1 Rey 16:22 - Kaqchiquel Bible

²² Jak'a ri winaqi' ri e tzeqelibeyon-el richin ri Omrí xetikir más chikiwech ri e tzeqelibeyon-el ri Tibní. Jak'a ri Tibní xa xken, y ja ri Omrí ri xk'oje' kan rey pa ruwi' chijun ri ruwach'ulew Israel.

1 Rey 16:22 ပူးပေါင်းရင်းမြစ်များ

1 Rey 16:21

Y xeri' ri winaqi' aj-Israel xa xkich'er k'a ki' pa ka'i' tzobaj; y ri jun tzobaj xkitzeqelibej ri Tibní ri ruk'ajol ri Guinat ri xkiben chire richin xok kan rey, y ri jun chik tzobaj xkitzeqelibej ri Omrí.

1 Rey 16:23

Toq ri Asá k'a k'es na, y chupan ri juna' juwineq julajuj richin ri ruq'atbal-tzij pa ruwi' ri Judá, jari' toq xok kan rey ri Omrí, y xq'aton-tzij kablajuj juna'. Y waqi' juna' chire ri kablajuj xq'aton-tzij pa tinamit Tirsá.

2 Rey 8:26

Ri Ocozías juwineq ka'i' rujuna' toq xuchop nuq'et-tzij, y xaxe ok jun juna' xuq'et-tzij, y ri rati't ja ri Atalía, rijatzul kan ri Omrí ri xok rey richin Israel.

Os 7:7

Y rik'in ri kiq'aq'arinen ri' xekikamisaj k'a ri to'onela'. Konojel ri ki-rey xa chi jujun xekamisex. Jak'a kan man jun chike rije' ri xuk'utuj ta to'onik chuwe yin, ncha' ri Jehová.