1 Rey 16:30 - Kaqchiquel Bible

³⁰ Y xk'oje' pa tinamit Samaria richin xuq'et-tzij. Xuq'et k'a tzij juwineq ka'i' juna' ri chiri'. Y ri Acab xa kan itzel k'a ri rubanobal chuwech ri Jehová, y ja rija' ri más xmakun chikiwech ri rey ri xek'oje' nabey chuwech rija'.

1 Rey 16:30 ပူးပေါင်းရင်းမြစ်များ

1 Rey 16:25

Jak'a ri Omrí xa kan itzel k'a ri rubanobal chuwech ri Jehová, y ja rija' ri más xmakun chikiwech ri rey ri xek'oje' nabey chuwech rija'.

1 Rey 21:25

Kan qitzij na wi chi man jun chik xbanon achi'el ri xuben ri Acab, ri kan xujech-ri' chubanik ri etzelal chuwech ri Jehová, y ja ri Jezabel ri rixjayil ri xbanon chire richin xmakun chuwech ri Jehová.

1 Rey 14:9

Jak'a rat, xa kan janila k'a itzel ri abanalon-pe chikiwech konojel janipe' ri xeq'ax yan el chupan ri ajawaren. Rat xaya' kan awij chinuwech, y roma ri' xayek janila woyowal. Kan xe'abanala-qa kiwachibel ch'aqa' chik dios ri e banon rik'in q'eqapueq ri ya'erisan pa q'aq'.

2 Rey 3:2

Y xuben k'a ri man utz ta chuwech ri Jehová stape' man xuq'i' ta ri kibanobal ri rute-rutata'; roma xrelesaj-el ri paban-abej richin ri Baal, ri rubanon kan ri Acab ri rutata'.

1 Rey 16:33

Chuqa' xuben-q'anej jun paban-che' richin nikiya' ruq'ij ri Asera. Ja rija' ri más xmakun chikiwech ri rey ri xek'oje' nabey chuwech rija', y roma ri' xuyek royowal ri Jehová ri Dios richin Israel.

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

1 Rey 16:29

Toq ri Asá k'a k'es na, y chupan ri juna' juwineq waqxaqlajuj richin ri ruq'atbal-tzij pa ruwi' ri Judá, jari' toq xok kan rey ri Acab ri ruk'ajol ri Omrí, ri chiri' pan Israel.

1 Rey 22:53

roma kan xusamajij y xuya' kiq'ij ri Baal, y roma ri' kan xuben chi xyakatej royowal ri Jehová Dios richin Israel, achi'el xuben ri rutata'.

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

2 Rey 17:2

Y rija' kan man utz ta k'a xuben chuwech ri Jehová, jak'a ri ch'aqa' chik rey richin Israel kan ik'owineq ruwi' itzel xkiben chuwech rija'.

2 Crón 21:13

Xa ja ri itzel taq kibanobal ri rey e richin Israel, ri ek'o pa xaman, ri xatzeqelibej; y ja rat xabanon chi ri winaqi' richin ri Judá y ri Jerusalem xkich'er kan ki' chire ri ruchojmilal ri nuya'on yin. Xa kan xaben chi xkiben achi'el ri itzel taq kibanobal ri aj pa rachoch kan ri Acab. Y pa ruwi' ri', chuqa' xe'akamisaj ri awach'alal ri xa kan más e utz chawech rat.