinbij chawe.

Wuj Richin ri Rutikeribel 4:26

Y ri Set chuqa' xek'oje' ralk'ual, y jun chike rije' xubini'aj Enós. Y jari' toq rije' xkichop nikiya' ruq'ij ri Jehová.

1 Rey 18:23

Wakami k'a ke'ik'ama-pe ka'i' achij wákix; jun kichin ri achi'a' ri yesamajin kichin ri Baal, y ri jun chik wichin yin. Rije' xtikik'ajij k'a ri wákix ri kichin rije', y xtikiya' pa ruwi' ri si' pa ruwi' ri porobel, jak'a man nikiya' ta ruq'aq'al. Y yin chuqa' xtinchojmirisaj ri jun wákix, y xtinya' k'a pa ruwi' ri si' pa ruwi' ri porobel, jak'a man xtinya' ta chuqa' ruq'aq'al.

1 Rey 18:25

K'ari' ri Elías xubij chike ri achi'a' ri yesamajin kichin ri Baal chi tikichapa' jun kiwákix, y tikichojmirisaj rije' nabey, roma ja rije' ri más e k'iy; y tikik'utuj k'a to'onik chike ri ki-dios, jak'a man nikiya' ta ruq'aq'al.

1 Rey 18:39

Y toq xkitz'et konojel ri winaqi' ri', kan kexukuk xeqaqa pan ulew y rik'in ronojel kuchuq'a' xkibij: ¡Ri Jehová jari' ri Dios! ¡Ri Jehová jari' ri Dios!, xecha'.

Wuj Richin ri Jeremías 27:18

Wi rije' kan e q'alajirisey ruch'abel ri Jehová y wi kan qitzij chi ja ri Jehová biyon chike, k'o chi nikik'utuj utzil chire ri Jehová ri k'o ronojel uchuq'a' pa ruq'a', richin chi man nuya' ta q'ij richin ye'uk'uex-el pa Babilonia ri ch'aqa' chik samajibel ri k'a ek'o na kan pa rachoch y ri ek'o na kan pa rachoch ri rey.

1 Rey 2:38

Y ri Simí xubij chire ri rey: Janila utz ri nabij chuwe yin ri in asamajel, y kan keri' k'a ri xtinben achi'el ri xabij rat, xcha'. Y ri Simí xk'oje' chiri' pa Jerusalem oxi' juna'.