1 Rey 16:24 - Kaqchiquel Bible

²⁴ Y k'o k'a jun juyu' chiri' ri rubini'an Samaria, y ri rajaw ri juyu' ri' rubini'an Sémer. Y ri Omrí xuloq' k'a kan ri juyu' ri'. Xutoj jubama jun quintal rik'in nik'aj saqipueq, y chiri' xupaba-wi-q'anej jun tinamit ri xubini'aj Samaria, roma ri nabey rajaw xubini'aj Sémer.

1 Rey 16:24 ပူးပေါင်းရင်းမြစ်များ

1 Rey 13:32

roma ri xuq'alajirisaj rija' chirij ri porobel wawe' pa Betel, y ri porobel ri ek'o chuwi' taq juyu', ri xbix chire roma ri Jehová, kan qitzij xtik'ulun, xcha'.

2 Rey 17:24

Jak'a ri rey richin Asiria xeruk'en k'a pe winaqi' richin jalajoj ruwech tinamit: Ri Babilonia, ri Cuta, ri Avá, ri Hamat y ri Sefarvaim, richin xeruya' pa taq tinamit ri ek'o pa ruwach'ulew Israel, pa kik'exel ri e rijatzul kan ri Israel. Keri' xok-qa kichin ri Samaria y ri ch'aqa' chik tinamit ri ek'o chiri'.

2 Rey 17:6

K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

2 Rey 17:1

Toq k'a k'es na ri Acaz, y chupan ri juna' wuqlajuj chire ri ruq'atbal-tzij, jari' toq xok kan rey ri Oseas ruk'ajol ri Elá. Y xuq'et-tzij beleje' juna' pa ruwi' ri Israel chiri' pa tinamit Samaria.

1 Rey 22:37

Y keri' ri Acab xken y xk'amer-pe pa Samaria; y chiri' k'a xmuq-wi.

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

1 Rey 18:2

K'ari' ri Elías xbe richin niberuk'utu-ri' chuwech ri Acab. Y ri wayjal ri chiri' pa Samaria kan janila k'ayew rubanon.

1 Rey 16:32

Y xuben jun rachoch ri Baal ri chiri' pa Samaria, y chupan ri jay ri', xuben jun porobel richin nikiya' ruq'ij ri Baal.

2 Rey 10:1

Chiri' pa tinamit Samaria k'a ek'o k'a kan e oxk'al lajuj rijatzul ri ánima Acab. Y roma ri' ri Jehú xerutz'ibaj wuj, y xeruteq pa Samaria chike ri achi'a' ri k'o kiq'ij chiri' pa Jezreel y chike ri yechajin y yetijon kichin ri e rijatzul kan ri Acab, y xubij-el chike:

2 Rey 15:13

Toq k'a k'es na ri Ozías,*f5* y chupan ri juna' juwineq belejlajuj chire ri ruq'atbal-tzij, ri Salum ruk'ajol ri Jabés xok kan rey. Y xaxe jun ik' ri xuq'et-tzij pa ruwi' ri Israel, chiri' pa Samaria.

Wuj Richin ri Jeremías 41:5

xe'apon k'a jumuch' achi'a' ri e peteneq pa Siquem, pa Siló y pa Samaria. Y rije' kan kisokan k'a pe ri rusumal-kichi', kikusan-pe tzeretzeq kitziaq y ri kich'akul nojineq chi sokotajik ri ja rije' e banayon-qa; re' retal richin bis. Chuqa' kik'amon-pe jalajoj ruwech ixin y pom richin nikisuj chuwech ri Jehová chiri' pa rachoch pa Jerusalem.

Am 6:1

Toq'ex iwech rix winaqi' ri man jun nimey ixk'o chiri' pa juyu' Sión; chuqa' rix ri kan ikuquban ik'u'x rik'in ri juyu' Samaria; rix ri kan k'o iwejqalen, ri achoq ik'in ye'apon-wi ri iwinaq richin jun to'onik.

Wuj Richin ri Miqueas 1:5

Ronojel re' xtibanatej roma rix nuwinaq xixyakatej chirij ri Dios. Rix ri ix rijatzul kan ri Jacob xixmakun chuwech rija'. ¿Achike ta k'a k'o rumak chire ri yakatajinenri'il richin ri Israel? ¿Man ja ta kami ri Samaria? ¿Achike ta k'a yeya'on kiq'ij ri wachibel chiri' pa Judá? ¿Man ja ta kami ri Jerusalem?