1 Rey 17:11 - Kaqchiquel Bible

¹¹ Y ri ixoq kan nibe yan k'a chuk'amik ri ya' toq ri Eliás xch'on chik y xubij: Chuqa' nink'utuj utzil chawe chi wi xa k'o ta kaxlan-wey awik'in, tak'ama-pe juba' wichin, xcha'.

1 Rey 17:11 ပူးပေါင်းရင်းမြစ်များ

Hebreos 13:2

Toq ek'o ye'apon chi'iwachoch, man k'a tipoqonaj ye'ik'ul. Roma banatajineq chi roma ri samaj ri' ek'o ángel ri e apowineq pa taq jay, y ri xek'ulun kichin man xkinabej ta.

San Mateo 10:42

Xabachike k'a wineq ri xa stape' juba' ruya' nusipaj chire ri más ruqasan-ri' chike ri nutijoxela' yin, kan qitzij k'a ninbij chiwe chi kan k'o-wi rajel ruk'exel ri xtuk'ul, xcha' ri Jesús.

1 Rey 17:9

ja yan ri' tibe pa tinamit Sarepta ri k'o pa ruwach'ulew Sidón, y chiri' tik'oje-wi, roma rija' rubin chik chire jun malka'n ixoq chi ja rija' ri nilin richin.

Wuj Richin ri Rutikeribel 18:5

Utz xiben richin xixq'ax-el re kere', yin xtink'en-pe iway y kixwa' na k'a el richin nik'oje-el juba' iwuchuq'a' y k'ari' xkixbe, roma ri' kan utz xiben richin xixq'ax-el wawe', xcha' ri Abraham. Utz, tabana' k'a ri nabij, xecha' rije'.

1 Rey 17:10

Y keri' ri Elías xbe k'a pa Sarepta, y toq xapon chuchi' ri tinamit, jari' toq xutz'et jun malka'n ixoq ri k'o chiri' numol rusi'. Y ri Elías xroyoj-apo y xubij chire: Nink'utuj utzil chawe richin tak'ama-pe juba' nuya' richin ninqum, xcha'.

1 Rey 17:12

Y ri ixoq xubij: Chuwech k'a ri Jehová ri k'aslik a-Dios ninbij chi maneq kaxlan-wey wik'in, xaxe jun moq' k'ej ri k'o kan chupan ri bojo'y, y ti juba' ti aceite ri k'o kan chupan ri xára. Y wakami ninmol juba' ti nusi' richin ninchaq'arisaj jun kaxlan-wey qichin chi oj ka'i' rik'in ri ti wal. Xtiqatej k'a ri jun ti kaxlan-wey ri' y chirij ri' xqojken roma wayjal, xcha'.