1 Rey 17:18 - Kaqchiquel Bible

¹⁸ Y ri ixoq ri' xubij chire ri Elías: ¿Achike xinmakuj yin chawech, rat ri at rusamajel ri a-Dios? ¿At peteneq wik'in chunataxik ronojel ri itzel nubanobal, y roma ri' xken ri ti wal?, xcha'.

1 Rey 17:18 ပူးပေါင်းရင်းမြစ်များ

San Lucas 5:8

Toq ri Simón ri nibix chuqa' Pedro chire, xutz'et re jun meyel banobel re' xbexuke' chuwech ri Jesús, y xubij chire: Wajaw, man ruk'amon ta k'a chi yak'oje-pe wik'in, roma yin in jun aj-mak, xcha'.

San Lucas 4:34

Xubij k'a chire ri Jesús: ¿Achike nawajo' chiqe roj, Jesús aj-Nazaret? ¿Xape k'a richin chi yojak'is? Yin wetaman at achike rat; rat kan at loq'olej-wi y at peteneq rik'in ri Dios, xcha'.

2 Rey 3:13

K'ari' ri Eliseo xubij chire ri rey richin Israel: ¿Achike roma wik'in yin xape-wi? Ke'abek'ulubej ri e q'alajirisey ruch'abel ri ki-dios kan ri ate-atata', xcha' Y ri Joram xubij chire: Ni; roj oj peteneq awik'in rat q'alajirisey ruch'abel ri Jehová, roma ja rija' ri xoyon qichin re oj oxi' rey richin yojrujech pa ruq'a' ri tinamit Moab, xcha'.

San Juan 2:4

Jak'a ri Jesús xubij chire: ¿Achike k'a ri nawajo'? Roma ri nu-hora xa k'a man jani tapon, xcha' rija'.

2 Sam 16:10

Jak'a ri rey xubij: Rat ral ri Seruiá, man tayoj-awi' chupan re'. Wi rija' nroyoj itzel pa nuwi', kan tubij na, roma ja ri Jehová biyon chire chi nubij re' chuwe, xcha'.

San Lucas 8:28

Re achin re', kan xaxe xutz'et ri Jesús, kan jari' xbexuke' chuwech. Kan rik'in k'a ruchuq'a' xch'on-apo rik'in ri Jesús, y xubij k'a: Rat, Jesús ri ruk'ajol ri nimalej Dios, ¿achike roma toq yinaneq? Tabana' jun utzil man kinach'ujerisaj, xcha'.

Marcos 6:16

Jak'a ri Herodes Antipas, toq xrak'axaj ronojel re', xubij: Re' xa ja ri Juan ri xinteq rutzak'ixik rujolon, y wakami xk'astej-pe chikikojol ri kaminaqi', nicha-qa.

Marcos 5:7

Y kan rik'in k'a ruchuq'a' xch'on y xubij: Rat Jesús ri ruk'ajol ri nimalej Dios, ¿achike roma toq yinaneq? Pa rubi' ri Dios ninbij chawe, chi man kinach'ujerisaj, xcha'.

Wuj Richin ri Achin Job 13:26

¿Achike roma chupan re aq'atoj-tzij k'iy itzelej taq banobel ri ye'atz'ibaj chuwij, y kan nak'en-pe ronojel ri nubanobal ri xenbanala' toq k'a in k'ajol na?

Wuj Richin ri Achin Job 13:23

Kan tabij k'a chuwe janipe' itzel banobel nubanon, y janipe' chi mak ri nubanon chawech. Richin keri' ninwetamaj janipe' mul nupaban-wi' chawech, y ninwetamaj janipe' mak nubanon chawech.

2 Crón 35:21

Y ri Necao xeruteq-pe rusamajela' rik'in ri Josías richin xokibij chire: Man kinaneq rat rey richin Judá, roma man chawij ta rat in peteneq-wi. Xa kan rik'in chik jun ruwach'ulew xtinbenbana-wi oyowal. Y ri Dios xubij chuwe chi kan chi'anin tinbana' ri oyowal ri'. Man tapaba-awi' chuwech ri Dios roma kan ja rija' beneq wik'in yin; roma man xa karukamisaj kan, xcha' ri Necao.

1 Rey 18:9

Jak'a ri Abdías xubij chire: ¿Achike k'a numakun yin ri in asamajel richin yinajech pa ruq'a' ri Acab richin yirukamisaj?

