1 Rey 18:20 - Kaqchiquel Bible

²⁰ Keri' ri Acab xuteq k'a rubixik chupan chijun ruwach'ulew, y xerumol k'a konojel winaqi' y ri achi'a' ri yesamajin kichin ri Baal, ri chiri' pa ruwi' ri juyu' Carmelo.

1 Rey 18:20 ပူးပေါင်းရင်းမြစ်များ

1 Rey 22:9

Y keri' ri Acab xroyoj jun chike ri rusamajela', y xubij chire chi tiberuk'ama' ri Micaías ruk'ajol ri Imlá.

1 Rey 18:19

Tataqa' k'a rubixik chike ri winaqi' aj-Israel chi tikimolo-ki' wik'in yin ri chiri' pa ruwi' ri juyu' Carmelo, y chuqa' chi tikimolo-ki' ri e 450 achi'a' ri yesamajin kichin ri Baal, y ri e 400 achi'a' ri yesamajin kichin ri Asera, ri yetzuq roma ri Jezabel, xcha' ri Elías.

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

1 Rey 18:42

Rokik ri Acab xwa-xuk'ya', ri Elías xjote-el pa ruwi' ri juyu' Carmelo, y xxuke-qa pan ulew richin xch'on rik'in ri Jehová, y ri rujolon xapon k'a chukojol ri ruch'ek.

2 Rey 2:25

K'ari' ri Eliseo xbe pa ruwi' ri juyu' Carmelo, y chirij ri' xtzolej pa tinamit Samaria.

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

Wuj Richin ri Jeremías 23:13

Yin kan e nutz'eton chi ri winaqi' ri ek'o pa tinamit Samaria kan nikiben ri man niqa' ta chinuwech. Kan nikiq'alajirisaj ri rubi' ri Baal y kan xkiben chike ri winaqi' richin ri tinamit Israel chi xkichop chik el jun bey.