1 Rey 17:6 - Kaqchiquel Bible

⁶ Y ri qo'ch nikik'en-pe wey y ti'ij richin nimaq'a' y chuqa' keri' nikiben ronojel tiqaq'ij; y nuk'ya' k'a chiri' chuchi' ri ch'uti'n raqen-ya'.

1 Rey 17:6 ပူးပေါင်းရင်းမြစ်များ

San Lucas 22:35

K'ari' ri Jesús xuk'utuj k'a chike ri rutijoxela': Toqaqa chi'ik'u'x, toq ri jun bey xixinteq y man xinwajo' ta richin xik'uaj peqes, ni méro, ni jun chik k'ulaj xajab. ¿K'o kami ri xk'atzin chiwe y man xiwil ta?, xcha'. Y rije' xkibij chi man jun.

San Mateo 19:26

Jari' toq ri Jesús xerutzu-apo y xubij chike: Man tich'ob keri'. Ri janila k'ayew chikiwech ri winaqi', chuwech ri Dios xa man jun k'ayew, xcha'.

Wuj Richin ri Jeremías 37:21

K'ari' ri rey Sedequías xuteq woyoxik richin chi yin yik'oje' chiri' chuwa-jay ri akuchi k'o-wi ri cárcel y chi ronojel q'ij tiya'ox jun kaxlan-wey chuwe ri nik'ayix pa taq bey. Y kan keri' k'a xban chuwe k'a ja toq xk'is ri kaxlan-wey pa tinamit. Y keri' yin xik'oje' kan chiri' chuwa-jay ri akuchi k'o-wi ri cárcel.

Wuj Richin ri Isaías 33:16

Ja wineq re' ri xtik'ase' pa ruwi' taq juyu'. Xtrewaj-ri' chikikojol nima'q taq abej, y kan jantape' xtik'oje' ruway y ruya'.

Wuj Richin Bix Chire ri Dios 37:19

Ri choj kik'aslen, stape' k'o ruk'ayewal, kan man xkek'oje' ta pa k'ayew. Stape' xtipe jun nimalej wayjal chikij, rije' kan man xkewayjan ta.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Wuj Richin Bix Chire ri Dios 37:3

Takuquba' ak'u'x rik'in ri Jehová, y tabana' ri utz. Man tamalij kan y xk'ase' chupan ri ruwach'ulew.

Wuj Kichin ri To'onela' 14:14

K'ari' ri Sansón xubij: Chupan ri k'uxunel xel-pe ri utz nitij. Ri xa janila itzel kan ki-ki' ri xuya-pe, xcha'. Y toq xq'ax yan k'a oxi' q'ij, rije' k'a man jani ketikir nikibij ri achike nel chi tzij.

Wuj Richin ri Q'axanri'il 11:23

K'ari' ri Jehová xubij chire: ¿Nach'ob rat chi yin man yitikir ta yixintzuq rik'in ti'ij richin jun ik'? Wakami k'a xtabetz'eta' wi qitzij o xa man qitzij ta ri xinbij, xcha' ri Jehová.

Wuj Richin ri Jeremías 40:4

Wakami yin ninwelesaj ri cadena ri achoq ik'in ximon-wi ri aq'a'. Wi rat nawajo' yabe chuwij pa Babilonia. Jo' y yin xkatinchajij y wi rat man nawajo' ta yabe, kak'oje' k'a kan. Re ruwach'ulew re' k'o chawech rat, kabiyin ri akuchi niqa' chawech y utz nana' yak'oje', xcha' chuwe.

Ex 16:35

Y keri' ri israelita, ja ri aj-chikajil-wey ri xkitej chi kawineq juna'. Rije' xkiya' kan rutijik ri wey ri' ja toq xe'apon pa k'ulba't richin ri ruwach'ulew Canaán.

1 Rey 17:5

Y ri Elías kan xbe k'a, y xuben achi'el xubij ri Jehová chire. Xbe k'a richin xbek'oje' chiri' chuchi' ri ch'uti'n raqen-ya' chiri' pa Querit ri k'o-apo la juk'an chire ri raqen-ya' Jordán, y xk'oje' k'a chiri'.

1 Rey 17:7

Y toq q'axineq chik janila k'iy q'ij, ri ch'uti'n raqen-ya' xchaqi'j roma kan man jun k'a job rubanon chiri' pa ruwach'ulew ri'.

1 Rey 13:28

K'ari' rija' xbe y xberila' na ri ch'akulaj punul kan pa bey, chikikojol ri ti bur y ri koj; y ri koj xa man xutej ta ri ch'akulaj ri' ni man jun rubanon chire ri ti bur.

1 Rey 19:6

K'ari' rija' k'ulan xtzu'un y jari' toq xutz'et chi chunaqaj ri ruch'akat-ruwi', k'o kan jun kaxlan-wey ponon ri k'o kan pa ruwi' ri racheq-q'aq' y jun xára ya'. K'ari' xwa-xuk'ya' y xwer chik qa jun bey.

1 Rey 19:8

Y keri' rija' xyakatej y xwa-xuk'ya'; y kan xk'oje' chik el ruchuq'a' roma ri wa'in ri'. Ri rubinen xuk'uaj k'a kawineq q'ij y kawineq aq'a', y keri' xapon k'a pa juyu' Horeb, ri juyu' richin ri Dios.

Wuj Richin Bix Chire ri Dios 33:18

Jak'a ri Jehová kan yeruchajij ri k'o rukiy ri Dios chikiwech. Yeruchajij ri nikikuquba' kik'u'x rik'in ri rajowabal ri man k'isel ta.