1 Rey 17:22 - Kaqchiquel Bible

²² Y ri Jehová kan xrak'axaj k'a ri ruch'abel ri Elías, y ri ak'ual xtzolin-pe ri ránima rik'in y xk'astej chik.

1 Rey 17:22 ပူးပေါင်းရင်းမြစ်များ

Apocalipsis 11:11

Jak'a toq q'axineq chik ri oxi' q'ij rik'in nik'aj, xintz'et chi ri Dios xuben chi xk'oje' chik kik'aslen. Roma ri' rije' kan xepa'e' chik k'a el jun bey. Y ri winaqi' ri xetz'eton kichin, kan janila xkik'en rukiy.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Hebreos 11:35

Ek'o chuqa' ixoqi' ri xekik'ul chik ri aj pa kachoch rik'in kik'aslen stape' e kamineq chik el. Jak'a ek'o ch'aqa' chik winaqi', ri man xkipoqonaj ta xe'apon chuwech ri kamik y man xkajo' ta richin xekol; roma kan ketaman chi chirij ri kamik xtibekila' jun k'aslen más utz.

Romanos 14:9

Ri Cristo kan xken y xk'astej richin chi xok qajaw, stape' k'a oj k'es na, o wi oj kaminaqi' chik el.

San Juan 11:43

Toq ri Jesús rubin chik k'a qa re ch'abel re', kan rik'in k'a uchuq'a' xch'on y xubij: Lázaro, katel-pe chiri', xcha'.

2 Rey 13:21

Y k'o k'a jun bey toq ri aj-Moab xepe richin ye'eleq', y ri israelita ye'ajin chumuqik jun achin kamineq. Toq xekitz'et k'a ri eleq'oma', janila xkixibij-ki' y roma ri' xkik'eq kan ri kamineq, ri akuchi muqun-wi ri Eliseo y xe'animej. Y toq ri ruch'akul ri kamineq ri' xutun-ri' rik'in ri ruch'akul ri Eliseo, jari' toq ri kamineq ri' xk'astej chik jun bey y xpa'e-q'anej.

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.

Hechos 20:12

Ri qach'alal kan janila k'a xkuqer kik'u'x roma ri ala' kan k'es ri xkik'uaj-el.

San Lucas 8:54

Jari' toq ri Jesús xuchop ruq'a' ri ti xten, y xubij k'a: Ti xten, kayakatej, xcha'.

San Lucas 7:14

Ri Jesús xuchop-apo ri tz'alem akuchi uk'uan-wi-el ri kamineq, y ri e uk'uayon-el richin xepa'e-qa. Rija' xubij k'a chire ri kamineq: Chawe rat ninbij-wi. Kayakatej, xcha'.

1 Rey 17:23

K'ari' ri Elías xuyek-q'anej ri ak'ual y xuk'uaj-qa pa jay ri pa xulan-qa, y xberuya' chire ri rute' y xubij chire: Ja ti awal re', wakami k'es chik, xcha'.