1 Rey 16:20 - Kaqchiquel Bible

²⁰ Y ri ch'aqa' chik rubanobal ri Zimrí chupan ri ruq'atbal-tzij toq xyakatej chirij ri rey Elá, e tz'ibatel k'a chupan ri Wuj Ri Cholan Nich'on pa kiwi' ri rey e richin Israel.

1 Rey 16:20 ပူးပေါင်းရင်းမြစ်များ

1 Rey 16:27

Y ri ch'aqa' chik rubanobal ri Omrí chupan ri ruq'atbal-tzij; ri nima'q taq rubanobal rija' y ri samaj ri xek'achoj chuwech, ronojel re' e tz'ibatel kan chupan ri Wuj Ri Cholan Nich'on pa kiwi' ri rey richin Israel.

1 Rey 16:14

Ronojel ri ch'aqa' chik ri xebanatej chupan ri q'atbel-tzij richin ri Elá y ronojel ri rusamaj, e tz'ibatel kan chupan ri Wuj Ri Cholan Nich'on pa kiwi' ri rey richin Israel.

1 Rey 16:5

Y ronojel ri ch'aqa' chik ri xuben ri Baasá chupan ri ruq'atbal-tzij, ri ruchuq'a' ri ruq'atbal-tzij y ronojel ri rusamaj, e tz'ibatel kan chupan ri Wuj Ri Cholan Nich'on pa kiwi' ri rey richin Israel.

1 Rey 22:39

Y ronojel ri ch'aqa' chik ri xebanatej chupan ri q'atbel-tzij richin ri Acab e tz'ibatel kan ronojel chupan ri Wuj Ri Cholan Nich'on pa kiwi' ri rey richin ri Israel. Chiri' chuqa' e tz'ibatel-wi kan ronojel ri samaj richin ri jay ri xuben, ri xuya' ruwiqobal ri e banon rik'in rey tix, y chuqa' ri tz'aq ri xeruben richin xerusutij-kij ri tinamit.

1 Rey 15:31

Y ronojel ri ch'aqa' chik ri xebanatej chupan ri ruq'atbal-tzij ri Nadab y ronojel ri rusamaj ri xeruben, e tz'ibatel kan ronojel chupan ri Wuj Ri Cholan Nich'on pa kiwi' ri rey richin ri Israel.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

1 Rey 16:21

Y xeri' ri winaqi' aj-Israel xa xkich'er k'a ki' pa ka'i' tzobaj; y ri jun tzobaj xkitzeqelibej ri Tibní ri ruk'ajol ri Guinat ri xkiben chire richin xok kan rey, y ri jun chik tzobaj xkitzeqelibej ri Omrí.