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

2 Sam 19:22

Jak'a ri David xubij: ¿Achike roma toq ja rix ri yixbin-pe chuwe ri k'o chi ninben? Roma ronojel re' kan pa nuq'a' yin k'o-wi. Rix kan iwetaman chik jebel chi yin in rey richin ri tinamit Israel. ¿Y achike k'a roma toq xa xixok-qa etzelanel wichin? Yin kan ninbij k'a chi chupan chijun ri qaruwach'ulew Israel kan man jun xtiken chupan re q'ij re', xcha'.

1 Sam 16:4

Ri Samuel xuben k'a achi'el xubij ri Jehová chire. Y toq rija' xapon pa Belén, ri rijita'q taq achi'a' ri k'o kiq'ij richin ri tinamit ri' xbekik'ulu-el rik'in xibinri'il, y xkibij chire: ¿Richin uxlanibel-k'u'x ri apeten o ni?, xecha'.

Wuj Richin ri Rutikeribel 50:17

Kere' tibij chire ri José: Nink'utuj utzil chawe, José, chi takuyu' kimak ri awach'alal, roma kan janila itzel xkiben chawe, chayineq kan. Roma ri' roj re wakami niqak'utuj utzil chawe chi takuyu' qamak roj ri oj rusamajela' ri ru-Dios ri qatata', xecha-el chire ri xkiteq-el. Y toq ri José najin k'a chirak'axaxik ri kitaqon-el rubixik ri rach'alal, ri José janila k'a noq'.

Wuj Richin ri Rutikeribel 50:15

Toq kamineq chik k'a ri Jacob, ri e rach'alal ri José xkich'ob: Rik'in juba' ri José k'a k'o chuk'u'x ri xqaben chire y wakami xtuben ruk'exel chiqe, xecha-qa.

San Mateo 8:29

Y rije' kan rik'in k'a kuchuq'a' xech'on-apo rik'in ri Jesús y xkibij: Rat Jesús ri at ruk'ajol ri Dios, ¿achike nawajo' chiqe? ¿Achike roma yojaya' pa tijoj-poqonal, toq xa man jani napon ruq'ijul?, xecha'.

Wuj Richin ri Q'axanri'il 5:15

re achin re' xtuk'en-pe ri rixjayil chuwech ri sacerdote y chuqa' xtuk'en-pe ka'i' libra k'ej richin cebada, roma ri rixjayil, jak'a pa ruwi' re k'ej re', man niya'ox ta aceite ni pom, roma jun kamelabel richin atixanik, richin chi niq'alajin jun mak.

1 Rey 12:22

Ri Jehová xch'on-pe rik'in jun q'alajirisey ruch'abel, ri rubini'an Semaías, y xubij chire:

1 Rey 17:17

Y toq q'axineq chik k'a ka'i-oxi' ik', jari' toq ri ti ral ri malka'n ixoq ri' xyawej, y jun yabil janila k'ayew ri xchapo richin, kan janila k'a xnimatej y xken.

1 Rey 17:19

K'ari' ri Elías xubij chi tuya' ri ti ral chire. Ri te'ej ruli'en k'a ri ak'ual, y ri Elías xuch'elej-el y xuk'uaj-q'anej pa jay ri okineq ruwarabel, y xuliba-qa pa ruch'at.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

Wuj Richin ri Rutikeribel 44:16

Ri Judá xubij chire: ¿Achike k'a xtiqabij wakami? ¿Achi'el toq xtiq'alajin chi man oj aj-maki' ta? Ri Dios xril ri qamak ri qabanon. Wakami k'a, jare' ojk'o pan aq'a', xqojok k'a asamajela' junan rik'in ri achoq ik'in xilitej-wi ri qumbel, xcha' ri Judá.

Wuj Kichin ri To'onela' 13:6

Re ixoq re' xberutzijoj chire ri rachijil y xubij chire: Jun achin richin ri Dios xpe wik'in, y ri rubanik achi'el jun ángel, y kan nak'en rukiy; jak'a yin man xink'utuj ta chire akuchi peteneq-wi, ni ta rija' xubij ri rubi' chuwe.

2 Rey 1:9

K'ari' ri Ocozías xuteq k'a el jun aj-raqen ri k'o pa kiwi' e kawineq lajuj aj-labal, y re achi'a' re' xebe-el akuchi k'o-wi ri Elías ri tz'uyul pa ruwi' jun juyu'. Y ri aj-raqen xubij chire: Rat ri at achin richin ri Dios, ri rey xuteq-pe rubixik chi kaqaqa-el re wawe', xcha'.