1 Rey 18:18 - Kaqchiquel Bible18 Y ri Elías xubij: Yin man nusachon ta kik'u'x ri qawinaq israelita: Ja rat y ri ek'o pa rachoch ri atata'. Rix xa xiya' k'a kan ri rupixa' ri Jehová richin xe'itzeqelibej ri Baal. အခန်းကိုကြည့်ပါ။ |
Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.
Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.
Y ri aj-raqen xkibij chire ri rey: ¡Tikamisex re achin re'!, roma rik'in re ch'abel re nubij, nuben chike ri juba' aj-labal ri k'a ek'o kan, chi nikimalij kik'u'x y keri' chuqa' nuben chike ri winaqi' ri ek'o kan chiri' pa tinamit, roma re achin re' man ja ta ri utz nukanoj pa ruwi' re tinamit re', xa ja ri itzel ri nukanoj!, xecha'.