1 Rey 17:12 - Kaqchiquel Bible

¹² Y ri ixoq xubij: Chuwech k'a ri Jehová ri k'aslik a-Dios ninbij chi maneq kaxlan-wey wik'in, xaxe jun moq' k'ej ri k'o kan chupan ri bojo'y, y ti juba' ti aceite ri k'o kan chupan ri xára. Y wakami ninmol juba' ti nusi' richin ninchaq'arisaj jun kaxlan-wey qichin chi oj ka'i' rik'in ri ti wal. Xtiqatej k'a ri jun ti kaxlan-wey ri' y chirij ri' xqojken roma wayjal, xcha'.

1 Rey 17:12 ပူးပေါင်းရင်းမြစ်များ

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin ri Rutikeribel 21:16

K'ari' rija' xbek'oje-pe pa jun la'eq oxi' raqen k'an, roma man nrajo' ta nutz'et toq niken ri ral. Y k'ari' ri Agar xsik'in-q'anej chi oq'ej.

Wuj Richin ri K'uxla'anik 4:9

Kan más wi k'a utz ruwa-kiq'ij ri xeken chi espada chuwech ri xeken roma wayjal. Rije' xa kan eqal-eqal na k'a xpe ri kikamik, roma man jun chik k'o kik'in richin nikitej.

Wuj Richin ri Jeremías 14:18

Wi yibe pa juyu', yentz'et ri xeken kan pan oyowal. Toq yinok-apo chupan ri tinamit, yentz'et winaqi' ri yeken yan qa roma wayjal. Chuqa' ri nikibananej chi e q'alajirisey ruch'abel ri Dios y ri e sacerdote chaq k'ate' xe'uk'uex-el pa jun chik ruwach'ulew ri man ketaman ta, xicha' chike.

Wuj Richin ri Jeremías 5:2

K'o jujun nikijikiba' kitzij pa nubi' yin, jak'a xa nikibananej richin nikijikiba' kitzij, xcha'.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

2 Sam 15:21

Jak'a ri Itai xubij: Ninjikiba' nutzij chawech pa rubi' ri Dios, chi rokik at k'es rat, yin kan xkatintzeqelibej richin k'aslen o kamik. Akuchi xkak'oje-wi rat, chiri' xkik'oje-wi yin, xcha'.

1 Sam 26:10

Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

1 Sam 20:21

Chirij re', k'ari' xtinteq-apo ri nusamajel y xtinbij-el chire: Kabiyin, ja tabekanoj ri kokoj raqen-ch'ab, xkicha'. Y wi xtinbij chire chi ri kokoj raqen-ch'ab más kere' ek'o-wi-pe, jari' toq rat yatel-pe roma k'o uxlanibel-k'u'x, y man jun k'a itzel xtak'uluwachij. Yin kan chuwech ri k'aslik Jehová ninbij-wi re'.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

1 Sam 14:39

Roma ri Jehová ri nikolon ri qatinamit kan k'es-wi. Y yin kan nuya'on k'a nutzij chuwech rija' chi stape' kan ja ri nuk'ajol Jonatán xmakun, k'o chi niken, xcha'. Y man jun k'a chike ri achi'a' ri' ri k'o ta ri xubij-apo.

San Mateo 26:7

Y toq raq'el-apo chiri' chuchi' ri mesa*f37* y niwa', jari' toq xapon jun ixoq rik'in ri Jesús, ruk'uan-apo jun k'ojelibel ri banon rik'in ri abej alabastro, y k'o-el jun jubulej aq'om chupan, ri kan janila jotol rajel. Y jari' ri xberuq'eja' pa rujolon.

Wuj Richin ri Rutikeribel 21:15

Y toq xk'is k'a ri kiya' ri kik'uan-el chupan ri tz'um, jari' toq ri te'ej xberuya' kan ri ral pa rumujal jun q'ayis.

1 Rey 17:11

Y ri ixoq kan nibe yan k'a chuk'amik ri ya' toq ri Eliás xch'on chik y xubij: Chuqa' nink'utuj utzil chawe chi wi xa k'o ta kaxlan-wey awik'in, tak'ama-pe juba' wichin, xcha'.

1 Rey 17:13

K'ari' ri Elías xubij chire: Man taxibij-awi'. Ri ach'obon richin naben, kan utz richin naben, xaxe k'a ri ninwajo' yin chi tabana-pe ri wichin yin nabey y nak'en-pe chuwe, y k'ari' xtaben ri awichin rat y richin ri ti awal,