1 Rey 18:21 - Kaqchiquel Bible

²¹ Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

1 Rey 18:21 ပူးပေါင်းရင်းမြစ်များ

San Mateo 6:24

Man jun k'a loq'on samajel ri nitikir ta ri yerusamajij e ka'i' rajaw. Roma wi nrajo' ri jun, nretzelaj ri jun chik. Y wi kan janila nunimaj rutzij ri jun, man nunimaj ta rutzij ri jun chik. Keri' kan man xkixtikir ta k'a chi xtisamajij ri Dios y ri beyomel.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.

Wuj Richin ri Sofonías 1:5

keri' chuqa' konojel ri nikiya' kiq'ij ri xmotza' pa ruwi' ri kachoch; chuqa' ri nikiya' nuq'ij yin rokik nikiya' ruq'ij ri ki-dios Milcom.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

1 Rey 18:39

Y toq xkitz'et konojel ri winaqi' ri', kan kexukuk xeqaqa pan ulew y rik'in ronojel kuchuq'a' xkibij: ¡Ri Jehová jari' ri Dios! ¡Ri Jehová jari' ri Dios!, xecha'.

2 Crón 33:13

Y ri Dios kan xrak'axaj k'a, y xuben chire chi xtzolin-pe pa Jerusalem chupan ri ruq'atbal-tzij. K'ari' ri Manasés xq'ax chuwech chi kan xaxe ri Jehová ri qitzij Dios.

Wuj Richin ri Rutikeribel 44:16

Ri Judá xubij chire: ¿Achike k'a xtiqabij wakami? ¿Achi'el toq xtiq'alajin chi man oj aj-maki' ta? Ri Dios xril ri qamak ri qabanon. Wakami k'a, jare' ojk'o pan aq'a', xqojok k'a asamajela' junan rik'in ri achoq ik'in xilitej-wi ri qumbel, xcha' ri Judá.

Wuj Richin ri Rutikeribel 24:50

K'ari' ri Labán pa rubi' ri Betuel, ri rutata', xubij: Rik'in ri Jehová peteneq-wi ronojel re'; roj man jun yojtikir niqabij chawe wi ja' o ni.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

San Lucas 6:13

Chupan k'a ri nimaq'a' ruka'n q'ij, rija' xeroyoj ri e tzeqelibeyon richin, y chikikojol k'a rije' xerucha' e kablajuj richin nikibini'aj e taqon roma ri Cristo.

San Mateo 22:36

Rat ri kan at tijonel-wi, tabij k'a chuwe, ¿achike k'a chike ri pixa' ri k'o más rejqalen?, xcha'.

San Mateo 22:34

Ri fariseo, toq xkak'axaj chi ri Jesús kan xutz'apej-wi k'a kichi' ri saduceo rik'in ri xubij, kan chi'anin k'a xkimol-ki' chuch'obik achike ri xtikiben.

San Mateo 22:12

Ri rey xch'on k'a rik'in ri achin ri', y xuk'utuj k'a chire: ¿Achike k'a xaben richin xatikir xatok-pe wawe', toq xa man akusan ta pe ri tzieq ri nik'atzin chupan re jun k'ulubik re'?, xcha' ri rey chire. Y ri achin man jun ch'abel xubij.

1 Crón 17:26

Rat Jehová, kan at Dios-wi y ja rat ri at nata'; y kan xasuj ri utzilej taq banobel chuwe.

1 Rey 18:20

Keri' ri Acab xuteq k'a rubixik chupan chijun ruwach'ulew, y xerumol k'a konojel winaqi' y ri achi'a' ri yesamajin kichin ri Baal, ri chiri' pa ruwi' ri juyu' Carmelo.

Wuj Richin Bix Chire ri Dios 119:113

Ri winaqi' ri ka'i' kipalej, yin kan yenwetzelaj, jak'a ri apixa', ri' kan jantape' ninwajo'.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.